DCLXIX
AU DUC DE MILAN
Saint-Germain-en-Laye, 8 mai 1492.
Le duc a fait saisir les biens que Georges de Valperga, pensionnaire de l'hôtel, possède en Lombardie ; prière de les lui restituer. — (Orig. Arch. de Milan.)
Très cher et très amé cousin, nous avons sceu que, au moyen de certaines telles quelles faulces informations faictes par delà à l'encontre de nostre cher et amé Georges de Valpergues, pensionnaire de nostre hostel, avez fait prendre les biens que ledict Georges de Valpergues a en voz pays et obéissance, tant en argent prins et composé que autres choses, lesquelz ne luy ont encores esté restituez. Et, pour ce que ledict de Valpergues est bien nostre serviteur et que desirons qu'il soit réintégré à sesdicts biens et favorablement traicté en ses affaires, nous vous prions si affectueusement et acertes que faire povons que en faveur de nous vous luy vueilliez rendre sesdicts biens, argent prins, composé et autres choses à luy indeuement detenuz et empeschez, comme dit est, et sur ce expédier ou faire expédier en bonne façon Jehan Pierresoron, que nous envoyons par delà en partie pour besongner en ceste matière. Si le vueiilez croyre de ce qu'il vous en dira de par nous, et vous nous ferez ung bien grant plaisir, que recongnoistrons en pareil cas quant d'aucune chose nous requerrez. Très cher et très amé cousin, Nostre Seigneur vous ait en
sa garde. Donné à Saint Germain en Laye, le viii' jour
de may.
Charles.
robertet.
A nostre très cher et très amé cousin le duc de
Milan.
DCLXX.
AU PARLEMENT DE PARIS
Saint-Germain-en-Laye, 8 mai 1492.
Ordre exprès de vaquer en diligence au jugement du procès engagé entre le sire d'Orval, gouverneur de Champagne, et Engilbert de Clèves, comte d'Auxerre. — (Orig. Arch. nat., X«» 9321, n° 47.)
De par le roy.
Nos amez et feaulx, puis n'a gueres nous avons envoyé pardevers vous nostre amé et féal conseiller et chambellan le sire d'Aubigny touchant l'expedicion de certain procès pendant pardevant vous entre noz très chers et très amez cousins les sires d'Orval, nostre gouverneur de Champagne, et Angilbert de Cleves, conte d'Auxerre*, à ce que voulsissiez vacquer et entendre en toute diligence à la poursuite d'icelui procès, ce que n'a encores esté fait. Et, pour ce que
1. Engilbert de Clèves, troisième fils de Jean P', duc de Clèves. Son mariage, contracté le 23 février 1489 avec Charlotte, fille de Jean II de Bourbon, comte de Vendôme, lui valut le comté d'Auxerre. {Art de vérifier les dates, t. XI de l'édit. in-S", p. 240.) Le procès dont il s'agit concernait les comtés de Nevers et de Rethel ; cf. Arch. nat. X** 60, à la date du 27 juin 1491 et pass.
nostredict cousin le sire d'Orval ne pourroit à présent vacquer à la poursuite de sondict procès, obstant laquelle occupacion qu'il a présentement en aucuns noz especiaulx affaires, esquelz l'avons bien expressément occuppé', à ceste cause et aussi que desirons la fin dudict procès, nous vous prions et mandons si acertes et expressément que faire povons que vueillez entendre diligemment à la décision et expédition d'icelui procès en manière que à faulte de ce il ne conviengne à nostredict cousin le seigneur d'Orval laisser ou discontinuer la charge qu'il a de nous pour nosdictes affaires, en l'ayant pour recommandé en son bon droit. Donné à Saint Germain en Laiz, le viii' jour
de may.
DUBOYS
A noz amez et feaulx conseillers les gens de nostre court de Parlement.
Recepte x" maii M° CCCC^ nonagesimo primo.
DCLXXI.
AUX HABITANTS DE REIMS
Saint-Germain-en-Laye, 9 mai 1492,
Ordre de payer aux commissaires envoyés à cet effet la crue qui a été imposée à tout le royaume pour subvenir aux frais de la guerre contre les Anglais et le roi des Romains. —
1. Cf. ci-dessus la lettre du 7 octobre 1491, n« DCXVII, par laquelle le roi enjoint aux Rémois d'obéir au seigneur de Lesparre, appelé, en Champagne comme gouverneur intérimaire au lieu et place du sire d'Orval.
(Copie. Arch. raun. de Reims, Registre des Conclusions, BB, fol. 201 V».),
De par le roy.
