DCXXI
A LAURENT DE MÉDICIS
Laval, 11 octobre 1491.
Prière d'intervenir auprès du pape pour obtenir que Sa Sain-
teté décerne les provisions d'abbé de l'abbaye bénédictine de Saint-Jean, au diocèse de Langres, à M^ Jean-Aimé Bonnard, protonotaire du Saint-Siège apostolique, bien qu'il ne soit pas de l'ordre de saint Benoît, en lui réservant ses autres dignités et bénéfices, car le roi ne souffrirait, pour rien au monde, qu'autre que l'impétrant obtînt ladite provision. — (Orig. Arch. de Florence, Archivio Mediceo avanti il Principato, fol. 45, n° 84.)
Chier et amé cousin, nous escripvons illecques à nostre Sainct Père touchant l'abbaie de mons"^ Sainct Jehan, de l'ordre Sainct Benoist, ou diocèse de Langres, à ce que le plaisir de Sa Sainteté soit en pourveoir nostre amé et féal conseiller maistre Jehan Amé Bonnard\ prothonotaire du Saint Siège apostolique, non obstant qu'il ne soit dudict ordre, et lui reserver ses autres dignitez et beneflfices. Et pour ce que, comme avons ja plusieurs fois escript à nostre Sainct Père, avons ladicte provision si très à cueur que plus ne pourrions, par ce qu'elle touche et concerne la seurté et grant bien de tout le pais à l'occasion de la situacion de ladicte abbaie, laquelle est en lieu limitrophe et prés de pais à nous très suspectz, vous prions le plus affectueusement que pouvons intercéder envers nostre Sainct Père que le plaisir de sadicte Sainteté soit faire provision de ladicte abbaie audict prothonotaire à ceste foiz et sans plus différer, et bien icelle advertir que pour riens quelconque ne permettrions que autre que lui en eust joyssance, pour quelque provision qu'il en eust, et que nous donnons grands merveilles comme sadicte Sainteté a tant différé et diffère
1. A la mort de l'abbé Jean de Cussigny, Pierre II d'Aligny avait été élu abbé de Romans, vulgo Moutier-Saint-Jean, au diocèse de Langres. [GalHuy t. II, col. 666.)
DE CHARLES Vm. 191
de en ce nous complaire, considéré qu*elie est assez ad vert ie par noz lettres comme ladicte matière nous touche, et en ce vous vueillez pour amour de nous employer de tout vostre pouvoir, ainsi que avons en vous nostre entière et parfaicte confidence, et vous nous ferez mouit grant et agréable plaisir, dont vous saurons très grant gré. Chier et amé cousin, Nostre Seigneur vous ait en sa garde. Donné à Laval, le XI* jour d'octobre.
Charles.
Marcel.
A nostre très chier et amé cousin le seigneur Laurents de Medicis.
DCXXil.
AU PARLEMENT DE PARIS
Laval, 26 octobre 1491.
Jean Caolier, ancien archer de la garde royale, qui a obtenu de vivre, en qualité de religieux lai, en' l'abbaye de Saint- Corneille de Compiègne, est inquiété par un nommé Tassart Wateble, qui lui dispute la jouissance de sa pension ; ordre de lui en laisser la pleine jouissance et de débouter ledit Wateble de ses prétentions. — (Orig. Arch. nat., X*» 9321, fol. 3.)
De par le roy.
Noz amez et feaulx, nostre bien amé Jehan Gaulier nous a fait dire et remonstrer que, non obstant les dons, provisions et declairacions par nous faictes à son prouffit touchant la sustantation de sa vie comme religieux lay en Tabbaye de Saint Cornille de Corapiengne, ung nommé Tassart Wateble, qui est ung
homme reprochable et de mauvaise vie, auquel en avons fait quelque don par inadvertance, luy a donné plusieurs troubles et empeschemens, et par poursuites qu'il a faictes en nostre court de Parlement a tant fait que luy avez baillé quelque provision, au moien de laquelle lui avez fait bailler sa sustentacion en ladicte abbaye ; et par ce moien se trouve ledict Caulier, lequel tout son temps a tousjours bien servy en Testât d'archier de la garde de feuz noz très chers seigneurs ayeul et père, que Dieu absoille, et de nous, en grant nécessité de sa provision de vivre. A ceste cause, nous vous mandons et expressément enjoignons que, en ensuivant nostredicte declairacion et vouloir et les dons et provisions que en avons autreffoiz faiz audict Gaulier, vous lui baillez et délivrez et faictes bailler et délivrer doresenavant, sa vie durant, sadicte sustantacion et provision de vivre en ladicte abbaye comme religieux lay, et non audict Watable, lequel, pour les causes contenues en nosdictes lettres de declairacion, nous en avons osté et débouté, ainsi que pourrez veoir par icelles. Donné à Laval, le XXVI* jour d'octobre ^
Charles.
D AMONT
A noz amez et feaulx conseillers les gens de nostre court de Parlement à Paris.
Recepte xiiij^*- novembris M" CCCC° nonag° primo.
1. Cf. lettre de Louis d'Orléans sur le même sujet, Laval, 29 octobre 1491. (Orig. Arch. nat., X«« 9321, fol. 4.)
^ DCXXIII.
A BOURRÉ
Laval, 29 octobre 1491.
Ordre de vérifier et d'expédier les lettres patentes de la donation faite à François de Pontbriant, capitaine de Loches, de trente-trois arpents de pré, situés sur les bords de l'Indre, à Loches. — (Orig. Bibl. nat., f. fr. 6602, fol. 148.)
De par le roy.
Nostre amé et féal, par noz lettres patentes signées de nostre main et pour les causes à plain dedans contenues, nous avons donné jusques à dix ans à nostre amé et féal conseiller et chambellan François de Pontbriant, cappitaioe de Loches ^ la couppe et tonture de XXXIII arpens de pré à nous appartenans, sis et situez joignant la rivière d'Aindre, devant les Cordeliers dudict lieu de Loches, ainsi que plus à plain est contenu en noz lettres. Et, pour ce que nous entendons qu'il joysse de nostredict don sans aucune restrinction ou reservacion, nous voulons et vous mandons que nosdictes lettres vous lui veriffiez et expédiez de point en point selon leur forme et teneur, et de l'effect et contenu d'icelles le fêtes, souffrez et laissez joyr et user plainement et paisiblement, car tel est nostre plaisir. Donné à Laval, le xxix* jour d'octobre.
Charles.
BOHIER
A nostre amé et féal conseiller le seigneur Duplessix Bourré, chevalier, trésorier de France.
