Lisez adverti
raison est, lesdicts habitans, qui tousjours, et aussi leurs prédécesseurs, ont esté tant loyaux et sans nulle variacion à la couronne de France qu'ilz en sont perpétuellement allouez (à louer) et les devons avoir en toute recommandacion et obvier à touz inconveniens, avons, par l'advis et oppinion des princes de nostre sang et lignaige et d'aucuns de nos conseilliers, ordonné et par noz lectres mandé fere mectre hors de ladicte ville de Tournay ledict Flamang, et touz les biens, fruiz et revenus mectre et laisser es mains dudict Le Bouschier esleu. Desquelles chouses, très Saint Père, vous avons bien vouUu advertir, affin que Vostre Sainteté entende et congnoisse que (pour)
bonne et raisonnable cause et tant que plus
ne pourroit vous avons escript et requis casser et annuler la provission prétendue d'icelle abbaie par ledict Flamang, et ledict frère Jehan Le Bouschier en faire paisible. Si prions et requérons, très Saint Père, le plus dévotement et affectueusement que pouvons Vostre Sainteté ainsi faire, et en ce donner si bonne et pronte expedicion que nous et lesdicts habitans, noz bons subgetz, cognoissons par effect la bonne affection que icelle Vostre Sainteté a au bien de nous et de nostredict royaume, et de plus en plus nous en tienderons tenuz et obligez à icelle, laquelle. Dieu par sa grâce, veille conserver et longuement continuer au bon régime de sainte Eglise. Escript à Saint Germain en Laye, le xvi* jour de may ^ .
{Sans suscription ni signature.)
1. Cf. ci-dessus lettre aux habitants de Tournay, en date du 19 janvier 1492, no DCXLIX.
Daxxv.
AUX CARDINAUX
Saint-Germain-en-Laye, 16 mai 1492.
Prière d'obtenir du pape qu'il annule les provisions de l'abbaye Saint-Martin de Tournai octroyées par lui à Jean Flamand, pour en investir Jean le Boucher, régulièrement élu par les religieux de ladite abbaye. — (Orig- Arch. de Venise, Lettere dai re di Francia, Busta XX VIII.)
Charles, par la grâce de Dieu roy de France. Très chers et grans amys, nous escripvons à nostre Saint Père touchant l'abbaye de Saint Martin en nostre ville de Tournay, advertissans de rechief Sa Sainteté du grant interestz que avons à la provision qui faicte a esté d'icelle abbaye en la personne de Jehan Flamang, soubz couleur et au moien de certaine forme de procuration sinistrement et au desceu des religieux de ladicte abbaye praticquée par ledict Flamang ou nom du feu dernier abbé, lors encore vivant, et qui ja estoit si décrépite de sens et entendement qu'il n'estoit cappable de nul acte quelconque, et de l'inconvénient qui s'en porroil ensuir ou cas que ledict Flamang demourast abbé, priant très dévotement la sainteté de nostredict Saint Père ladicte provision casser et adnul- 1er et d'icelle abbaie en faire paisible (possesseur) nostre cher et bien amé frère Jehan le Bouchier, lequel, par les religieux, en a esté deuement esleu abbé, ainsi que ce et autres choses contenues et déclarées en Doz lettres que en escripvons à nostredict Saint Père, pourrez veoir par le double que vous
envoyons cy dedans encloz. Si vous prions tant et si m is
affectueusement et de cueur que povons vous emploier en la matière, en telle manière que le plaisir de la sainteté de nostredict Saint Père soit obtempérer à nostre requeste, luy remonstrant l'inconvénient qui s'en porroit ensuivre à nous, à nostre royaume et à ladicte ville quant autrement se feroit, et que luy prions très dévotement avoir en ceste matière tel regard que par effect cognoissons que de aussi bonne affection que desirons l'onneur, bien et utilité du Saint Siège apostolicque, et que sommes devotz à S. S., que icelle S. S. désire et veult aussi de fayct le bien de nous et de nostre royaume et es choses nectes et raisonnables nous complaire. Et vous nous ferez plaisir, dont à tousjours et de plus en plus nous en tiendrons tenuz et obligez au saint colege. Très chers et grans amys, nous prions le Saint Esprit vous avoir en sa garde. Donné à Saint Germain en Laye, le XYi» jour de may. ^^^^^^
D AMONT
A noz très çhers et grans amys les cardinaulx du saint colliege.
DCLXXVI.
A LUDOVIC SFORZA
Saint-Gerraain-en-Laye, 17 mai 1492.
Il écrit au pape en faveur de Barthélémy Rondelin, provincial de l'ordre de Saint-François, requérant Sa Sainteté de le promouvoir, en cas de vacance, à l'office de général de son ordre; prière à Ludovic de s'entremettre dans le même sens auprès du pape. — (Orig. Arch. de Milan.)