Chers et bien amez, pour les nouvelles qui nous survindrent, deux mois a ou environ, des Anglois, anciens ennemys et adversaires de nostre couronne, lesquelz faisoient grandes assemblées et preparatifz de toutes choses pour la guerre, et que doublions que ce feust pour anoisier à nous, noz royaume, pais, seigneuries et subgeclz, nous, pour y résister et pourveoir, ordonnasmes par grande et meure deliberacion de conseil dés lors certaine creue estre mise sus, tant sur les bonnes villes de nostre royaume que sur le plat pais; laquelle creue especialment quant aux taux desdictes bonnes villes, pour le désir qu'avons de les bien traicter et favoriser, jaçoit ce que souvant ayons depuis esté advertiz de l'entreprinse desdicts Anglois, avons tousjours fait surceoir et différé de faire lever jusques cy que pour certain sommes acertenez que leur effort doit estre brief et prochain, et semblablement que le roy des Romains, d'autre costé, fait grosses armées pour se joindre avec iceulx Anglois à Calais ou ailleurs, où ilz feront leur descente s'ilz peuent. Par quoy, pour tenir nostre royaume en seureté, sommes contrains par neccessité de faire entièrement lever ladicte creue, et que lesdictes bonnes villes en paient leur taux selon nostredicte ordonnance et délibération ; et à ceste cause envoyons présentement par delà noz commissaires pour recouvrir de vous la somme contenue en nosdictes lettres de commission. Sy vous prions que icelle somme vous fournissez le plus tost que possible vous sera,
affin que nos affaires n'en viennent en rompture, et
sur ce (croies) nosdicts commissaires de ce qu'ilz
vous en diront de par nous. Et n'y faictes faulte sur
tant que desirez le bien de nous et de vous et (de)
tout nostre royaume. Donné à Saint Germain en Laye,
le IX* jour de may*.
Charles.
BOHIER
A noz chiers et bien amez les bourgois, manans et habitans de nostre ville et cité de Reims.
DCLXXU.
AU DUC DE MILAN
Saint-Germain-en-Laye, 15 mai 1492.
Prière d'envoyer en France la duchesse Bonne de Milan, sa mère; la reine, qui est enceinte, serait particulièrement heureuse de la voir. — (Orig. Arch. de Milan, Carteggio di Principi.)
Très chier et très amé cousin, pour ce que de toute nostre affection et singulier désir nous desirons veoir nostre très chiere et très amée tante la duchesse de Millau vostre mère*, et semblablement la désire veoir
1. Lettre identique adressée aux maire, échevins et habitants de la ville de Bourges. (Orig. aux Arch. mun. de Bourges, Lettres missives.)
2. Bonne, fille de Louis, duc de Savoie, mariée à Galéas- Marie Sforza, duc de Milan ; elle était sœur de la reine Charlotte, femme de Louis XI, et par conséquent tante de Charles VIII. Dépossédée de la tutelle et du gouvernement de ses enfants par Ludovic le More en 1480 et renvoyée de Milan, elle était, depuis lors, tenue dans une demi-captivité.
Sn LETTRES MISSIVES
nostre très chiere et très amée compaigne la royne, laquelle, grâces à Dieu, comme il est apparant et tout à fait notoire, est ensainte d'enfant ^ au moien de quoy et avant la délivrance dudict enfant nous et nostredicte compaigne vouldrions que nostredicte tante feust par deçà jusques après son enfantement, nous vous prions à ceste cause et le plus affectueusement et de cueur que povons que vous vueillez disposer nous envoyer nostredicte tante et le plus tost que possible vous sera, vous advertissant que en ce faisant nous ferez moult grant et singulier plaisir pour la grant consolation et joye que ce sera à nous et à nostredicte compaigne, qui sur ce nous a très instamment prié et requis à cause de sadicte grossesse d'avoir nostredicte tante. Très chier et très amè cousin, nous prions le sainct Esperit vous avoir en sa garde. Escript à Saint Germain en Laye, le xv* jour de may.
Charles.
robertet.
A nostre très chier et très amé cousin le duc de MiUan.
DCLXXIIL
A LUDOVIC SFORZA
Saint-Germain-en-Laye, 15 mai 1492.
Il écrit au duc Jean Galéas pour le prier d'envoyer en France la duchesse de Milan dont la reine et lui désirent beaucoup
i. Charles Orland, premier enfant du roi, devait naître le 10 octobre 1492.
DE CHARLES VIfl. 269
la venue ; prière à Ludovic de s'employer en faveur de sa requête. — (Orig. Ârch. de Milan.)
