AUX CONSULS ET HABITANTS DE CAHORS

Châtellerault, 12 novembre 1493.

Ordre de prendre toutes les mesures nécessaires pour mettre Benoît de Jean, dit de Saint-Moris, en possession de l'évêché de Cahors après le décès du possesseur actuel. — (Copie. Arcli. du Lot, Cartulaire de la ville de Cahors, E 8. — Comm. par M. Combarieu.)

De par le roy.

Chers et bien amez, pour le grant et singulier désir que nous avons de rendre paisible possesseur nostre aymé et féal conseiller et procureur en court de Rome maistre Benoist de Jehan, dit de Sainct Moris\ de l'evesché de Cahours à luy dapieça réservé aulx poursuicte, prière et requeste par nostre seigneur père le Pape, et affin qu'il n'ait en icellui aucun trouble ou empeschement, nous avons escrict et expressément mandé à noz amez et feaulx conseilliers le seigneur de Sainct Cire, seneschal de Quercy, et Guy de Loziere, nostre maistre d'ostel et de nostre artillerie, qu'ilz en toute diligence se transpourtent devers les chanoines

tion de Charles VIII, p. 299.) Le roi de Naples s'était assuré des bons offices de Guillaume de Poitiers, seigneur de Clérieux, qui était venu en ambassade à Naples. (Delaborde, ouvr. cit., p. 147.)

1. A la mort d'Antoine Alemand, qui avait été évêque de Cahors, de 1477 à 1493, il y eut trois prétendants à l'évêché : 1° Benoît de Jean, dit de Saint-Mauris, coadjuteur d'Antoine, candidat du roi; 2° Antoine III de Lusech, candidat du chapitre, lequel devint évêque à la mort de Benoît, 1501-1509; 3» Jacques de Trémolière. [Gallia christ., I, col. 145-146.)

et chappitre de l'esglise de Cahors et devers vous pareillement, pour vous dire et remonstrer aucunes chozes de par nous touchant ceste matière. Et, pour ce que nous serions très desplaisans que aucune chose fust faicte audict evesché après la vaccation d'icellui contre nostre vouloir et (au) préjudice de nostredict conseillier, nous voulons et vous mandons bien expressément que, après le trespas de l'evesque, qui à présent est détenu en telle et si griesve maladie, comme l'on dit, que l'on n'entend (attend) l'eure que de le voir expirer et rendre l'ame incontinant, et en grant soing et diligence ayez l'ueil et prenez bien garde que rien n'y soict f'aict contre nostre vouloir, et faictez fermer et garder les pourtes de nostre ville en manière que personne n'y rentre sans congiè et licence de nosdicts conseillers que vous ne soyès bien informé de son affaire et que, à vostre faulte, rien vienne inconvénient! à nostre desplaisir, dont ne fussions contemps. Et, au surplus, faictez, proucurez et pourchassez envers lesdicts chanoines et chappitre et ailleurs où verrez besoing estre pour l'acomplissement de cest affaire à ce qu'il puisse totalement prandre fin et yssue à nostre plaisir et intencion, et ainsi que plus à plain vous diront nosdicts conseillers, auxquels nous en escripvons plus au long pour vous en dire. Si lez voueillez croire, adjuster foy et faire entièrement tout ce qu'ilz vous diront et conseilleront de par nous. Et n'y faicles faulte sur tan(t) que désirés nous obéir et complaire. Donné à Chasteaulerault, le xii* jour de novembre. Charles.

ROBEKTET.