Charles, par la grâce de Dieu roy de France. Très
DE CHARLES Vlfl. 275
chier et très amé cousin, pour la singulière affection et amour que avons en la personne de nostre chier et bien aimé maistre Berthelemy Rondellin, docteur en théologie, ministre provincial de l'ordre monsieur saint François en la province de Gennes (?), cousin germain de nostre amé et féal conseillier et médecin ordinaire maistre Théodore de Pavye, et que de tout nostre cueur desirons l'avancer et eslever en acroissance de biens, estatz et honneurs, et icellui estre pourveu de l'office de maistre gênerai dudict ordre Saint François, s'il y advenoit que oudict office cheust vaccacion par la promotion du maistre gênerai qui est à présent à autre bénéfice, office ou dignité ou autrement, en faveur de nostredict conseiller et médecin et des grans services qu'il a dès longtemps faiz à feu nostre très cher seigneur et père, que Dieu absoille, et à nous fait et continue chacun jour en grant soin, cure et dilligence à l'entour de nostre personne et autrement en noz plus grans principaulx secretz et privez affaires, et des grans vertuz et mérites qui sont en la personne dudict Rondellin, nous escripvons présentement à nostre Saint Père le Pape, priant très dévotement Sa Sainteté qu'il lui plaise, en faveur et contemplacion de nous, avoir ledict provincial touchant la provision de sa personne dudict office de maistre gênerai dudict ordre, si vaccacion y eschet, et en autres ses affaires en bonne et singulière souvenance et recommandacion, comme de ce plus applain pourrez veoir et estre adverty par le double de nosdictes lettres de nostredict Saint Père, que vous envoyons cy dedens encloz et par nostre amé et féal conseiller et maistre d'ostel ordinaire Francisque
BalyanS qui (que), pour ceste cause, envoyons présentement expressément par devers nostredict Saint Père, auquel avons donné charge passer par devers vous et vous en dire et parler de bouche du singulier désir que avons à la provision dudict Rondellin. Si vous prions si très acertes et de cueur que faire povons que, en faveur de nous, veillez croire nostredict maistre d'ostel de ce qu'il vous en dira de par nous et escripre par luy à nostredict Saint Père, en priant sadicte Sainteté qu'elle veille pourveoir ledict Rondellin d'icellui office de maistre gênerai dudict ordre saint Françoys, s'auccune vaccacion y eschet, car nous sommes bien acertenez que vostre prière avec la nostre luy porra grandement servir touchant ladicte provision. Et, en ce faisant, vous nous ferez plaisir si très agréable que plus en semblable cas faire ne pourriez, que nous recongnoistrons envers vous si d'aucune chose nous requérez. Très chier et très amé cousin, nous prions le benoist filz de Dieu vous avoir en sa saincte garde. Donné à Saint Germain en Laye, le XVII® jour de may.
Charles.
BOURDIN
A nostre très cher et très amé cousin le seigneur Ludovic, duc de Bar et gouverneur de Millan.
1. Peut-être Jehan-François de Balsan, vicaire de la justice de Milan sous Louis XII. (De Maulde, Chron. de Louis XII, II, 357.)
DE CHARLES VIII. fTt
DCLXXVII.
AU PARLEMENT DE PARIS
Poissy, 27 mai 1492.
Ordre de juger le procès que soutient M" Jean Piscis, chapelain du roi, à l'occasion de la prébende de Saint-Martin de Tours que lui dispute M" Jean Cbabrion. — (Orig. Arch. nat., X«»9321.)
De par le roy.
Noz amez et feaulx, nous avons esté advertiz que nostre cher et bien amé chappeliain et chantre ordinaire de nostre chappelle, maistre Jehan Piscis, a certain procès pendant pardevant vous en matière d'appel touchant la prébende de l'eghse monsieur saint Martin de Tours, de laquelle il a esté pourveu par noz chers et bien amez les doyen et chappitre de ladicte église et aussi par vertu d'un mandat qu'il a obtenu de nostre Saint Père le Pape à nostre grant prière et requeste, de laquelle prébende il a joy par bien longtemps. Mais ce non obstant, ung nommé maistre Jehan Chabrion lui a donné enipeschement et en a mis en procès nostredict chappeliain pardevant noz amez et feaulx conseillers les maistres des requesles, en leur auditoire de nostre palais à Paris, où ledict Chabrion a obtenu la recreance, comme l'on dit. Et, pour ce cjue, à cause dudit procès, ledict Piscis a par cydevant supporté de grans pertes, fraiz et mises, et aussi discontinué nostre service, et feroit encores plus s'il estoit tenu en long procès, à quoy desirons de toute nostre affection lui estre subvenu, à ceste cause, nous voulons et vous mandons bien expresse-
ment que, en la plus grant dilligence que possible sera, vous donnez fin et expedicion en sondict procès, qu'on dict estre appointé en droit et prest à juger, en lui gardant son bon droit et l'ayant pour recommandé en justice. Donné à Poissy, le xxvii* jour de may.
Charles.
robertet.
A noz amez et feaulx les gens tenans nostre court de Parlement à Paris.
Recepte penuUima maii M9 CCCC^ nona^ 11^'*.
DCLXXVIII.
A LA CHAMBRE DES COMPTES DE DIJON
Poissy, 31 mai 1492.
Ordre de laisser jouir le marquis de Hochberg, maréchal de Bourgogne, des émoluments du greffe du bailliage d'aval au siège de Pontarlier-en-Montagne. — (Orig. Arch. de la Côte-d'Or, Correspondance de la Chambre des comptes, t. I, n» 281.)
De par le roy.
Noz amez et feaulx, nostre très cher et féal cousin et grant chambellan le marquis de Hochberg ^ , mareschal de Bourgongne, nous a fait remonstrer que combien que despieça lui ayons fait don, entre autres choses, de la terre et seigneurie de Pontaillier en Montaigne*, en nostre conté de Bourgongne, ensemble de toutes ses revenues et deppendances, sans y riens reserver fors que la souveraineté, et que par ce il doye parcevoir l'csmolument procédant d'une clergie
