Cf. ci-dessus la lettre du 24 décembre 1491, n» DCXLÏII

(sic) à congnoistre et n'actempter au fait de la matière de l'eveschié de Beziers, mais eussez à supperceder et différer jusques à ce que en nostre personne faussions en nostre bonne ville de Paris et que vous en eussions parlé et dit plus au long de nostredict vouloir. Et, pour ce que encores n'avons eu nouvelles du besongné et de ce que a fait nostredict conseiller et chambellan, aussi que sommes à chemin et que aprouchons de nostredicte ville de Paris^, nous voulons et vous mandons derechef très expressément que, au fait de ladicte matière de Beziers vous ne touchez et procédez, ainz la tenez en suspens jusques à ce que, comme dit est, vous en ayons parlé de bouche et que soyons en nostredicte ville de Paris, qui sera bien brief. Et gardez commant que ce soit, et, toutes excusacions cessans, qu'il n'y ait point de faulte. Donné à Bloys, le VII® jour de janvier.

Charles.

Lemoyne.

A noz amez et feaulx conseillers les gens de nostre court de Parlement à Paris.

Recepte x» fanuarii M° CCCC" nonagesimo primo.

DCXLIX.

AUX HABITANTS DE TOURNAY

Orléans, 19 janvier 1492.

Défense de rien innover au sujet de Jean le Flameng, soidisant pourvu de l'abbaye de Saint-Martin de Tournay,

1. Le roi devait arriver à Paris dans les derniers jours de janvier. (Cf. E. Petit, Séjours de Charles VIII.)

DE CHARLES YlII. 231

jusques à ce qae le grand conseil, saisi de l'affaire, en ait autrement ordonné. — (Copie. Arch. de Tournai, Registre lies ConsauLc, 1488-1495, fol. 130.)

Chiers et bien amez, pour ce que depuis les informacions qui par nostre ordonnance ont esté faictes par nostre amé et féal conseillier en nostre grant conseil maistre Emery Louvet, tant touchant la suspicion de la personne de maistre Jehan le Flameng, soy disant pourveu de l'abbaye Sainct Martin en nostre lK)nne ville de Tournay^ que l'on dit estre natif des pays de Haynnaut, que aussi les ravissement et transport par lui fais des biens meubles de ladicte abbaye esdits pays de Haynnault ou ailleurs hors de nostre obéissance, ont esté et sont de la part dudict Flameng journelement faictes plusieurs poursieutes, tant envers nous et les gens de nostredict grant conseil que en nostre court de Parlement à Paris, ainsi que sommes deuement advertis, tendant ledict Flameng obvier que desdicts suspicion et ravissement de biens la vérité n'en soit sçeue : par quoy est à doubter que, par importunité et autrement, il ait obtenu ou qu'il obtainst cy après quelques lettres ou provision avant que sur lesdictes informacions, pour autres affaires qui journelement nous sourviennent, puisse estre par lesdicts gens de nostredict grant conseil besongné. Pour ces causes et à ce que, par defifaulte de attaindre la vérité et aussi de n'estre procédé touchant les

1. Jehan le Flameng, pourvu de l'abbaye de Saint-Martin de Tournai en remplacement de son oncle Nicolas Flameng, qui éuit décédé le 3 juin 1489. Mort le 11 avril 1510. [Gallia^ III, col. 280-281.)

choses dessusdictes, faute de raison, aucun inconvénient ne s'en ensuive à nous ne à vous, voulons et vous mandons que, pour quelconques lettres ou provisions qui par ledict Flameng ait (aient) esté depuis lesdictes informacions encommencées ou porroit obtenir cy après, ne aussi au moyen de quelque arrest ou appoinctement de nostredicte court, vous ne souffrez que aucune chose soit neantmoins innové ne fait, ains le tout tenir en suspens jusques à ce que, par nous et lesdicts gens de nostredict grant conseil, lesdictes informacions veues et la vérité des choses dessusdictes sceue et entendue, autrement en soit ordonné. Sy le vueillez ainsi fcre et qu'il n'y ait faulte, car tel est nostre plaisir. Donné à Orléans, le xix* jour de janvier^

Charles.

robertet.

A noz chers et bien amez les consulz, bourgoys, manans et habitans de nostre bonne ville et cité de Tourna y.