Cf. la lettre précédente

cscript que voulsissiez vuyder et mettre fin ou procès (jue nostre chère et bien amée Heleyne de Beaufort, abbesse de l'abbaye de Leyvre (Leyme)\ en nostre pais de Quercy, a long temps a en nostre court de Parlement pour raison de ladicte abbaye. Duquel procès, combien que ladicte abbesse ait obtenu à son prouffit sur certains incidens douze ou treize arreslz, lesquelz n'ont esté entièrement exécutez, aussi que quatorze ans et plus ledict procès, qui estoit jà en droit et en estât de juger, eust esté dés lors par ordonnance de nostredicte court mis et baillé entre les mains de l'un de noz conseilliers d'icelle pour le rapporter, et que, à ceste fin, il eust jà esté mis sur le bureau pour y asseoir jugement et arrest deffinitif, touteifoiz, quelque poursuite et dilligence qu'elle y ait depuis sceu faire faire, ne s'en est encores fait aucune vuydange, fin ne expedicion, dont nous donnons merveilles, actendu mesmement le laps du temps qu'il y a que ledict procès est pendant en ladicte court, et qu'il a jà esté mis sur le bureau, comme dit est. Et, à l'occasion de ce, ladicte abbesse et le sire d'Arbin, son frère, conseiller et chambellan de nostre très cher et

1. Hélène de Beaufort, abbesse de Leyme, fut conGrmée en cette qualité par un arrêt du Parlement rendu en sa faveur contre Fine de Barra. L'abbaye de filles de Leyme, ou de la Grâce- Dieu, ou du Désert (Lumen Dei, Gratia Dci, sive de Heremo), appartenait à l'ordre de Cîteaux; elle paraît avoir été fondée vers 1220 par Guillaume de Cardaillac, évêque de Cahors. [Gallia christ., t. I, col. 192.) Le procès qui fait l'objet de la présente missive était dès 1482 vieux de vingt-trois ans, et c'est en 1459 qu'Hélène de Beaufort avait été « postulée » comme abbesse. Cf. Lettres de Louis XI, t. IX, p. 217, notice de M. Vaesen.

très amé frère et cousin le duc de Bourbon, sont puis n'a gueres venuz devers nous pour ceste matière, laquelle ilz nous ont remonstré bien au long. A ceste cause, et que entendons, desirons et nous plaist l'issue, fin et expedicion dudict procès, vous en avons bien voulu escripre de rechef', et vous prions, et neantmoins mandons et ordonnons bien expressément que vous vacquez et entendez en dilligence au jugement et diffinicion d'icelui procès en toute bonne Justice, et sur icelui prononcez vostre arrest diffinitif en façon que ladicte abbesse ne sesdicts parens, que avons en singulière recommandacion , n'aient plus occasion d'en retourner devers nous, ou nous mandez la cause pour laquelle vous différez de procéder au jugement d'icelui procès : car tel est nostre plaisir. Donné à Molins, le XY^ jour de novembre. Charles.

DUBOYS

A noz amez et feaulx conseilliers les gens de no^rc court de Parlement à Paris.

Recepta xxvij novemhris M° CCCC° nonag° VIP.