Très chier et très amé cousin, pour la singulière affection et désir que avons de veoir nostre chiere et très amèe tante la duchesse de Millan et que le semblable désire nostre très chiere et très amèe compaigne la royne, laquelle, grâces à Nostre Seigneur, comme il est notoyre et apparent, est grosse et ensainte d*enfant, nous escripvons à ceste cause, présentement, à nostre très chier et très amè cousin le duc de Millan, qu'il lui plaise, le plus tost que possible luy sera, nous envoyer par deçà nostredicte tante, comme de ce avons donné charge à voz ambassadeurs vous prier et requérir de par nous. Si vous prions le plus affectueusement et de cueur que povons à ce tenir la main et vous y emploier en manière que nostredict cousin obtempère à nostre requeste et à la venue de nostredicte tante (et) n'y ait faulte nulle ; et vous nous ferez moult grant plaisir et dont vous saurons à tousjours grant gré'. Très chier et amé cousin, nous prions le saint Esperit vous avoir en sa garde. Escript à Saint Germain en Laye, le xv* jour de may.
Charles.
A nostre très cher et amé cousin le seigneur Ludovic, duc de Bar.
1. Le duc de Bari répondit au roi que la duchesse ne pouvait quitter sa fille nubile ni s'exposer aux dangers du voyage. (Delaborde, Expédition de Charles Vil/, p. 257.) Il finit pourtant, mais beaucoup plus tard, par laisser partir l'infortunée Bonne
DGLXXIV.
AU PAPE
Saint-Germain-en-Laye, 16 mai 1492.
Le roi a banni de la ville de Tournay le nommé Jean Flamand, soi-disant pourvu de l'abbaye de Saint-Martin, et a mis frère Jean Le Boucher en possession de ladite abbaye ; prière au pape de casser la prétendue provision obtenue par J. Flamand et de reconnaître J. Le Boucher en qualité d'abbé. — (Copie. Arch. de Venise, Lettere dai re di Francia. Busta XXVin.)
Très saint père, puis n'a gueres vous avons escript et adverty vostre Saincteté de la suspicion que à bonne et raisonnable cause avons eue et avons encores de présent de la personne de Jehan Plamang, soy disant pourveu en abbé de l'abbaie de Saint Martin en nostre bonne ville de Tournay, et que ledict Flamang, cognoissant la descrepité et insensibilité du derrenier abbé estre telle que d'avoir perdu toute cognoissance, avoit, à desceu dudict abbé et religieux d'icelle abbaie, furtivement prins tous les biens, tant or, argent monnayé et à monnoyer, bagues, joyaulx et biens estans en icelle et iceulx transportez ou pays de Haynault à nous contraire, et comme, aussi à l'intencion de parvenir à ladicte abbaie par manière de resignacion, avoit par sinistres moyens et secrectement trouvé faizon de recouvrer une forme de procuration ou nom dudict abbé, au moyen de laquelle
de Savoie, qui traversa le Piémont à la fin du mois de novembre 1496 pour se rendre auprès de son royal neveu. (Gabotto, lo Stato Sabaudo, cité, II, 525.)
il se dit par voslre Sainteté estre pourveu de ladicte abbaie ; advertit^ aussi Vostre Sainteté du grant interest que avons à ladicte provision, en tant que ledict Flamang est estrangier et natif du pays de Haynau à nous contraire, et auquel, comme dit est, il a transporté tous les biens dessusdicts, que est évidemment demonstre[r] avoir envers nous et ladicte ville mauvais vouloir, et de rimaginacion que en ont dudict Flamang à
bonne cause les habitans de ladicte ville et de
qui est en icelle, lesquels habitans continuellement envers nous en escripvoienl, en nous suppliant y pourvoir et les mectre hors de ladicte suspicion et ymaginacion et tant faire envers Vostre Sainteté que frère Jehan le Bouchier, lequel est natif de ladicte ville et à nous seur et féal, et qui tout son temps de son enfance a esté religieux de ladicte abbaie, et pour les bonnes meurs d'icellui estre deuement esleu par lesdicts religieux en leur abbé après le trespas du dernier abbé, en soit paisible pour la seurté de ladicte ville et mesme de tout nostre royaume, considéré la scituation d'icelle cité qui est envyronnée de toutes pars de grosses villes et pays à nous contraires, en nous avertissant lesdicts habitans que, se ledict Flamang faisoit en ladicte ville résidence ou qu'il demourast abbé, que grans maulx et inconveniens se en pourroient ensuyvre en ladicte ville et par consequant à nous et à nostredict royaume parce que ledict Flamang et ses parens ont esté enclins au parti dont ils sont et à mener et conduyre praticques à nous préjudiciables. Pour laquelle cause et desirans, comme
