Carlo Barbiano, comte de Belgiojoso

VOUS ay escript* et prié à ce que par luy je saiche [de vos] nouvelles, qui est chose que fort désire et

encores plus que quelque jour ensemble. Et,

afin qu'il n'y ait faulte à ladicte emprinse et que plus brief elle puisse estre exécutée à vostre désir et intention et au mien, suis délibéré y aller en personne, vous priant que semblablement de vostre part le vueillez faire, pour estre ensemble participans audict affaire, en délibération que ce sera pour aller plus avant et faire quelque grant service à Dieu, à l'église et à l'exaltacion de la foy catholicque, qui est la chose en ce monde que plus j'ay à cueur. Et me semble que, quant nous serons assemblez, que le tout ne pourra que bien aller.

Mon cousin, je vous envoyé plusieurs lectres adressans à Romme, à ce que voyez les instructions que j'envoie à mes ambassadeurs^, pour dire à nostre Saint Père et au colliege des cardinaulx mon voulloir et intencion de ladicte emprise. Je vous prie que, incontinent icelles leues, faites tirer oultre et partir ladicte despesche, car vous savez que la matière requiert diligence.

Au surplus, j'ay fait mectre postes entre vous et moy (et de vous à Romme en pourrez faire mectre) en ensuivant vostre advis, à ce que seurement et plus

1. Voy. la lettre précédente. Charles VIII désirait vivement la venue du seigneur Galéas, afin de régler avec lui les détails de son expédition. (Delaborde, Expédition, p. 304.)

2. Le roi faisait partir pour Rome l'évêque de Fréjus et M® Benoît de Saint-Moris. Leurs instructions sont datées d'Amboise, 10 février 1494. (Arch. nat., K 1710; cf. Delaborde, ouvr. cit., p. 305, n. 2.)

souvent saichons des nouvelles de delà et puissons advertir l'un l'autre de ce qui surviendra. Et adieu, mon cousin. Escript aux Montilz lez Tours, le viii^ jour de février.

Charles.

robertet.

A mon cousin le seigneur Ludovic, duc de Bar.

DCCXLVI.

AUX HABITANTS DE TROYES

Amboise, 10 février 1494.

Le roi a résolu de se transporter à Lyon et d'y réunir un conseil pour délibérer sur le droit qu'il prétend avoir au royaume de Naples. — (Orig. Arch. mun. de Troyes, AA48, liasse 5. Publ. par M. Stein dans Annuaire- Bulletin de la Soc. de Vhist. de France, 1888, p. 206.)

De par le roy.

Chers et bien amez, présentement avons eu nouvelles d'Ytalye comme le roy Ferrand, lequel, par usurpacion, possedoit le royaume de Napples, est allé de vie à trespas. Et, pour ce qu'avons esté deuement advertiz que ledict royaume nous apartient tant par droicte succession que par testament de la maison d'Anjou, et autres bons et grans advertissemens que l'en nous a faiz des pays d'Ytalye, princes et seigneurs dudict royaume qui nous en ont escript, avons délibéré à dilligence nous transporter en nostre ville de Lion, et illec faire venir devers nous plusieurs bons et grans personnaiges, tant de nostre sang, prelatz, cappitaines, chefz de guerre, gens de nostre conseil, de

noz parlemens et autres, auquel lieu faisons apporter noz droitz, tiltres et enseignemens et ce qui nous a esté et sera envoyé pour ladiete cause, pour le tout mectre en deliberacion de conseil et sur ce prandre une bonne conclusion telle qu'il sera advisé pour le bien de nous et de nostre royaume, de laquelle et de tous noz autres affaires sommes délibérez vous advertir comme noz bons, loyaulx subgectz et serviteurs. Donné à Amboyse, le x^ jour de février^. I Charles.

ROBERTET

A noz chers et bien amez les gens d'église, officiers, bourgeois, manans et habitans de nostre ville de Troyes.

DCGXLVII.