AU COMTE DE BRESSE

Montils-lez-Tours, 20 juin 1491.

Déplaisir que lui a causé la conduite du seigneur de Bresse, qui, au mépris de ses instructions, est entré en la ville de Genève et en a chassé le protonotaire d'Aix, évêque élu de cette ville; ordre de replacer ledit protonotaire en possession de son évêché. — (Orig. Arch. de Turin, Lettere principi forestieri, Francia. Publ. par Gabotto dans Lo Stato Sabaudo da Amedeo VIII ad Emanuele Filiberto. Turin et Rome, 1892-1895, t. II, p. 469, n. 4.)

Mon oncle, je vous ay plusieurs foiz escript tenir la main pour le prothonotaire d'Aix, esleu de l'eveschè de Genève, et ne favoriser aucun autre à rencontre de luy, à quoy ne m'avez voulu complaire, mais ainsi que ay esté adverti et que l'en dit, estes entré en la ville et cité de Genève, acompaigné de

1. Même circulaire fut adressée aux cantons de Ziirich, Uri, Zug, Schwitz, Glarus et Soleure.

DE CHiUlLES VIII. 16t

quelque nombre de gens, et d'icelle avez chassé ledict esleu et mis hors de sa possession, et que plus est, avez fait faire ung appoinctement au desceu dudict esleu sans son consentement et à son dommaige et préjudice, (ce dont) je m'esmerveille, veu que ceulx de la maison d'Aulx ont tousjours esté bons et loyaulx à la maison de Savoye^ Par quoy mon entencion est

bien à ce que la chose sera de brief remise

ainsi qu'elle doit par raison et ^ ledict esleu

en son vray droit. Et pour ce, mon oncle, je vous prie, tant comme je puis, que en ceste matière faites donner ordre en manière que ledict esleu soit remis en sa possession et (que) lesdictes poursuites faictes à l'encontre de luy cessent. Car, comme j'en rescriptz à ma cousine la duchesse de Savoye, j'ay désir de tenir la main pour ledict prothono taire d'Aix, et ce que j'en faiz ne procède de nulle haye (hayne) que j'aye contre qui que ce soit, ne n'est pas pour le bien particulier dudict esleu, mais pour cellui de mon cousin et filleul le duc de Savoye et pour les causes dessusdictes, afin de obvier à tous inconveniens : et en vous y emploiant, me ferez très singulier plaisir. Et adieu, mon oncle. Ëscript aux Montilz lez Tours, le XX* jour de juing.

Charles.

BOHIER

A mon oncle le conte de Baugé, seigneur de Bresse.