Briçonnet

2. Thomas ou Henri Bohier. (Cf. ci-dessus, t. IV, p. 107, n. 1.)

Et, par l'autre de vosdictes lettres, ay veu aussi ce qui a esté fait en la matière d'Armaignac, et comme vous en avez escript à la court de parlement en les advertissant des inconveniens qui en pevent advenir pour la contrariété des provisions obtenues en ladicte matière, qui a esté cause d'esmouvoir le peuple. Et a esté bien fait à vous d'avoir envoyé au pays pour faire cesser la force et mettre les choses en ma main, car il n'est riens que plus me viengne à déplaisir que de oyr parler de telles emocions. Et vous prye, mon frère, que y tenez la main en maniera que le seneschal d'Armaignac en ait charge comme je l'entends, et que lesdictes emocions puissent cesser, car le fait d'Armaignac ne m'est pas de petite conséquence. Maiz surtout donnez à ladicte emocion ordre, affin que aucune chose n'en adviengne à mon povre peuple, et en escripvez derechef aux gens de madicte court à ce qu'ilz se donnent bien garde de plus rien faire au contraire; autrement n'auroye cause de me contenter d'eulx.

Au surplus, mon frère, je escrips présentement au sire de Baudricourt* qu'il s'en viengne devers moy avec partie de sa compaignie, et, en son lieu, durant son absence, ay commis mon cousin d'Orval pour avoir l'ueil aux affaires qui pourront survenir en Bourgongne ; et m'a semblé qu'il y pourra licitement vacquer avec le gouvernement de Ghampaigne, pour ce que les pays sont prez l'un de l'autre. Et pour ce escripvez à mondict cousin d'Orval qu'il donne bonne provision en Ghampaigne et que, ce fait, il s'en voyse devers le sire de Baudricourt pour adviser ensemble