AU SEIGNEUR DE SAINT- VALLIER
Rouen, 27 avril 1485.
Ordre de protéger les Juifs de Provence durant l'absence de Jacques Galiot, conservateur officiel de leurs privilèges. —
1. Le texte de cette lettre est accompagné de la mention suivante : « Lesquelles lettres ont esté leues en toutes les chambres de ladicte court. Délibéré a esté : attendu que les conseillers dudict seigneur en la chambre des enquestes sont en bon et suffisant nombre, le procès dont esdictes lettres dessus transcriptes est faicte mencion, sera vuidé et jugé en ladicte chambre desdictes enquestes, les deux chambres d'icelle assemblées, et que l'un des présidents de ladicte grant chambre et aucuns des conseillers d'icelle assisteront à juger ledict procès. »
(Arch. mun. de Marseille, Registre des délibérations de li69 à l(i85, fol. 148. Impr. par A. Crémieux, les Juifs de Marseille au moyen âge, p. 109.)
De par le roy.
Pour aucunes causes avons nagueres mandé noslre amé et féal conseiller Jaques Galliot venir et soy tenir en noz payz de Bourgoigne avec noz gens de guerre de sa compaignie jusques à nostre bon plaisir. Et pour ce que icellui Jaques Galliot, qui est conservateur des privilleges des Juifs estant en nostre pays de Prouvence, durant sa demeure esdits pays de Bourgoigne ne pourra vacquer à la conservacioii d'iceulx Juifs, ne les mantenir et garder en nostre protection et sauvegarde par nous à eulx octroyée et confermée à nostre joyeulx advenement à la couronne, en laquelle les voulons estre entretenuz, nous vous mandons que, durant l'absence dudit Jaques Galliot, vous faictes lesdicts Juifs joir de ladicte sauvegarde selon la teneur de nosdictes lectres de confirmacion ; et neantmoins mandez et scripvez à tous les justiciers, officiers et habitans des villes de nostredict pays de Prouvence, esquellcs lesdicts Juifs sont demourans, que, en ensui- [v]ant la teneur d'icelles noz lectres, ilz gardent iceulx Juifs et les facent joir de l'effect de nostredicte protection et sauvegarde, sans leur souffrir estre fait, mis ou donné aucun trouble ou empeschement en la joyssance de ieurdicte sauvegarde, ains, s'aucune chose leur [ejstoit faicte au contraire, faites la incontinent reparer, et n'y faictes faulte, car tel est nostre plaisir. Donné à Rouen, le ^vii^jour d'avril.
Charles.
J. D AMONT
A nostre amé et féal conseiller et chambellan le sire de Saint Vallier, seneschal de Provence.
MLXXX.
