AU ROI DE PORTUGAL

Bois de Vincennes, 6 septembre 1484.

« Copie des lettres escriptes par le herault Lyonnois, que le Roy envoyé en Portugal. » — (Bibl. nat., iris. fr. 5265, fol. 52. Copie. Impr. par Bernier, dans Séances du conseil de Charles VIII, p. 97.)

Très hault. et très puissant prince, nostre très cher et très amé frère et cousin, Jehan, par la grâce de Dieu roy de Portugal, Charles, par icelle mesme grâce, roy de France. Nous avons oy ce qui, par Fernando Alures, chevalier, vostre ambassadeur, nous a esté remonstrè de vostre part touchant les prinses que font sur la mer nos subgeclz et les vostres les ungs sur les autres, et aussi touchant la comunicacion et entrecours de la marchandise des deux royaumes, et à ceste cause y avons mis ordre et donné la provision que avons fait publier en nos ports et havres, ainsi que serez plus au long adverty par vostredict ambassadeur. Et oultre ce, avons voulu et permis la conmunicacion et entrecours de la marchandise entre noz subgectz et les vostres, et summes délibérez de le faire entretenir vigoureusement. Et pour ce nous vous prions que, de vostre part, le faictcs ainsi faire et publier par vostre royaume, présent nostre cher et bien amè Lionnois, herault, que vous envoions expressément pardelà pour ceste cause, et faire et bailler doresnavant caucion par

les cappitaines et maistres de navires de vostre pais, ainsi que semblablement avons fait faire de nostre part, quant ilz départiront de voz ports et havres; par lequel herault nous vous prions nous envoyer pareilles lettres de ladicte communicacion comme sont celles que par lui présentement vous envoions. Et quant vous vouldrez aucune chose de nous, en le nous faisant savoir, nous le ferons de très bon cueur, priant Nostre Seigneur, très hault et très puissant prince, nostre très cher et très amè frère et cousin, qu'il vous ait en sa saincte garde. Donné au bois de Vincennes, près Paris, le vi*" jour de septembre^.

(Les signatures ne sont pas reproduites.)

A très hault et très puissant prince nostre très cher et très amè frère et cousin le roi de Portugal.

1. A la même date du 6 septembre 1484, le conseil décida que Lyonnois le héraut porterait en Portugal des lettres patentes d'amitié, etc., délivrées par le roi de France et dont le texte latin est rapporté par Bernier, p. 90. D'autres lettres patentes concernent « l'ordre des navires qui courent sur la mer », et injonction fut faite de les publier dans tous les ports et havres du royaume. (Voy. la lettre suivante.) La cause des « remontrances » présentées par l'ambassadeur du roi de Portugal avait été des actes de piraterie perpétrés par le seigneur de Saint-Germain, par Porcon et par Jehan du Ru, receveur de Montivilliers, aux dépens de certains marchands montés sur des navires portugais (Bernier, p. 89). On trouvera dans Godefroy [Hist. de Charles VIII, p. 352) le texte des lettres délivrées par le roi de Portugal, Jean II, en confirmation de l'accord passé avec la France. Elles sont datées « in oppido Montismajoris », 7 janvier 1485.

MLXXV.

AU SIRE DESQUERDES.

Paris, 6 septembre 1484.

Ordre d'exiger des patrons de navires sur le point de prendre la mer qu'ils donnent caution de ne pas courir sus aux alliés du roi. Autorisation aux sujets des rois de France et de Portugal de commercer entre eux. (Bibl. nat., ms. fr. 5265, fol. 51 v°. Copie du xv^ siècle. Impr. par Adh. Bernier, Séances du conseil, p. 96.)

Cher et féal cousin, nous avons par Tadvis et deli- !)eracion des princes et seigneurs de nostre sang et lignaige et gens de nostre conseil ordonné que doresnavant, quant ceulx qui auront charge et conduite de navires monteront sur mer, bailleront, preallablement que y monter, bonne et souffisant caucion de ne faire oultraige et doumaige à aucuns de noz amys et aliez. Et aussi avons permis que noz subgectz et ceulx du royaume de Portugal puissent conmunicquer les ungs avec les autres pour le fait et exercisse de la marchandise par manière d'amytié et permission, comme ainsi que vous pourrez veoir plus au long par noz lettres patentes que vous envoions, lesquelles nous voulons et vous mandons faire publier [et] le contenu d'icelles faire entretenir. Et, incontinant la publicacion faicte, envolez nous certifficacion signée de vostre greffier de ce que avez fait en ceste matière, et qu'il n'y ait point de faulte^ Donné au bois de Vincennes, le sixiesme jour de septembre.

(Les signatures ne sont pas reproduites.)