Reggio, ville de l'Emilie

Très chers et grans amys, combien que nous eussions fait venir en ceste ville de Lucques voz ambassadeurs, en intencion de conclure et de besongner et conclure avecques eulx tant du fait de Pise que autres choses, ce neantmoins à l'occasion des grans affaires que avons présentement, comme savez, bonnement ne nous a esté possible y entendre, au moyen de quoy les avons fait prier et requérir eulx en retourner par devers vous, pour vous dire de par nous ce que dessus, et pareillement ce que leur avons fait délivrer par les seigneurs de la Trimoille et de Piennes, nos conseilliers et chambellans ordinaires touchant nostre vouloir envers vous et vosdictes affaires, esquelz nous espérons, o l'aide de Dieu, dedans peu de jours mectre un et totale conclusion, et vous y donner telle expédition que devrez par raison estre bien contens^. Et, pour ce faire, pourrez renvoyer devers nous vosdicts ambassadeurs ou autres, quant serons en Ast, pour là conclurre et despescher avecques eulx vosdictes affaires. A ceste cause, nous vous prions très cordiallement et si affectueusement que faire povons que, de vostre part, vueillez tousjours demeurer noz bons amys, ainsi que jusques icy avez fait et demonstré. Et, en ce faisant, soyez seurs

1 . Les Florentins continuaient à insister pour que Charles VIII leur rendît Pise, tandis que les Pisans, appuyés par une grande partie des seigneurs français, le suppliaient de ne pas les livrer à leurs anciens oppresseurs. A Lucques, le roi avait fait faire des propositions d'arrangement aux envoyés florentins par MM. de la Trémoille et de Piennes. Le 25 juin, ils partirent sous la garde d'une escorte française, en promettant d'envoyer la réponse de leur gouvernement. (Delaborde, Expédition de Charles VIII, p. 622; cf. ci-après lettre n°DGCCLXXXIII.)

que nous serons tousjours de plus en plus enclins et affectionnez au bien et augmentacion de vous et de vostre Seigneurie et chose publique, en manière que chascun cognoistra que nous l'avons aymée et aymons singullierement et autant ou plus que potence d'Ytalie. Très chers et grans amys, Nostre Seigneur vous ait en sa garde. Donné en ceste ville de Lucques, le xxiiii* jour de juing.

Charles.

robertet.

A noz très chers et grans amys les seigneurie, conseil et communité de Fleurance.

DGCGLXXXII.

AUX HABITANTS DE LYON

Lucques, 24 juin 1495.

Plusieurs s'efforcent de troubler le cardinal-archevêque de Lyon dans l'exercice de son autorité; ordre de mettre un terme à ces menées. — (Copie. Arch. mun. de Lyon, BB 20, fol. 63.)

De par le roy.

Très chiers et bien amez, depuis que nostre cher

et féal amy le cardinal de Lion ^ est venu devers nous

deçà les mons, ainsi que luy avions escript, nous

avons entendu que aucuns s'efforcent luy donner

1. André d'Épinay, archevêque de Bordeaux, puis de Lyon, créé cardinal par le pape Innocent VIII en 1489, mort le 11 novembre 1500.

derechief empeschement en son église de Lion soubz umbre d'un rescript impetré par habilleté et faulx donné à entendre en court de Rome. Et pour ce que ne vouldrions pour rien soufifrir ou permectre que par telz abus et frauduleuses subtilitez l'église fust plus troublée, au grant scandalle du peuple de nostre ville de Lion, comme elle a esté le temps passé, à ceste cause, nous vous en avons bien voulu advertir et vous mandons bien expressément que vous tenez la main aux gens dudict cardinal et faictes entièrement ce dont par eulx serez requis touchant ceste matière, car nostre vouloir et entencion est, ainsi que la raison veult, que ledict cardinal en demeure paisible. Nous escripvons aussi de ceste matière aux gens de nostre court de Parlement, en les advertissant de nostre vouloir et que, puisque la matière a prins fin par tant d'arrestz et sentences deuement exécutées, qu'ilz y pourvoient en façon que l'église et ledict cardinal demeurent en paix, ce que croyons qu'ilz feront sans nulle faulte. Par quoy, de vostre part, tenez y bien la main et en manière que riens ne se au préjudice dudict cardinal. Et vous nous ferez grant plaisir, dont nous aurons bonne souvenance. Donné à Lucques, le xxiiii® jour de juing.

Charles.

J. DUBOYS

A noz très chiers et bien amez les douze conseillers, bourgoys, manans et habitans de nostre ville de Lion.

DCCGLXXXIII.