Cf. Delaborde, Expédition, p
mais y a acquis la nation de l'honneur et renommée largement et autant qu'il est possible. On parle sans cesse de mon exploit et de mon artillerie, laquelle, à ceste foiz, ilz ont congneue autrement qu'ilz ne cuidoient.
Mon frère, comme je vous ay escript, j'ay trouvé par deçà la justice en si mauvais ordre que pis ne pouvoit estre. Il me reste à trouver quelque nombre de gens clercz et savans pour la redresser, car ceulx du pays le désirent singulièrement. De ma part, je le veuil bien faire : à ceste cause je^vous prie, mon frère, enquerez vous par delà quelz gens de robe longue il y a qui voulussent servir de par deçà. Je desireroye singulièrement que le premier président de Bourgongne y vint ; je luy donneroye l'office de protonotaire du royaume, qui est le chief du Grant Conseil, à grant et honorable estat^ ; cela vault de gages par chacun an deux mille cent et quatre vingtz ducatz. Vous lui en pourrez escripre oultre ce que je lui en escripz, et vous me ferez savoir par la poste de sa voulonté en toute diligence, et semblablement les noms de ceulx qui y voudront venir, pour que je puisse ordonner de leur fait et appoinctement.
Mon frère, je vous advertiz que pour habillier mon visaige il ne suffisoit pas que j'eusse eu la petite vérole, mais j'ai eu la rougeole, de laquelle, Dieu mercy, je suis guery. Au surplus, vous ne pourriez croire les beaulx jardins que j'ay en ceste ville, car sur ma foy il semble qu'il n'y faille que Adam et Eve
1. L'office de protonotaire du royaume de Naples ne fut attribué que le 20 mai suivant à Jean Rabot, conseiller au parlement de Grenoble. (Cf. Godefroy, Charles VIII, p. 717.)
pour en faire un paradis terrestre tant ilz sont beaulx et pleins de toutes bonnes et singulières choses, comme j'espère vous en conter, mais que je vous voye. Avec ce j'ay trouvé en ce pays des meilleurs peintres; je vous en enverray pour faire d'aussi beaulx planchers* qu'il est possible. Les planchers de Beauce, de Lyon et d'autres lieux de France ne sont en riens approuchans de beaulté et richesse ceulx d'icy ; c'est pourquoy je m'en fourniray et les meneray avecques moy pour en faire à Amboise.
Mon frère, j'at intencion de faire mon entrée et couronnement entre cy et Pasques, et ce fait, incontinent après Quasimodo, je monterai à cheval pour m'en retourner, sans arrester ni séjourner en lieu que je ne soye par delà. Cependant, faictes moy savoir s'il y a riens en Ytalye ou à mon royaume de Napples de quoy ayez envie et je le vous envoyeray. Et à Dieu, mon frère, qu'il vous ait en sa garde. Escript à mon chasteau de Gapouana, en ma cité de Napples, le
xxviii^ jour de mars.
Charles.
robertet.
A mon frère le duc de Bourbonnois et d'Auvergne.
DCGCLXII.
AU DUC DE BOURBONNAIS
Naples, 29 mars 1495.
Les trois états de Provence ont remontré que plusieurs des com missaires du roi font ajourner au dehors les habitants dudit
i. C'est-à-dire des plafonds.
pays, ce qui est contraire aux anciens droits et privilèges de la province ; ordre de ne rien souffrir qui puisse porter préjudice auxdites libertés. — (Copie. Bibl. nat., f. fr. 3924, fol. 8 r°.)
De par le roy de France, de Jherusalem et de Secile.
