A LA VILLE DE FLORENCE

Pietrasanta, 26 juin 1495.

Prière aux Florentins de suspendre les hostilités à l'égard des Pisans. — (Orig. Florence, Rif. Atti publici, cartapecore, t. VIII, Francia, n" 318. Publ. dans Desjardins, Négociations de la France avec la Toscane, t. I, p. 622.)

Charles, par la grâce de Dieu roy de France, de Sicille et de Jérusalem.

Très chers et grans amys, nous avons esté advertiz que, combien qu'il eust esté dit et accordé entre voz ambassadeurs et ceulx de Pise, que durant le temps que leurs affaires se traicteroient entre vous et eulx touchant la trêve dont a esté parlé, aucune chose ne seroit faicte ne innovée d'une part ne d'autre, ce neantmoins, comme ilz dient, ilz sont chacun jour menassez de courses et surprinses. Et pour ce que nous sommes meslez de ceste matière, nous vous prions que, jusques à ce que les choses aient prins fin et conclusion entre vous et eulx, il ne soit fait de vostre cousté aucun exploit de guerre, courses ne surprinses de places sur lesdicts de Pise, et ilz cesseront et feront le semblable du leur. Vous advisans que, en ce faisant, vous nous ferez plaisir très agréable. Très chers et grans amys, Nostre Seigneur vous ait en sa garde. Donné à Petresante^ le XX vi^ jour de juing^. Charles.

ROBERTET

1. Pietrasanta, ville de Toscane, district de Lucques. [Dizionario, etc.)