A JEAN DU MAYNE

Lyon, 14 avril 1496.

Ordre de faire partir pour Narbonne les 1,500 archers qu'il a sous ses ordres. — (Copie. Arch. mun. d'Agen, BB 19, livres des jurades, fol. 211.)

De par le roy.

Nostre amé et féal, nous avons ordonné que les quinze cens frans archiers ou gens de pyé du pays et senneschaulcée d'Agennoys, de Quercy, d'Armaignac, Roergue et d'aultres dont vous avez la charge yront en la ville de Narbonne pour nous servir en noz faiz de noz guerres; et pour ce, incontinent nos lettres veues, faictez les tirer et marcher et nous advertissez du jour que y pourront estre, affin que nous douions provision d'envoyer les commissaires et clercs pour les faire payer de leurs gaiges et sodoyer, en quoy n'y aura faulte; et si faictes en ceste matière la plus grande et extrême diligence que possible vous sera, car le cas le requier. Ou surplus, donnez vous bien garde en lavant {sic) audict lieu vostre compaignie, que ne face aulcuns maulx ne pilherie à nostre peuple et subgectz. Donné à Lyon, le xiiii" jour du moys d'avril.

Charles.

robertet.

La suscription : A nostre féal amé conseiller Jehan du Mayne, chevalier, seigneur d'Escandaillac.

DGCGGLXXXII.