AUX CHAMBELLANS DU DAUPHIN

Turin, 17 août 1495.

Il leur prescrit les mesures à prendre pour préserver le dauphin de la maladie contagieuse qui règne en la ville d'Amboise. — (Orig. Bibl. nat., f. fr. 2922, fol. 25. Imp. par Le Roux de Lincy, Anne de Bretagne, I, p. 132, et par Vatout, Hist. des résidences royales, Amboise.)

Messieurs, j'ay receu voz lettres par lesquelles me faictes savoir que monsieur l'Escuier fait bonne chiere, dont je suis très joyeulx, et m'escripvez que en la ville d' Amboise y a plusieurs petis enfans mallades de verolle, qui est une maladie fort à craindre, comme m'ont dit de mes médecins ausquelz j'ay parlé de ceste matière. Et sont d'avis que bon seroit que feissiez assambler maistres Olivier Laurens, Bernard Chaussade, Jehan Michel et autres médecins telz que verrez estre affere pour savoir si ladicte maladie de verolle procède par contagion ou influence de mauvais air. Et s'ilz trouvoient qu'il y eust infection d'air, IV 17

seroie d'oppinion qu'on transporlast mondict seigneur l'Escuier à Montrichart * , Ghissé^, Moncontour^ ou autres lieux propices telz que ad viserez. Aussi, s'il n'y avoit fort grant dangier, je ne vouldroye point qu'il feust mis hors dudict chasteau d'Amboise, et si voiez qu'il n'en doive bouger, vous pourrez faire faire deffense que nulz petiz enfans ne autres de ladicte ville n'entrent oudict chasteau, et que ceulx qui sont entour sa personne ne conversent avec ceulx de ladicte ville. J'ay chargé mesdicts médecins en escripre auxdicts médecins de pardelà^; communiquez avec eulx sur le tout et y pourvoyez en manière qu'il n'en adviengne inconvénient, et me faictes savoir par Martin Peguineau^ que j'envoie pour ceste cause pardelà, ce que avez fait. Et adieu, messieurs. Escript à Thurin, le xvii® jour d'aoust.

Charles.

D AMONT

A messieurs les chambellans de monsieur le Daulphin.

1. Montrichard, arr. de Blois, ch.-l. de cant., Loir-et-Cher.