Rocca Guglielma, district de Gaeta-Caserta. [Ibid

sont deux très bonnes places, esquelles estoient de trois à quatre mil hommes d'armes, qui de bonne heure les ont habandonnées. Et depuys, environ la my nuyct, mondict cousin m'a escrit que le jeune roy Ferrant^ qui estoit à Saint Germain, s'en est allé à toute sa puissance et desemparé la ville et chasteau. Et dés l'heure plusieurs de mes gens d'armes sont entrez dedans, ce qui me vient bien à point, car c'estoit toute l'entrée du royaume et le passaige pour tirer avant au parachèvement de mon emprinse.

Mon frère, d'autre part je receuz lettres de mon cousin le mareschal de Rieux^, par lesquelles il me feit savoir que mardi derrenier il saillit environ deux cens hommes d'armes de mes ennemys pour venir veoir sa contenance et ce qu'il faisoit; mais il sortil sur eulx iiii" ou cent hommes d'armes des miens qui les misrent en fuyte, et en est demouré des leurs environ cinquante ou soixante que mors que prisonniers. Je m'en pars aujourd'uy de ceste ville de Bahe, et dedens deux jours je seray, se Dieu plaist, audict lieu de Saint Germain. Mon frère, je vous feray tousjours savoir le plus souvent que je pourray de mes nouvelles ; de vostre part faictes m'en aussi savoir. Et adieu, mon frère. Escript à Bahe (?), le xii® jour de février.

Charles.

DUBOYS

i. Ferdinand FI, reconnu roi de Naples le 23 janvier 1495, après l'abdication de son père Alphonse II.

2. Rieux s'avançait par les montagnes pour prendre San- Germano à revers.

ni LETTRES MISSIVES

DCGCLIV.