A LOUIS DE GRAVILLE

San-Germano, 13 février 1495.

Il s'en remet à lui du soin de surveiller les menées du roi des Romains. Assaut et prise de Mont-Saint-Jean; abandon de San-Germano par le duc de Calabre. — (Publ. par M. de la Pilorgerie, ouvr. cit., p. 448.)

Monsieur l'amiral, j'ay receu voz lectres du xxviif jour de janvier, escriptes à Amyens^ Touchant l'assemblée des gens de guerre que fait le roy des Romains ou quartier là où il est, vous dictes que l'on ne sçait encores au vray de son entencion*. Je me donne merveilles de ce qu'il fait ladicte assemblée veu les bonnes paroUes qu'il m'a fait porter par ses ambassadeurs qui sont icy avecques moy; toutesfoiz, je vous mercie de ce que m'en avez adverty. J'ay bien fiance que vous donnerez si bon ordre à tout au quartier là où vous estes que, avec l'aide de mes bons serviteurs et nobles hommes du pays estans par delà, qu'il ne se fera riens à mon desavantage. Vous povez vous adresser pour les choses qui vous seront nécessaires au gênerai Gaillart, auquel j'ay escript qu'il face ce que vous lui ordonnerez, et sçay bien

1. Cf. P. Perret, Notice sur Graville, p. 169. La lettre de Graville au roi y est donnée, probablement par erreur, comme étant du 28 février.

2. Une lettre écrite de Mouzon aux gens du Conseil de la ville de Reims, le 20 décembre 1494, ferait croire également à certains mouvements de troupes sur cette frontière. Cf. aux Pièces justificatives.

qu'il ne vous laissera avoir faulte de rien. De ce qu'il vous surviendra, faictes nioy savoir des nouvelles à toute diligence : vous m'avez escript d'autres lectres de ladicte assemblée, lesquelles je n'ay point eues ; il fault dire que les postes ont esté destroussés en chemyn, et pour ce faictes vous en enquérir et le faictes savoir à mon frère de Bourbon. Au surplus, tirant mon chemyn pour venir à Saint Germain, lequel le duc de Galabre tenoit avecques ung nombre de gens d'armes, il y avoit une place nommée le Mont Saint Jehan, la plus renommée de force de ce pays, et laquelle estoit au marquis de Pescaire, qui est avecques le roy Alfonce. Et pour ce qu'elle tenoit contre moy et me povoit faire quelque dommage en la laissant derrière, je l'envoyai assiéger par mon cousin de Montpencier et sa bande; et le lendemain aprez disner, je feuz devant ledict Mont Saint Jehan, et à mon arrivée feiz tirer mon artillerie, et une heure aprez donner l'assaut en telle forme que de la première pointe mes gens d'armes entrèrent dedans, et en ma présence la prindrent à moins de demye heure. Il y avoit dedens ladicte place de vu à vni'' hommes de guerre qui tous furent tuez, réservé quelques prisonniers qui se saulverent dedans une tour, où depuis furent prins. Je vous asseure, monsieur l'amiral, que je ne veiz jamais ung si bel esbat ni si hardiement assaillir et défendre que je veiz là*. Geste nuyt passée, j'ay sceu, par lectres que mon cousin le mareschal de Rieux m'a escriptes, que le

1. Cf. ci-dessus les lettres au duc de Bourbon des 9 et 11 février.

duc de Calabre a habandonné ledict Saint Germain et s'en est retiré à Capoue^ et que, en s'en retirant, il fut suivy par cinquante ou soixante hommes d'armes des myens, lesquelz estoient là envoyez pour savoir de ses nouvelles et feirent quelque destrousse sur leur bagaige à la queue.

Je m'en pars demain au matin pour aller audict Saint Germain pour tirer audict Gapoue, et j'espoire, à l'aide de Dieu, poursuyvre le surplus de ma conqueste et emprise; dont je vous ay bien vouUu advertir, et vous prie que le faictes savoir aux gens de bien par delà, afin qu'ilz entendent de mes affaires de ce pays. Je vous ay escript comment depuis mon partement de Romme j'ay mis en mon obéissance la place de Montf ronce, Gyvete de Salo, cité d'Aquier, la Lyonnoise, l'Aquille et la plus part de la Poille et de Prusse^. Et au demourant, escripvez moy souvent ce qu'il sourviendra par delà. Et adieu, monsieur l'amiral. Escript en ma ville de Saint Germain, première ville de mon royaume de Napples, le xiii* jour de février.

Charles.

A monsieur l'amiral. Robertet.

DGCGLV.

AU DUC DE BOURBONNAIS

San-Germano, 14 février 1495.

Entrée des Français à San-Germano. — (Arch. nat., Lettres originales des rois de France. Publ. par M. de la Pilorge-