DCXVIII
A LA CHAMBRE DES COMPTES DE DIJON
Laval, 8 octobre 1491.
Ordre de besogner au fait des amortissements, francs-fiefs et nouveaux acquêts dus au domaine, nonobstant toutes appellations à ce contraires. — (Orig. Arch. dép. de la Côte-d'Or, Corresp. de la Chambre des comptes, t. I, n° 300.)
De par le roy.
Noz amez et feaulx, vous savez comme nous vous avons commis et depputez pour besongner avec autres au fait des admortissemens, Icgitimacions, anoblissemens, francsfiefz, nouveaulx acquestz et autres deniers et finances qui nous sont deues en noz pays de Bourgoigne. Et combien que par noz premières et secondes lettres que pour ce faire vous avons envoyées, vous avez peu assez entendre et congnoistre que nostre plaisir est que lesdicts deniers et finances ainsi à nous deues soient recouvertes et receues à nostre utilité et prouflfit pour nous en aider en noz affaires au soulaigement et à la descharge de nostre peuple, toutesfoiz, ainsi que avons esté advertiz, soubz umbre de plusieurs appellacions qui ont esté interjeclées par plusieurs gens, tant d'église que autres, qui nous sont tenuz et redevables esdicts deniers et finances, tendans à nous frustrer de nostre droit, vous avez différé de plus avant procéder à l'execucion de vostredicte commission, et demeurent par ce moien nosdicts deniers en arrière, dont nous donnons merveilles. Si voulons et vous mandons bien expressément que
VOUS besongnez et vacquez à l'execucion de vostredicte commission, sans vous excuser ne arrester ausdictes frivolles appellacions ainsi interjectées que dit est au contraire. Et y faictes en manière que congnoissons que nosdicts droiz nous y soient bien gardez et qu'il n'y ait point de faulte. Donné à Laval, le vni® jour d'octobre.
Charles.
BOHIER
A noz amez et feaulx gens de noz comptes à Dijon, maistre Philibert de la Ferté, conseiller en nostre court de Parlement, et Guichart de Vaurion, escuier, seigneur dudict lieu.
Apportées le xxj^ jour d^ octobre M CCCC IIII^^ XI.
DCXIX.
AU PARLEMENT DE PARIS
Laval, 11 octobre 1491.
Le chapitre de l'église cathédrale de Paris a interjeté appel devant la cour au sujet de la décime levée en France par ordre du pape; défense formelle de recevoir ledit appel. — (Orig. Arch. nat., X*» 9321, n° 2.)
De par le roy.
Noz amez et feaulx, assez estes advertis comme puis n'a gueres la décime a esté mise sus par nostre Saint Père le Pappe, et de nostre conscentement, pour la lever et recueillir en noz royaume, pays et seigneuries, et laquelle nous entendons avoir lieu, ainsi que nostredict Sainct Père et ses depputez leur ont ordonné. Toutesvoyes, nous avons esté advertiz que,
en exécutant par lesdicts déléguez leur charge et commission, nostre amé et féal conseiller Tevesque de Paris c'est aquicté et les doyen, chanoines et chappilre de son église et autres se sont portez pour appellans en nostre court de Parlement des monicions et autres exploix par lesdicts depputez, au moien de quoy ladicte décime est en voye d'estre assoupée ou grant détriment de nostredict Sainct Père et de la chose publicque de nostredict royaume, pays et seigneurie. Et, pour ce que de nostre part avons délibéré donner toute faveur et assistance à nostredict Sainct Père et à ses depputez pour le fait de ladicte décime, et que n'entendons point que de ceste matière vous ayez aucune congnoissance, nous vous mandons et expressément enjoingnons que, en ce qui touchera le fait de ladicte décime, soit par appellacions intergectées ou à intergecter par lesdicts doyen et chappitre de Paris et autres quelz qu'ilz soient, vous ne touchez pour en prandre ne tenir aucune juridicion et congnoissance, mais en laissez entièrement faire et besongner ausdicts depputez de nostre Sainct Père, tout ainsi qu'ilz verront estre à faire par la raison, car tel est nostre plaisir. Donné à Laval, le xi* jour
d'octobre.
Charles.
robertet.
A nos amez et feaulx conseillers les gens de nostre court de Parlement à Paris.
Recepte xiiij^ novembris M? CCCC nonag" primo.
DGXX.
A LAURENT DE MÉDICIS
Laval, 11 octobre 1491.
Prière d'appuyer auprès du pape la candidature de Jean de Réiy, qu'il désire promouvoir à l'évêché d'Angers vacant par le décès du cardinal Balue, — (Orig. Arch. de Florence, Ârchivio Mediceo avanti il Principato, fol. 45, n° 84.)
Cher et amé cousin, présentement avons esté advertiz du trespas de feu nostre très cher et féal ami le cardinal evesque d'Angers^. Et, pour ce que nostre ville dudict Angers est assise en pays de frontière, qui est la clef et ville capital de nostre pays et duché d'Anjou ; par quoy, pour la seureté, tant dudict pays que de nostredicte ville d'Angers, est bien besoing pourveoir à l'evesché d'icelle d'aucun notable personnage à nous agréable, seur et feable, et pour ce que de nostre cueur desirons le bien, promocion et plus ample provision en saincte église de nostre amé et féal conseiller, confesseur et grant aumosnier maistre Jehan de Rely^, docteur en la Faculté de théologie, tant pour les grans sens, science, bonne et catholique vie dont la famé et renommée d'icellui est congneue et notoire par tout nostre royaume, meurs, vertus et mérites qui sont en sa personne, que aussi en faveur des bons, agréables, louables et très mémorables ser-
1. Le cardinal Balue était mort le 5 octobre 1491 à Ripatransone, petite ville de la marche d'Ancône, au nord-est d'Ascoli. (H. Forgeot, Jean Balue, cardinal d'Angers, p. 148.)
2. Cf. la notice que M. de Maulde lui a consacrée dans Hist. de Louis XII, t. III, p. 410, n. 3.
vices qu'il nous a par ci devant faiz, fait encores de présent et continue chacun jour prés et à l'entour de nostre personne, où il s'est vertueusement conduit et gouverné en grant soing, cure et diligence, et pour plusieurs autres bonnes, justes et raisonnables causes longues à reciter, escripvons présentement à nostre Sainct Père à ce qu'il plaise à Sa Sainteté l'en pourveoir, ce que croions qu'elle fera. Si vous prions très affectueusement et de si bon cueur que faire povons et sur tous les plaisirs et services que nous avez par ci devant faiz et que desirez nous faire cy après, vous vous vueillez emploier, tenir la main, tant faire et intercéder envers sadicte Sainteté et aillieurs où mestier sera, en manière que nostredict confesseur et aumosnier soit pourveu dudict evesché d'Angers. Car pour riens ne souffrerions, actendu ce que dit est, que autre que lui en fust pourveu. En quoy faisant nous ferez ung si très grant et si très agréable plaisir que à peine le saurions dire ne exprimer, et duquel nous aurons souvenance et recongnoistrons envers vous quant d'aucune chose nous vouldrez requérir. Cher et très amé cousin, Nostre Seigneur vous ait en sa garde. Donné à Laval, le xi* jour d'octobre.
Charles.
Marcel.
A nostre cher et amé cousin le seigneur Laurens de Medicis.
