AU ROI DE PORTUGAL

Bois de Vincennes, 6 septembre 1484.

Remerciements pour les lettres apportées par Fernando Alures, son ambassadeur. Satisfaction donnée à ses réclamations et envoi de lettres patentes par le héraut Lyonnais. — (Bibl. nat., ms. fr. 5265, fol. 52. Impr. par Adh. Bernier, dans Séances du conseil de Charles VIII, p. 97.)

Très hault et très puissant prince, nostre très cher et très amé frère et cousin Jehan, par la grâce de Dieu roy de Portugal, Charles, par icelle mesme grâce, rov de France. Nous avons receu voz lettres par Fernando Alures, chevalier, vostre ambassadeur, et par lui oye la créance des choses que lui avez chargé nous dire, dont, tant de la visitacion que nous avez fait faire par lui que aussi de bonnes parolles et gracieuses remonstrances qu'il nous a dictes de vostre part, nous vous mercions très affectueusement. Nous lui avons fait expedicion sur les matières dont il nous a parlé, ainsi que serez tant par lui adverty que aussi par les lettres patentes que nous envoions par nostre cher et bien amé Lionnois, herault. Et quant autre chose vouldrez par deçà en quoy vous puissions complaire, nous le ferons de très bon cueur, priant Nostre Seigneur, très hault et très puissant prince, nostre très cher et très amé frère et cousin, qu'il vous ait en sa saincte garde. Donné au bois de Vincennes, près Paris, le vi*" jour de septembre.

{Les signatures ne sont pas reproduites.)

A très hault et très puissant prince nostre très cher et très anïé frère et cousin le roy de Portugal.

MLXXIV.