AU PARLEMENT DU DAUPHINÉ

Camp de Verceil, 16 septembre 1495.

Ordre d'envoyer des vivres pour ravitailler l'armée. — (Arch. de l'Isère, B2905. Copie.)

De par le roy.

Noz amez et feaulx, pour résister aux mauvayses entreprinses de noz ennemys qui sont devant Novarre, où ilz tiennent assiégé nostre frère le duc d'Orléans, nous sûmes mis en camp avecque nostre armée où il y a grant nombre de personnes, pour lesqueulx furnir des vivres et chouses à eulx neccessaires nous est requis en faire venir de toute part. A ceste cause, nous vous mandons que, incontinant, à la plus grant diligence que faire ce pourra, vous faictes, par les marchans de nostredict pays du Daulphiné, amener grant quantité de bestail , comme beuf[s] , vaches et mou-

tons, et autres sortes de victualhes et marchandises en nostredict campt, qui est entre Verceil et ledict Novarre prés de nosdicts ennemys ; et nous ferons si bien païer et contenter lesdicts marchans qu'ilz auront cause d'estre contens. Parelhement faictes amener jusques à Suze par les marchans de nostredict pays la plus grant quantité que l'on pourra trouver des blez, farines, orges, avoynes et blaves, à ce que, si en avions à besongner, qu'ilz fussent prés de nous pour les envoyer querre à nostre neccessité. Si n'y faictes faulte. Donné à nostredict camp, le xvi® jour de septembre.

Charles.

Briçonnet.

DGCCCXXIV.

AUX CHAMBELLANS ET MAÎTRES d'hÔTEL DU DAUPHIN.

Au camp, 19 septembre 1495.

Ordre de ne confier à autre qu'à Bourgale le soin de fournir les sucres et épiceries destinés au dauphin. — (Orig. Bibl. nat., f. fr. 2916, fol. 9.)

Messieurs, j'ay esté adverty que l'en fait fournir la cuisine de monsieur l'Escuier de sucres et d'espiceries par autre que par Bourgalle, mon appoticaire^ dont je ne suis pas content, car j'ay ordonné que ledict Bourgalle le fera et non autre, et pour ceste cause je l'ay fait demourer. Et pour ce, vous, ne les maistres

1. Nicolas Bourgale figure sur l'état de la maison du roi en 1495-1496 comme aide apothicaire aux gages de 180 1. (Godefroy, ouvr. cit., p. 705.)

d'ostelz ne souffrez doresenavant que autre que ledict

Bourgalle y fournisse, car je suis seur qu'il ne m'y

fera point de faulte. Escript en camp, le xix® jour de

septembre.

Charles.

DUBOYS

Messieurs les chambellans et maistres d'ostel de monsieur l'Escuier.

DCCCCXXV.