Cf. ci-dessus lettre DCCCLI

rie, oucr. cit., p. 180, et par M"® Dupont, Commynes. Preuves XLIII, 4, t. III, p. 396.)

Mon frère, j'ay fait retarder jusques icy le partement de la poste pour ce que je vous vouloye bien escripre et advertir de mon entrée en ceste ville de Saint Germain, laquelle est la première ville de mon royaume de Napples, et que par les habitans et officiers en icelle m'a esté fait toute obéissance, serment, fidélité et recongnoissance comme vraiz subgectz, et me donnant très bonne espérance au surplus de ma conqueste. Le roy Alphonse, depuis XV jours en ça, est sorty de Napples; et dit l'on qu'il s'en est allé par njier avecques une grande somme de ducatz ou en Espaigne ou en l'isle de Secille^ ; mais encore n'en y a point de certaineté où il est. Avant son partement, il a laissé le titre de roy au duc de Calabre, son filz. Je faiz et feray au demourant de mon affaire la plus grande diligence que je pourray ; et ce jour d'uy seront icy la pluspart de mes cappitaines pour adviser et conclure ce que j'auray à faire : et espère, à l'ayde de Dieu, vous aller veoir plus tost que ne pensez.

Mon frère, doresnavant je vous escripray bien souvent, et vous advertiray de tout ce qui surviendra chascun jour. Je vous prye, faictes moy savoir de vos nouvelles, et, comme par mes autres lettres vous ay mandé, donnez bonne provision et ordre à ce que mes deniers soient levez et envolez par deçà à toute dilligence, affin que je m'en puisse aider, car vous

1. Après son abdication le 23 janvier, Alphonse II était parti pour la Sicile, où il mourut le 19 novembre 1495.

entendez bien que, à mon entrée au royaume, il me conviendra faire de grans fraiz et despences très nécessaires. Par quoy je vous prye de rechief que vueillez entendre pour mon honneur ainsi que j'ay en vous seureté et singulière fiance. Et à Dieu, mon frère, qui vous ait en sa garde. Escript en ma ville et cité de Saint Germain, première ville de mon royaume de Napples, le xmi® jour de février*.

Charles.

robertet.

A mon frère le duc de Bourbonnoys et d'Auvergne.

DGGCLVI.

AU DUC DE BOURBONNAIS

Naples, 22 février 1495.

Entrée des Français à Naples. — (Arch. nat., Lettres originales des rois de France. Publ. dans CommyneSy édit. Dupont, t. III, p. 400, et par M. de la Pilorgerie, ouvr. cit., p. 198.)

Mon frère, depuis les autres lettres que derrenierement vous ay escriptes, par lesquelles je vous faisoye savoir mon entrée à Gappouue, je vous advertiz que je suis venu à Averse^ et l'ay mys en mon obéissance, et ce jourd'uy je suis entré en ceste ma cité de Napples, et me suis venu loger au chasteau de Gap-

1. Du même jour, 14 février 1495, ordre itératif au Parlement de Paris de surseoir au procès d'entre le comte d'Orval et Engilbert de Clèves touchant la succession du feu duc de Brabant. (Arch. nat., X<a 9321, no 100.)

2. Aversa, ville de la terre de Labour, entre Capoue et Naples.

pouanne^ lequel est prés de la porte de ladicte cité, pour ce que je n'ay voulu pour ce jour tenir ne faire forme d'entrée ; et vous asseure que de ce que j'ay veu jusques icy du royaume, ce (est) un g bon et beau pays, plain de biens et de richesses. Au regard de ceste cité, elle est belle et gorgiase en toutes choses autant que ville peut estre.

Damp Ferrand et Damp Federic^ se sont retirez au chasteau de l'Ove' et ont laissé dedans le chasteau Neuf* de ceste ville le marquis de Pescaire et quelque nombre de gens; mais j'ay fait dresser et asseoir mon artillerie devant, et espère que en bien peu de temps je la reduiray en mon obéissance ; et desja la baterie leur a osté toutes leurs deffenses. Et estoit demourée leur espérance en quelques gallées qui estoient au pié dudict chastel de l'Ove, esquelles ilz se sont mis à l'extrémité, et ont prins ledict Ferrand et Federic la mer pour leur derrenier reffuge.

Mon frère, vous ne pourriez croyre la grant affection et voulenté que les gentilz hommes et peuple demonstrerent avoir à moy, car de chascune ville du royaume m'a esté apporté les clefs des portes, et m'ont fait les gentilz hommes et cytoiens d'icelles toute fidélité et serment comme vrais et loyaulx subgectz doyvent et sont tenuz de faire. Au surplus, j'en-