Mouzon, ch.-l. de cant., arr. de Sedan, Ardennes

Mon frere, j'ay sceu par vous la bonne diligence et service que me faict mon cousin d'Orval, dont je le mercie. Des lettres que nous a escriptes mon frere le duc d'Orléans, de la déclaration que le duc de Milan a faicte contre luy, je ne pansay jamais luy faire desplaisir ne en corps, ne en biens, ne en son estât. S'il m'en pourchasse, je mettray peine de m'en garder et de soustenir, garder et deflPandre d'oultraige mondict frere d'Orléans. Je vous remercie de l'argent que faictes tenir prest à Lyon, car de l'envoyer par deçà on ne le pourroit pas envoyer seurement. Je mettray paine de m'en passer, et mes gens en auront plus grant couraige pour aller quérir le payement en Ast. Mon avant garde partira samedy prochain, si Dieu plest, et moy deux ou trois jours après; partie de mon artillerie partit hier pour se acheminer devant. Cependant, je pourvoyray à tous mes affaires de mon présent royaulme de Naples et le lesseray bien garny de tout, tant qu'il luy sera nécessaire.

N'obliez de me rescripre et faire sçavoir si mon bon frere le roy des Romains sera prest au lieu qu'il vous a fait sçavoir et au temps que vous ay rescript, et mettray paine que de ma part il n'y aura faulte, et là pourrons conclure ensemble plusieurs bones choses au service de Dieu et du bien de l'Eglise et de la Grestienté*. Nonobstant que je espère estre bien accompaigné pour résister à toutes les choses dessusdictes, toutesfois, pour l'amour de mondict frere d'Orléans, ne povez faillir à luy envoyer gens et