Ludovic Sforza, duc de Bari

vostre filz don Ferrand^, beau frere de nostredict cousin le seigneur Ludovic, ce que, en considération de l'ancienne amitié, aliance et affection singulière que vostre maison de Ferrare a tousjours eue à noz prédécesseurs et à nous, comme encores a et continue journellement, ainsi que congnoissons par effect, avons eu agréable et, dès à présent, l'avons accepté en nostredict service et avons intention et ferme vouloir de si bien et honorablement le traicter que congnoistrez par effect le bon vouloir et entencion que avons à vous et à toute vostredicte maison comme à noz bons cousins et especiaulx amys; et, pour ce, nous vous prions si très acertes et de cuer que faire povons que le plus tost que faire se porra vous veilliez envoyer ledict don Ferrand, vostredict fils, vous advertissant que, s'aucune autre chose povons faire pour vous, que nous l'acomplirons de bon cuer. Très chier et très amé cousin, Nostre Seigneur vous ait en sa saincle garde. Escript à Paris, le iiif jour de may.

Charles.

BOURDIN

A nostre très chier et très amé cousin le duc de Ferrare.

1. Ferdinand, second fils d'Hercule !•' d'Esté, duc de Ferrare, et de Léonore, fille de Ferdinand I*', roi de Naples, servit dans l'armée royale pendant la campagne de Charles VIII en Italie. [Mém. de Ph. de Commynes, éd. Dupont, II, 515.) Sur son admission au service de Charles VIII, cf. Delaborde, p. 248. M. Delaborde a daté la présente lettre de 1494 (ibidem, n. 4), mais l'Itinéraire la fixe en 1492.