AUX AVOYER ET CONSEILLERS DE LA VILLE DE LUCERNE

Montils-lez-Tours, 19 juin 1491.

Le protonotaire d'Aix, canoniquement élu évèque de Genève après le décès de l'archevêque d'Auch, a naguère été chassé de son siège par le comte de Bresse, soutenu par le chancelier de Savoie; prière de prendre en main la cause dudit protonotaire élu en manière qu'il puisse rentrer en possession de son siège. — (Orig. Arch. de Berne, Lettres des rois de France.)

Gharles, par la grâce de Dieu roy de France. Très chers et grans amys, pour ce que tantost après le trespas de feu nostre oncle l'arcevesque d'Aux, en son vivant evesque de Genefve, le prothonotaire d'Aix fut justement et canonicqucment esleu dudict evesché par les chanoines et chappitre de l'église dudict Genefve, par quoy eussions escript par trois ou

quatre foiz, tant à nostre oncle le seigneur de Bresse que à nostre cousine la duchesse de Savoye^, qu'ilz voulsissent tenir la main pour ledict prothonotaire et esleu et n'eussent à favoriser en quelque manière que ce fust le chancellier dudict Savoye, qui s'efforce l'empescher en la joyssance dudict evesché. Et neantmoins, puis n'a gueres nostredict oncle, en venant contre nostredict vouloir et à la faveur et pourchaz dudict chancellier et en le soustenant, acompaigné de plusieurs gens de guerre amassez, a par force et viola ncc entré en la ville et cité dudict Genefve^ et en a chassé ledict esleu qui estoit vray possesseur et joyssant dudict evesché, fait tuer et murtrir ses gens et serviteurs, prendre et fait emporter leurs biens et fait autres grans excès tout ainsi que se eust esté en pays de conqueste, dont n'avons esté et ne sommes pas contens, et avons bien intencion que lesdicts maleffices ne demourront en cest estât. Par quoy voz ambaxadeurs de Berne et Fribourg, en ensuivant ce que leur avons escript en faveur dudict esleu, se sont transportez audict Genefve, et illec par le donné à entendre contre vérité à eulx fait a esté conclud quelque appoinctement sans le sceu dudict esleu et ses prouchains parens, lequel appoinctement n'avons

1. Cf. ci-dessus lettres des 31 octobre, 23 novembre et 8 décembre 1490, 6 mars 1491, n"» DLXXXII, DLXXXIV, DLXXXVII, DXCIII.

2. Le 24 mai précédent, le comte de Bresse, après avoir dispersé au pont de Chancy les partisans de l'évêque protégé par le roi, était entré vainqueur à Genève et avait intronisé sur le siège épiscopal le candidat de la régente. (F. Gabotto, ouvr. cit., t. Il; cf. Usseglio, ouvr. cit., p. 180 et suiv.)

agréable, car, s*il sortoit son effect, la chose pourroit tourner à grant perte et inconvénient à nostre très cher et très anoé cousin et filleul le duc de Savoye et à ses pays et subjectz desquelz sommes protecteur, et avons juste cause, pour la proximité du lignaige dont il nous actient, de les préserver et garder d'oppression et dommaige; aussi seroit mescontenter ledict esleu et ses parens, qui sont les plus grands seigneurs du pays et qui pevent mieulx servir no&dicts cousin et cousine. A ceste cause, nous vous prions si très affectueusement que faire povons que, pour amour de nous, vous vueillez de vostre part favoriser ledict prothonotaire et esleu et luy secourir et ayder de gens, se mestier est, en manière que en brief il puisse entrer et recouvrer sa possession telle et ainsi qu'il estoit auparavant les excès et viojances à luy fêtes comme dit est. Car de nostre part pour riens ne permectrions ou souffrerions que autre que ledict prothonotaire, qui est seur et feable et du plus grant lignaige et d'une des meilleures maisons du pays, en joyst, ainsi que plus au long envoyons par instructions pour vous le dire et déclarer et aux autres seigneurs des cantons, à noz amez et feaulx conseillers l'evesque de Montaulban et Anthoine de Lamect, bailly d'Ostun, qui sont pardelà pour ceste matière et autres dont ilz ont charge de nous*. Si vous prions derechief les croire et faire ce qu'ilz vous diront comme pour nous mesmes. Et vous nous ferez

1. Sur le renouvellement de Talliance franco-suisse, cf. Rott, Histoire de la représentation diplomatique de la France auprès des cantons suisses, t. I, p. 68. (Cf. Bibl. nat., f. fr. 15541, fol. 127.)

en ce faisant ung très grant et très agréable plaisir,

duquel aurons bonne souvenance et le recongnois-

trons envers vous quant de quelque chose, en cas

semblable ou plus grant, nous vouldrez requérir. Très

chers et grans amys, nous prions le benoist filz de

Dieu vous avoir en sa saincte garde. Donné à Montilz

lez Tours, le xix' jour de juing^

PAREPfT.

A noz très chers et grans amys les advoyer, conseil et communitè de Lucerne.