Alain le Grand, sire d'Albret

DCGCGXIV.

AUX HABITANTS DE NOVARE

Chieri, 28 août 1495.

Promesse d'un prompt secours. — (Orig. Arch. de Milan.)

Très chiers et grans amis, nous avons receu les lettres que nous avez escriptes et par icelles congneu le grant vouloir et affection que avez à nous faire service, dont de plus en plus vous mercions et vous prions vouloir tousjours y continuer et persévérer. Et au regard du secours, il n'y aura point de faulte que ne l'aiez au jour et ainsi que vous avons mandé et fait savoir. Et si recongnoistrons tellement envers vous les gratuitez et plaisirs que avez faitz pareillement à nostre frère le duc d'Orléans et pareillement à nous et faictes encores de présent que aurez cause cy après de vous en bien contenter. Et pour ce vous prions tant que fere povons que, en actendant ledict secours qui sera de brief au plaisir de Dieu, faictes tousjours le mieulx que pourrez et ainsi que en vous en avons nostre entière fiance. Très chiers et grans amis, Nostre Seigneur vous ait en sa garde. Escript à Quier, le xxvm® jour d'aoust.

A noz très chiers et grans amys les nobles et habitans de la ville de Novarre.

DCCCCXV.

AU PRÉFET DE RCHtfE.

Turin, 29 août 1495.

Victoire des Français à Fomoue ; l'armée est arrivée en Piémont ; alliance conclue avec les Florentins ; envoi de secours au royaume de Naples. — (Orig. Florence, Riform. Atti publici. Cartapecore, t. VI, Francia^ n° 60.)

Charles, par la grâce de Dieu roi de France, de Secille et de Jérusalem.

Très cher et grant amy, nous croyons que vous soiez assez adverty comme à Fournoue prez Palme* avons rencontré les Veniciens et une partie de la puissance du seigneur Ludovic en grant nombre, qui s'actendoient bien de nous faire deshonneur et dommaige. Mais, grâces en soient à Dieu, nous y avons passé à nostre honneur et discouru toute l'Ytalie maugré eulx avec nostre artillerie grosse, et mesme sans grant perte de noz gens; et au plus n'en est demouré des nostres, en bons et mauvays, que environ LX, et d'eulx y en demoura jusques à iiii" et plus, et iiii" hommes d'armes, dont il y avoit de grans personnaiges et chefz de guerre. Et sommes venuz en Ast et en ce pais de Pymont pour le rafraichissement de nous et de noz gens, actendant secours qui nous vient tant de nostre royaume de France que de Suysse et d'ailleurs ; et ce pendant avons prins bonne et entière alliance avec les Florentins et nouvelle confederacion avec les seigneurs des cantons des