AU SIRE DR ROHAN

Laval, 9 novembre 1491.

Déplaisir qu'ont causé au roi les pilleries commises en Basse- Bretagne; on y mettra bon ordre. A l'égard du droit de billot qu'il demande pour lui et la dame du Pont, le roi le leur accorde pour cinq ans, et les deniers qui en proviendront seront employés à la réparation de leurs places. Aussitôt que l'inventaire du trésor des chartes de Bretagne aura été dressé, copie sera donnée à Rohan des pièces dont il a besoin pour soutenir ses droits. — (Orig. Bibl. de Nantes, Collection Labouchère, 680, 11.)

Mon cousin, j'ay receu les lettres que m'avez escriptes par Guillaume du Fay, vostre porteur, et oy bien au long ce qu'il m'a dit de vostre part, et me desplaist fort des pilleries qui ont esté faictes sur mes subgectz de la Basse Bretaigne, mais j'espère en brief, o l'aide de Dieu, y donner si bon ordre et provision qu'ilz pourront vivre en paix et justice soubz moy.

Et, au regard du devoir de billot* que requérez pour vous et pour ma cousine la dame du Pont, je le vous ay et à elle aussi très voulentiers accordé pour en joir durant cinq ans, et les deniers qui en viendront employer en la repparacion de voz places et

1. Sous les ducs de Bretagne, la taxe que les receveurs percevaient dans les débits ou les hôtelleries se nommait le billot, en raison de l'enseigne que les marchands suspendaient au-dessus de la porte. (Arch. dép. de la Loire-Inférieure, t. II, Introduction, p. XT.)

des siennes, ainsi que vous et elle l'avez eu le temps passé.

Touchant ce que demandez que escripve aux gens de mes comptes, au gênerai de Bretaigne et autres aians la garde du trésor de mes chartes à Nantes, pour avoir le double ou vidimus d'aucunes Chartres ou enseignemens qui vous peuent servir en aucuns voz differens, je n'ay point encores pourveu ne fait veoir ledict trésor de mes Chartres, mais sitost que l'inventaire en sera fait, je vous feray pourveoir des coppies ou vidimus qui seront neccessaires.

Au seurplus de voz autres affaires, j'ay donné telle responce et expedicion que ledict du Fay vous pourra dire, et soiez asseuré que je vous veulx tousjours bien avoir en bonne et singulière recommandacion. Et adieu, mon cousin. Escript à Laval, le ix® jour de novembre.

Charles.

BOHIER

A mon cousin le sire de Rohan, mon lieutenant gênerai en Basse Bretaigne.