AU PAPE ALEXANDRE VI

Sainl-Just, près Lyon, 2 juin 1496.

L'évêque de Sion a été chassé de son siège épiscopal et dépouillé de tous ses biens par ses sujets révoltés, en haine des services qu'il a rendus au Roi et à son prédécesseur. Prière au pape d'octroyer audit évêque telles provisions qui lui seront nécessaires pour contraindre ses sujets à le rétablir sur son siège et à lui restituer ses biens. — (Copie. Arch. de Milan.)

Très saint père, nous tenons Vostre Sainteté assez informée comme les Vallesiens, subgectz de nostre très chier et bon amy l'evesque de Syon^, leur sei-

1. Des hostilités, qui durèrent trois années, entre l'évêque de Sion, Jost de Silinen, et le duc de Milan, ayant tourné au préjudice du prélat (juillet 1487), un parti hostile à Silinen, dirigé par Georges de Supersax, se forma dans le Valais. En 1495, Jost, pour aider Charles VIII, reprit les armes contre les Milanais; mais l'hostilité de Supersax, gagné par le parti de la Ligue italienne, fît échouer l'entreprise. Le 7 octobre 1495, l'évêque et son frère Albin, suivis d'une grosse bande de Valaisans, rejoignirent le camp français à Verceil, où la signature de la paix rendit leur présence inutile. Cependant, Supersax profitait du mécontentement causé par les misères de cette expédition manquée, et, au printemps de 1496, un mouvement révolutionnaire contraignit l'évêque à quitter le pays. Privé de la plupart de ses bénéfices, mal soutenu par les Cantons, il se retira en France d'abord, où vint le frapper l'excommunication papale (27 août 1496), puis en Suisse. Enfin, en février 1497, il se décida à se rendre à Rome afin d'y plaider sa cause. Il échoua et mourut peu après. C'est à Rome que Jost de Silinen était né en 1435 et avait commencé sa carrière au service du cardinal Guillaume d'Estoute-

gncur temporel et spirituel, l'ont n'a gueres, de leur ductorité privée, par voye de fait et main armée, assiégé en son palais et maison episcopal, icelluy prins prisonnier, ravy et emporté ses biens meubles, et encores pis, estant en leur main et dangier et d'aucuns leurs notaires communelz, l'ont par force et violence contrainct passer procuracion pour sondict evesché, les places et temporel d'icelluy resigner à leur vouloir, sans recompense ne retenue de pension, es mains de Vostre Sainteté ou du vichancellier du Saint Siège : autrement eust esté en dangier de sa vie, et si n'eust sceu yssir ou eschapper de leurs dictes mains ou prison privée. Laquelle procuracion ledict evesque, si tost qu'il a esté en liberté, et luy estant en la cité de Lozanne, a deuement revocquée, et les procureurs dénommez en icelle, ainsi que depuis l'avons fait signiffier à Vostre Sainteté en plain consistoire. Et neantmoins avons entendu que on pourchasse et sollicite Vostre Sainteté de fere procéder contre ledict evesque à privation de sondict evesché, dont, quant ainsi seroit, que ne povons croyre, fort nous desplairoit, et ne le pourrions souffrir ou permettre, car ce ne seroit raison, veu l'amour et les bons services que ledict evesque et les siens ont tousjours faiz à nous et à feu nostre très cher seigneur et père, que Dieu absoille. Aussi il sembleroit à la manière tenue par lesdicts Vallesiens, que tenons fort estrange, que ce n'a esté procédé d'eulx, ains par quelque vindicacion ou inimitié exquise et sollicitée en hayne desdicts ser- ^

ville. (Lulolf, Jost von Silinen, dans Gesc/iic/itsfreund, t. XV, p. 143-187; GalUa christ., t. XII, col. 751. Cf. ci-dessus, t. I, p. 10, note.)

vices à nous et à nOvStredict feu seigneur et père faiz. Et pour ce que l'église dudict Syon est de la dotacion et fondacion de noz progeniteurs roys et que sommes tenuz raisonnablement la soustenir, garder et deffendre de telles forces et voyes de fait, qui sont grandement à reprimer, et que sur toutes choses desirons ledict evesque de Syon en ses faiz et affaires estre doulcement et favorablement traicté, nous prions et requérons Vostre Sainteté tant et si très affectueusement et de cueur que fere povons que, en faveur et pour amour de nous, elle ne vueille aucunement attempter à l'encontre dudict evesque de Syon ne procéder à la privacion de son benetïîce qui, comme dit est, bonnement ne se peut fere et aussi ne le pourrions permectre, et neantmoins concéder et octroyer audict evesque de Syon provision par laquelle il puisse contraindre par censures ecclesiasticques et autrement lesdicts Vallesiens qui ont mis main sur lui et fait les excès et forces dessusdictes, à le recevoir, remettre, réintégrer et restituer en sondict evesché de Syon, et luy rendre et faire restituer et restablir tous et chacuns les biens meubles et immeubles qui lui furent prins et ostez. Et avec ce que pugnicion et correction soit d'eulx faicte fere à l'exemple de tous autres et par manière qu'il ne soit plus permis et loysible à gens laiz et rivaulx d'eulx eslever contre leurs prelatz, et de ce luy concéder et octroyer toutes provisions qui luy seront nécessaires, en ayant au surplus ledict evesque en tous ses faiz et affaires de par delà pour singulièrement recommandé. En quoy faisant, icelle Vostre Sainteté nous fera ung si très grant et très agréable plaisir que plus fere ne pourroit, dont de plus en plus

nous en tiendrons et repputerons tenuz envers icelle

Vostre Sainteté, laquelle Dieu, par sa grâce, vueille

longuement maintenir, préserver et garder en bon

régime et gouvernement de sa sainte Eglise. Escript

à Saint Just, près Lyon, le ii'^ jour de juing. Vostre

dévot fils le roy de France.

Charles.

BOURDIN

DCGCCXGIV.