AU SIRE DE ROHAN
Turin, 6 septembre 1495.
Prière de se rendre aux prochains États de Bretagne. Il lui envoie son maître d'hôtel Jean-François, avec charge de l'entretenir sur divers sujets. — (Copie. Bibl. de Nantes, coll. Labouchère 680, 147.)
Mon cousin, j'envoye Jehan Françoys\ mon maistre d'ostel et gênerai de mes finances, en Bretaigne de pardelà, pour mes estatz de ceste présente année, et ay ordonné que vous et mon cousin de Rieux serez presens ausdicts estatz. Je vous prie que vous y trouvez pour m'y servir ainsi que j'ay en vous ma parfaicte fiance, ayant regard à mes affaires que j'ay pardelà; et se vostre fait ne se porte ainsi que l'entendez, je vous prie que aiez paciance pour ceste année, et, moy retournant pardelà, pourveoiray à tout en façon que serez content. J'ay chargé mondict maistre d'ostel vous dire aucunes choses, tant de mes estatz que de mes nouvelles de pardeça. Je vous prie que le vueillez croire de ce qu'il vous dira. Et à Dieu, mon cousin, qu'i vous ait en sa garde. Escript à Turin, le vi^ jour de septembre.
Charles.
DUBOYS
A mon cousin le seigneur de Rouhan.
1. Jean-François de Cardonne (voy. lettre n° DCCCLXVIII), général des finances de Bretagne dès 1492. (Jacqueton, Doc. relatifs à l' administration financière en France, p. 297.)
DGGCCXXI.
AUX CHAMBELLANS ET MAÎTRES D'hÔTEL DU DAUPHIN.
Moncalieri, 7 septembre 1495.
Ordre de recevoir Martin Dubois en qualité de maître d'hôtel ordinaire du dauphin. — (Orig. Bibl. nat., f. fr, 2922, fol. 39.)
Messieurs, j'ay retenu Martin Dubois en Testât de maistre d'ostel ordinaire de monsieur l'Escuier, ainsi que pourrez veoir ; et ainsi recevez le et le faictes servir ainsi que font les autres maistres d'ostel ordinaires, car je vueil bien m'en servir et luy faire des biens en faveur des services que luy et son frère m'ont faiz et à la Roy ne ma mère. Et adieu. Escript à Montcalier^ le vu* jour de septembre.
Charles.
BOHIER
A messieurs les chambellans et maistres d'ostel de monsieur l'Escuier.
DCGCGXXII.
Turin, 10 septembre 1495.
Il se plaint de la négligence que mettent les gens des finances à lui envoyer de l'argent ; impuissance où il est de payer les Suisses. Prière de ne rien épargner pour le secourir. — (Copie. Bibl. nat., f. fr. 3924. Publ. par M. de Boislisle, Notice sur Et. de Vesc, p. 273.)
Mon frère, je vous ay par plusieurs fois escrit^ et
• 1. Moncalieri, ville du Piémont, district de Turin. [Dizionario, etc.)
2. Cf. ci-dessus lettre du 5 septembre 1495, n« DCCCCXIX. IV 19
envoyé Paris et Bourdin pour diligenter et haster mon affaire là où git mon bien et honneur, sauvement de mon royaume de France et de Naples et de tous les gens de bien que je y ai laissé. Toutefois, je n'ay point encor de nouvelles que l'argent soit en chemin, et ne pourrois penser que les gens de mes finances me laissassent en ce danger et deshonneur, et, pour ce, je vous envoyé derechef mon fourrier Bazoges en poste, à ce que l'envoyés par poste devers lesdicts généraux pour sçavoir à quoy il tient et pour sçavoir ce dont vient la faute ; car, si je ne suis secouru de la somme et au temps que je l'ay tousjours escrit, considéré mon si urgent et grand affaire où il va du corps, des biens et honneur, je leur doneray à conoistre par effect que j'ay esté mal servy, et aussy à celuy ou ceux qui auront fait leur devoir je le recognoistray, afin que les autres y prennent exemple et à ce qu'ilz voyent à l'œil mon affaire. Et aussy, pour dresser mes estats de ceste présente année, je leur ay escrit et derechef mandé par ce porteur que, toutes excusations cessantes, ilz viennent devers moy et ilz cognoistront que je n'ay rien escrit sans grande cause, juste et raisonable, pour le bien de moy et de mes royaumes, pays et terres, et considèrent bien que c'est que d'avoir sur les bras vingt cinq mille Souisses sans avoir argent pour les payer ; et s'ilz y estoient, ilz seroient bien estonnés. Je ne suis pas icy pour mon plaisir, mais seulement pour éviter la guerre et dépenses de mon royaume de France et mettre en seureté mondict royaume de Naples et mesdicts bons serviteurs que je y ay laissé, et me semble bien que là où j'ay mis et mets ma persone en danger et tant
de gens de bien que j'ay avec moy et estrangers qui libéralement me viennent servir, que les gens de mes finances et autres mes bons serviteurs ne doivent laisser tomber la compagnie en inconvénient. Et a esté force, jusques à ce qu'on m'ayt envoyé l'argent que j'ay escrit, que j'aye envoyé par les villes et bones maisons d'icy entour emprunter à grant interest et honte ce qu'on pourra finer, attendant la venue de l'argent que j'ay tousjours escrit que l'on m'envoye; et si ce ne sera pas grand chose, car à peine pourray je bailler ausdicts Souisses un franc ou un franc et demy, et, par ce moyen, ... pas une grande réputation, dont mes ennemis seront joyeux à grands merveilles, et mes bons amys et serviteurs en sont dolants; et pourroit estre que ce seroit diminution d'un bon et grand vouloir qu'ilz ont devers moy, dont je n'ay pas besoin. Et ladicte faute a esté et sera un dommage irréparable, car j'eusse vuidé, à l'ayde de Dieu, mon affaire au mois de septembre, où, par faute de payment, me doute qu'il me conviendra payer lesdicts Souisses d'un mois davantage, à cause dudict retardement et faute dudict payment dessusdict.
Je vous asseure, mon frère, que si mesdicts gens des finances estoient au jugement de ceux qui voyent à présent mon affaire, leur opinion et sentiment ne seroit pas bone pour eux, et faut dire vérité que je ne m'en puis contenter, et monstrent bien qu'ilz ne monstrent pas grande estime de ma persone et affaires ne de mon royaume, car, comme vous ay escrit, j'ay treuvé par conseil qu'il vaut mieux faire la despense bone en un mois que de la traisner tout
l'hyver et plus avant, qui seroit une perdition de gens, d'argent et évacuation d'iceluy.
Mon frère, je vous prie que à cet affaire ne me veulliés oublier et y faictes faire tout ce qui sera nécessaire sans rien y espargner, et que, jour et nuict, toutes choses laissées, je sois secouru. Et à Dieu, mon frère, qui vous ait en sa saincte garde. Escrit à Turin, le dixiesme jour de septembre.
Charles.
DUBOYS
A mon frère le duc de Bourbonnois et d'Auvergne. DGCCGXXIII.
