Le Roux de Lincy a daté cette lettre du 29 mars

veu, ce que je luy ay accordé volontiers. Après plusieurs parolles et dolleances, il me supplia et requist, entre autres choses, que je voulusse bien laisser à sondict nepveu le tiltre du royaume et quelque pension pour vivre telle qu'il me plairoit adviser. Sur quoy je luy fis responce que, avant mon partement du royaulme de France, j'avoye fait consulter mon droit et querelle et que j'avoie trouvé par l'opinion de tous les sages princes et chevalliers de cedict royaume que à tort et contre raison il avoit esté usurpé sur mes prédécesseurs, et pareillement que j'en avoie pris le tiltre et requis la vestiture à nostre Saint Père le Pape quand je passay à Rome. Par quoy je n'estois point délibéré de riens laisser ni quitter de mon héritage et dudict tiltre, mais pour l'honneur de la maison dont il estoit, je ne le voulois laisser déshérité; et que s'il s'en vouloit venir en France, je luy donneroye pour son estât xxx mille livres de rente et XXX mille livres de pension chacun an et des gens d'armes, avec ce que je le maryerois en quelque lieu de mon royaume de manière qu'il auroit cause de se contenter. De quoy il ne me fist aucune responce et me dist qu'il s'en yroit savoir la voulence de son nepveu, ce qu'il fist. Il retourna le lendemain pour avoir responce, cuidant gaigner le point qu'il demandoit, ce que je ne lui voulus accorder par les raisons dessusdictes, et il se retira à tant. Ce fait, je fis incontinent asseoir mon artillerye devant ledict castel de l'CEuf et faire telle diligence et batterie du costé devers la ville que ceulx qui estoyent dedens se trouvèrent si fort pressez que le jeudy ensuivant, xiii® jour de ce présent moys, ils requirent parlementer et requirent

quinze jours de trêves pour se rendre ou pour combattre. Je ne leur en vouloys donner que huyt, à quoy ilz se décidèrent, et dés lors baillèrent hostages pour mettre ladicte place entre mes mains, ce qu'ilz ont fait dés vendredy, xx de cedict moys, et s'en sont allez leurs bagues sauves. Pareillement fut hyer pris et mis en mon obéissance le chasteau de Gayette^, et se sont ceux qui estoient dedens rendus par composition, leurs vies sauves et leurs biens à ma volonté. Hz ont esté tellement pressez de mon artillerye qu'ilz n'ont eu loisir de faire ladicte composition à leur avantage.

Au regard de Tarente^ et autres places qui sont sur les extremitez de ce royaume du costé des Turquains, messire Caraillo^ a déjà envoyé devers moy ung chevallier de Rhodes, lequel* a entre ses mains les places de la principaulté de Tarente, et il m'a fait savoir que je lui veuille envoyer sûreté pour venir devers moy afin qu'il mette entre mes mains toutes les places, et il me servira comme son roy, seigneur et souverain, ce que je lui ay octroyé. En oultre sont venuz icy ung grand nombre des plus gens de bien desdicts places et pays pour me faire serment et toute obéissance

1. Gaëte, place maritime de la terre de Labour; la ville s'était rendue sans coup férir le 16 février. (Boislisle, ouvr. cit. y p. 212.)