Très cher et très amè frère, les gens des trois estats du pays de Provence nous ont fait remonstrer que aucuns nos commissaires, sous couleur de quelques commissions qu'ilz dient avoir de nous ou des gens de nostre Grand Conseil, s'esforcent faire adjourner et tirer hors oudict pays de Provence nos sujets habitans en iceluy, jaçoit que leursdictes commissions n'ayent esté vérifiées et entérinées et qu'ilz n'ayent sur ce lettres de Pareatis ^ et annexe ^ des grand senechal et conseil dudict pays, qui est venir contre la forme et disposition de droict et des libertés et privilèges dudict pays que leur avons confermés, ainsy qu'ilz disent. Et pour ce que nous entendons entretenir ceulx desdicts estats et pays de Provence en leurs anciens droicts et privilèges, voulons et vous mandons que ne faittes ne souffriez faire par lesdicts commissaires chose préjudiciable ausdicts privilèges et libertés dudict pays de Provence, ains que veuilliez faire que ce qui auroit ja esté fait ou innové, que le tout soit reparé et remis au premier estât et deu.
1. Nom de certaines lettres de chancellerie, par lesquelles le roi ordonnait l'exécution d'un jugement dans un lieu qui n'était pas du ressort de la juridiction où ce jugement avait été rendu. (Littré, Dictionnaire, au mot « Pareatis. » Cf. Lalanne, Dict. hist., au même mot.)
2. C'est-à-dire la mention d'enregistrement qui rendait les lettres susdites exécutoires en Provence.
Donné à Naples, en nostre chastel de Gappouane, le vingt neufviesme jour de mars.
Charles.
DUBOYS
A nostre très cher et très amé frère le duc de Bourbonnois et d'Auvergne, nostre lieutenant gênerai en nostre royaume de France.
DGGGLXIII.
AU DUC DE BOURBONNAIS
Naples, 29 mars 1494.
Il lui envoie, par un de ses fauconniers, deux des plus beaux sacres du pays. — (Orig. Bibl. de Pétersbourg. Copie. Bibl. nat., Autographes de Pétersbourg, Louis XI à François II, fol. 20.)
De par le roy.
Mon frère, je vous envoie, par Hector de Lespinay, l'un de mes faulconniers, les deux plus beaux sacres de ce pais que j'ay peu choisir sur les caiges*. Et à Dieu, mon frère, qui vous ait en sa saincte garde. Escript à Napples, le xxix* jour de mars.
Charles.
robertet.
A mon frère le duc de Bourbonnois et d'Auvergne.
1. Sacre, oiseau de proie dressé pour la chasse. Par une lettre datée de Bruxelles le 13 décembre 1457, le dauphin Louis prie le roi de Naples de lui envoyer deux de ces oiseaux « pour ce que se sont les oyseaulx en quoy je prens plus grant plaisir. » [Lettres de Louis XI, t. I, p. 97.)
DCCCLXIV.
AU DUC DE BOURBONNAIS
Naples, 26 avril 1495.
Il consent à l'entrevue proposée par le roi des Romains et espère qu'elle pourra avoir lieu vers la Saint- Jean; il compte partir de Naples dans sept ou huit jours. — (Copie. Bibl. nat., f. fr. 3924, fol. 3 r".)
Mon frere, j'ay receu vos lettres et veu les instructions que m'avés envoyées par maistre Philippes Billon, lesquelles j'ay trouvées très bones, et vous mercie de la peine que tousjours prenés pour mes affaires pardelà. Et, au regard de ce que mon frere le roy des Romains vous a fait sçavoir par son ambassadeur, j'ay le jour très agréable, tant de nostre veue que du lieu de Genefve dont il vous a parlé, par quoy l'en pouvez incontinent avertir, et me semble que environ la Saint Jehan icelle veue se pourra bien faire ^ J'espère partir d'icy dedans sept ou huit jours pour estre pardelà le plus tost que je pourray, et pour ce, faites moy sçavoir de tout par le chemin. Et à Dieu, mon frere, qui vous ait en sa garde. Escrit en ma cité de Naples, le vingt sixiesme jour d'avril.
Charles.
robertet.
A mon frere le duc de Bourbonois et d'Auvergne.
1. L'objet de cette conférence, qui n'eut jamais lieu, devait être de conclure une expédition contre les Infidèles et, sans doute, dans la pensée de Charles VIII, de détacher Maximilien de son alliance avec les Vénitiens. (Delaborde, Expédition de Charles VJII, p. 596 et suiv.)
DGCGLXV.
