Veroli, district de Frosinone-Roma. [Dizionario, etc

DGCCLII.

AU DUC DE BOURBONNAIS

Veroli, 11 février 1495.

Assaut et prise du Mont-Saint- Jean ; les villes d'Aquila et de Salerne ont ouvert leurs portes. — (Arch. nat. Lettres originales des rois de France. Publ. par M. de la Pilorgerie, ouvr. cit., p. 177, et M"® Dupont, Commynes. Preuves XLIII, 2, t. m, p. 392.)

Mon frère, depuis les derrenieres lettres que vous ay escriptes et pour tousjours vous advertir des choses ainsi qu'elles surviennent, tirant mon chemin pour aller au pas Saint Germain, j'envoyay mon cousin le conte de Montpensier et sa bende à une ville qui est à iiii milles d'icy et prés d'ung mille d'une autre ville, appellée le Mont Saint Jehan, laquelle tenoit contre moy, et est une des places de ce pays autant renommée de force. Toutesfois, pour ce qu'elle eust peu porter quelque dommaige se je l'eusse laissée derrière, je trouvay par conseil que je la devoye avoir pour mettre en mon obéissance, feust par amytié ou par force; par quoy ordonnay à mondict cousin l'envoyer sommer, ainsi que l'on avoit fait sommer les autres par où je suis passé : ce qu'il feit par deux fois, mais ilz n'ont jamais voulu faire ouverture. A ceste cause, je partiz hyer matin d'icy et m'en allay disner au logis de mondict cousin. Et l'aprés disnée je descendy devant ledict Mont Saint Jehan, lequel desja estoit par mon ordonnance assiégé, avecques ung nombre de mes gens d'armes. Et, à mon arrivée, feiz tirer mon artillerie, [et] en peu de temps après don-

ner l'assault en telle forme que, de la première poincte, ilz n'arresterent oncques demy heure que mesdicts gens d'armes ne fussent entrez dedens ; et la prindrent par force en ma présence, dont je vous ay bien voulu advertir : et vous asseure, mon frère, que je y veiz le plus bel esbat du monde, et ce que jamais n'avoye veu, et aussi bien et hardiment assaillir et combatre qu'il est possible. Au surplus, j'espère partir demain pour retourner au logeis de mondict cousin de Montpensier, auquel se trouveront tous les cappitaines de sa bende et ceulx que j'ay avecques moy, pour là avecques eulx et par conseil prendre conclusion de ce que j'auray affaire pour aller gaigner ce pas Saint Germain, lequel l'en dit estre fortiffié par le duc de Calabre, qui y est en personne avecques un grand nombre de gens.

J'ay ce jour d'huy receu lettres de ceulx de Laquille, lesquelz m'escripvent comme subgectz et continuent de plus en plus en leur bon vouloir; et desjà, en se declairant ouvertement, ont commencé à forger monnoye à mes armes, ainsi que vous pourrez veoir par une pièce que je vous envoie cy dedans enclose*. Pareillement ay receu lettres de la cité de Salmone^, qui est une belle et grant cité, comme l'en dit, et ay sceu qu'ilz m'ont fait serement et toute fidélité comme subgectz. De ce qui surviendra serez tousjours adverty; aussi je vous prye, mon frère, que, de vostre

1. Cf. dans Le Blanc, Traité hist. des monnaies de France, p. 316, et dans Commynes, édit. Dupont. Preuves, t. III, p. 393, n. 2, des reproductions de ces monnaies frappées à Aquila.

2. Solmona, ville de 12,000 habitants dans l'Abruzze ultérieure.

part, vous me faictes souvent savoir de vos nouvelles, et surtout donner ordre et provision au fait et recouvrement de mes deniers et à les m' envoyer pour m'en subvenir à mon affaire. Et à Dieu, mon frère, qui vous ait en sa garde. Escript à Verly, le xi* jour de février.

Charles.

robertet.

DCGCLIII.

AU DUC DE BOURBONNAIS

12 février 1495.

Prise de Rocca Secca et de Rocca Guglielma; le roi Ferdinand vient d'abandonner Monte-San-Germano; deux cents gens d'armes italiens ont été mis en déroute par le maréchal de Rieux. — (Arch. nat., Lettres originales des rois de France. Publ. par M. de la Pilorgerie, ouvr. cit., p. 179, et par M"" Dupont, Commynes. Preuves XLIII, 3, t. III, p. 395.)

Mon frère, dés hyer au matin vous ay fait sçavoir la prise de Mont Saint Jehan et la façon comment elle fut prinse d'assault ; et au soir receuz vos lettres qui faisoient seullement mention qu'avez receu les articles de l'appoinctement fait avec nostre Saint Pere\ et comme l'avez fait publier par mon royaume.

Mon frère, hier au soir, à deux heures de nuyt, mon cousin le conte de Guyse me feit savoir qu'il avoit mis en mon obéissance deux places, nommées l'une Roquesecque^ et l'autre Roqueguillerme^, qui