Ce mot se rapporte à messire Camillo

depuis mon arrivée en ceste ville jusques à présent. Tous les jours, sans cesser, j'ay fait et fais donner ordre au fait de la justice de ce royaume. Lequel royaume j'ay trouvé en si grant desordre et les gentilz hommes et subjectz tant oppressez que plus n'en pouvoyent. Pour leur donner à congnoistre le bon vouloir et affection que j'ay envers eulx, je leur ay par délibération du conseil osté ung tas de charges et exactions extraordinaires jusques à la somme de deux cens soixante mille ducatz par an, dont ilz ont esté fort contens*. Dés que j'auray pourveu aux places et seurté du royaume, je prendray mon chemin pour m'en retourner et gaigner les monts avant que les grandes challeurs viennent.

Mon frère, j'ai receu plusieurs lettres de vous, par lesquelles vous me faictes savoir bien au long Testât et disposition en quoy sont mes affaires de delà, dont je vous remercye. Je vous prie, en continuant ce qu'avez fait jusques icy, que souvent m'en veuillez escripre.

Au demourant, je vous prie d'advertir les prelatz, gens de bien, bonnes villes et citez de mon royaume de France des grandes grâces que Dieu m'a faictes et de la victoire qu'il luy a pieu me donner à la conqueste et recouvrement de mon royaume de Napples, et leur ordonner lui en rendre la louange ainsi qu'il appartient. Que partout ilz en facent processions, prières et autres sollempnitez accoustumées estre faictes en semblables cas, car je vous asseure, mon

frère, qu'il n'est plus de nouvelles en Ytalie du

du cymetiere des Françoys qu'ilz disoient y estre,