Obietto de Fiesque

2. Fregosino, fils naturel du cardinal Paul de Campo-Fregoso, archevêque de Gênes.

Mais tout à coup tournèrent en fuyte lesdictz ennemys pour gaigner les montaignes de tous coustez. Et là, en fuyant, furent prins et tuez de leur cousté de sept à huyt cens, entre lesquelz» fut prins le filz du cardinal et ung autre capitaine, filz de Biote, et autres capitaines dont on ne scet encores les noms. Et, ce fait, mondict frère se retira et logea la nuyt dedens le villaige qui estoit fourny de vivres et de bons vins, et y fut l'armée bientost rafreschie. Et le lendemain, au matin, qui fut le ix" jour de septembre, mondict frère fist retirer ses gens dedens les navires et galées et faire voile aflfin de garder et empeschier que ledict prince de Tharante ne peust recueillir aucuns de ses gens le long de la coste, car ilz estoient en fuytte, et aussi pour essayer s'il les pourra enclorre. Et, ce fait, mondict frère s'en doit retourner à Gennes.

En passant par Thourin, j'ay veu mon cousin et ma cousine, la duchesse de Savoye et sa seur^, et vous asseure qu'il m'est advis que je pense estre encore en France, veu la bonne chiere que l'en me fait, car jamais je ne fus en pays où je feusse mieulx recueilly et tout plain de gens de bien venir au devant de moy, clefz me présenter et joyaulx, les rues tendues. Et, en effect, on me fait ce que l'on sçauroit faire, et si vous asseure que mondict cousin et sa seur sont très beaulx enfans ; je les ay fait paindre et les vous envoyé. Et à Dieu, mon frère, qui vous ait en sa garde. Escript à Ast, le x® jour de septembre, par le tout vostre^. Charles.

Dubois.

1. Yolande Louise, née en 1487, qui épousa Philibert de Savoie.