AU SEIGNEUR DE BRESSE
Tours, 17 septembre 1493.
Il se plaint des traitements infligés à ses serviteurs en Savoie ; prière d'y remédier, sinon il fera sentir les effets de son juste mécontentement. — (Orig. Arch. de Turin, Littere principi forestieri.)
Mon oncle, jay reçeu unes lettres que vous m'avez escciptes par le seigneur de Varaz, qui contiennent créance, laquelle il m'a dicte assez au long : mais par luy et les ambaxadeurs de mon cousin de Savoye tous-
1. Charles Guillard, reçu conseiller au Parlement de Paris le 30 novembre 1482, résigna le 27 août 1496 pour devenir maître des requêtes et président au Parlement. (G. Picot, le Parlement sous Charles VIII, p. 88.)
jours m'avez fait porter bonnes parolles, de quoy les effectz se sont trouvez au contraire jusques icy, dont ne me puis trop esmerveiller, car, depuis que vous estez par delà, de quelque matière qui m'ait touché à mes serviteurs ou à leurs amys, j'en ay tousjours eu le contraire à mes requestes.
Mon oncle, je ne suis point délibéré de laisser conduire les matières en ceste façon, pourveu que je y puisse remédier, car, par le conseil que vous principalement avez donné, l'en porte toute rigueur à mesdicts serviteurs jusques à les destruire de corps et de biens, et l'en met leur sus qu'ilz veuUent entreprendre sur l'auctorité de mon cousin de Savoye, laquelle chouse je ne voldroye souffrir à eulx ni à autres; mais aussi je ne voldroye pas que soubz ceste couleur l'en parachevast ce que je sçay qui est entreprins sur eulx. Et, à ceste cause, je vous advise, mon oncle, que toutes les provisions que je pourray donner au contraire, je mectray poyne de le faire en telle façon, si je puis, que tous ceulx qui s'en sont meslez n'y gaigneront guieres.
Et, au regart de vous, que je say bien qui conduisez la pluspart de ces matières, (se) ne me donnez à cognoistre que voz effetz sont de mesmes les parolles, je vous asseure que vous cognoistrez en peu de jours que je n'ay cause d'estre content. J'en escriptz en substance à ma cousine de Savoye autant que en contiennent ces lettres. Et à Dieii, mon oncle. Escript à Tours, le xvu" jour de septembre.
Charles.
BOHIER
A mon oncle le conte de Baugé, seigneur de Bresse.
DCCXXXIV.
AUX HABITANTS DE REIMS
Montils-lez-Tours, 28 septembre 1493.
Remerciements pour avoir favorisé l'élection de Robert Briçonnet à l'archevêché de Reims. — (Orig. Arch. mun. de Reims, Lettres missives.)
De par le roy.
Très chiers et bien amez, par les letres de vous et noz chiers et bien amez les chanoines et chappitre de l'église de Reims et autrement avons esté advertiz de l'eleclion qui a esté faite en vostre futur arcevesque et pasteur de la personne de nostre amé et féal conseiller m* Robert Briçonnet, et comment vous avez aydé et tenu tous les meilleurs moyens de conduire et faire ainsi acomplire ladicte élection, dont vous remercions, car elle nous est moult aggreable, et espérons qu'elle sera si très utile et prouffilable à vous et tout le clergé et peuple de l'arcevesché de Reims, que
tousjours vous en louerez et trouverez et
joyeulx et nous en aperceverez avoir vous et voz affaires en gênerai et particulier de tant en plus grande et singulière recommandacion, comme par effect le congnoistrez, se d'aucune chose nous requérez. Donné aux Montilz les Tours, le xxviu* jour de septembre^
robertet.
A noz très chiers et bien amez les eschevins,
1. Cf. ci-dessus la lettre aux Rémois en date du 30 août précédent, p. 358.
nobles, bourgois, manans et habitans de nostre ville de Reims'.
DGCXXXV.
AUX HABITANTS DE LYON
Montils-lez-Tours, 28 septembre 1493.
Ordre de recevoir honorablement les ambassadeurs du roi de Naples. — (Orig. Arch. mun. de Lyon, AA20, fol. 61.)
De par le roy.
Chers et bien amez, nous avons esté advertiz que nostre très cher et très amé frère et cousin le roy de Naples envoyé par deçà ses ambaxadeurs pour traicter d'aucunes choses avecques nous 2. Et, pour ce que nous voulons bien traicter lesdicts ambaxadeurs, nous vous prions et mandons que allez au devant d'eulx quant il en sera temps, et les recevez honnorablement, en leur offrant et faisant tous les plaisirs et services que pourrez, ainsi que savez bien faire et que avons chargé vous dire plus amplement nostre «amé et féal cousin, conseiller et chambellan, le seigneur de Clerieu, lequel vueillez croire. Donné aux Montilz prés Tours, le xxviii^ jour de septembre -,
Charles.
Du Mesnildot.
A noz chers et bien amez les bourgois et habitans de Lyon.
1. Semblable lettre aux habitants de Bourges. (Arch. mun. de Bourges, AA, Lettres missives.)
2. Cette ambassade avait pour chef Camille Pandone. Sa mission était d'employer tous les moyens pour détourner Charles VIII de ses desseins sur Naples. (Delaborde, Expédi-
DE CHARLES VIO. 363
DCCXXXVl.
