AU DUC DE FERRARE

Amboise, 12 décembre 1493.

Il a reçu son fils et l'assure de son bon vouloir et affection. — (Orig. Arch. de Modène, Cancelleria Estense. — Comm. par M. le comte Delaborde.)

Très cher et très amé cousin, nous avons receu les

letres que escriptes nous avez, par lesquelles nous faictes savoir comme, en continuant le bon vouloir et grant amour que voz progeniteurs ont tousjours eu envers les nostres, vous nous avez envoyé nostre cher et amé cousin vostre filz, tant pour estre en nostre service que pour contregaige de l'entière amour que entendez et desirez avoir perpétuellement à nous et en ensuivant vosdicts progeniteurs, lesquelles voz lettres avons de très singulliere affection veues et encores de plus grant cueur veu et receu nostredict cousin vostre filz, lequel, pour satisfaire à vostre désir et vous donner occasion de persister en l'amour qu'avez en nous, sommes délibérez bien traicter et en toutes choses lui faire comme à l'un de noz bons parens, vous advertisant que tousjours nous trouverez prestz et enclins de vous obtempérer et faire pour vous et les vostres en ce que nous requerrez et que pourrions faire. Très cher et très amé cousin, Nostre Seigneur vous ait en sa garde. Donné à Amboise, le XII® jour de décembre ^

Charles.

Marcel.

A mon très cher et aymé cousin le duc de Ferrare.

1. Voy. ci-dessus lettre du 4 mai 1492, p. 261, n» DCLXVIII, et la Pièce justificative, n*> XXVI, datée du 16 octobre (1493).