Concarneau, arr. de Quimper, ch.-l. de cant., Finistère
3. Sacey. Cf. lettre du roi à La Trémoille, 25 mars 1488; il y est fait mention d'une lettre de Sacey promettant d'envoyer des vivres. (Ci-dessus, t. I, p. 323.)
d'envoyer par mer visiter les places de Brest et de Conq. Car, si une fois ils ont quelque rafraichissement et nouvelles de vous, vous les trouverez en leur entier d'icy à belle pièce de temps.
Sire, nous vous supplions que vostre plaisir soit faire faire diligence d'envoyer des vivres en ceste ville, car nous en sommes très mal pourveus. Monseigneur de Sassey nous a escript qu'il n'a commission touchant les vivres qu'au bailliage de Cotentin, qui est bien mangé et pillé, et encore de présent nos chevaux y sont. Et pourtant, sire, il est requis que vous mandiez au baillage de Caen et es autres contrées de Normandie qu'ils nous envoyent farines, vins et cidres. Et, en ce faisant, moyennant l'ayde de Dieu, vous ne perdrés rien icy en ce quartier et nous en rendrons bon compte. Sire, nous prions le benoist fils de Dieu qu'il vous doint bonne vie et longue. Escript à Dinan, le xx* jour d'avriP.
Vos 1res humbles et très obeissans subjets et serviteurs,
Jehan de Rohan, de Monfaucon,
Gaston du Lion, de Grassay.
Les habitants de Reims au roi.
Reims, 28 novembre 1489.
Réponse à une demande du roi relative aux artilleurs et ouvriers d'arc et de trait qui sont dans la ville. Assurances de dévouement. — (Copie. Arch. mun. de Reims, Registre des conclusions du Conseil de ville y t. III, fol. 113.)
Nostre souverain seigneur, nous nous recommandons
1. Cf. ci-dessus, t. II, p. 322, la réponse du roi à la présente missive, 26 avril 1489, n" CCCCXVII.
très humblement et le plus que povons à vostrc bonne grâce.
Nostre souverain seigneur, plaise vous savoir que en obéissant à ce qu'il vous a pieu nous escripre touchant les artilleurs et ouvriers d'arc et de traict qui sont en ceste ville, nous nous sommes enquis et avons trouvé que (en) ceste dicte ville n'y a que trois ouvriers dudict mestier, l'ung desquelz est vieil et caducque et ne puet plus besongnier ne faire chose qui vaille. L'autre, qui est son filz, n'a nulz arcs, mais il a huit ou nuef trousses de flèches, et dit que en ung an, quand il ne feroit autre chose, il feroit bien ung cent d'arcs et ung cent de trousses, et, s'il avoit ung serviteur, en feroit bien cent et cincquante. Et l'autre, qui est renommé d'estre très bon ouvrier, n'a scmblablement nulz arcs et a seulement ung cent de flèches de trousses. Mais il dit que, quant voslre plaisir seroit le faire besongnier, il feroit bien en ung an ung cent de bons arcs et ung millier de bonnes flèches, et, s'il avoit ung serviteur, en feroit bien le double. Et est tout prest et se sommes nous tous à vous servir et complaire en touz vos bons plaisir. Nostre souverain seigneur, nous prions à Dieu qu'il vous doint très bonne vie et longue. Escript en vostre ville de Reims, le xxviii" jour de novembre*.
Voz très humbles et obeissans subgectz les manans et habitans de Reims.
Au roy, nostre souverain seigneur.
1. Cf. la lettre du roi, 21 octobre 1489, n" CCCCLXXIV, cidessus, t. II, p. 412.
La commune de Moncalieri au roi Charles VIII.
Moncalieri, 24 avril 1490.
Remerciements au roi pour la protection que ses prédécesseurs et lui n'ont cessé d'accorder à la maison de Savoie. — (Copie. Arch. comm. de Moncalieri, Ordin., vol. 1487-1491. Publ. par F. Gabotto, Lo Stato Sabaudo, t. II, p. 427, n. 3.)
Sire, nous recomandons tant et si très humblement que plus povons à vostre bonne grâce. Sire, oultre les bons langages et grandes offres faictes derrenierement par vos ambassadeurs à noz très redoutés seigneur et dame, nous avons entendu par le terme des lettres que depuis vous a pieu leur escripre et à illustre et révérend père en Dieu, monseigneur l'arcevesque d'Aux, que continués et persévères en ycelle mesme oppinion, bon vouloir et benevolence. En bonne foy, telle estoit nostre espérance, et n'entendions pas autrement par l'espérance qu'avions de vous et de vos très crestiens prédécesseurs, mesmement de feu roy Loys, vostre père, oui Dieu pardonne, lequel jamays n'abandonna ceste très honorable mayson de Savoy e. Et vous mercions 1res humblement et tant plus povons, prestz tousjours de faire chose que vous soye agréable à nostre povoir, au pleysir Nostre Seigneur, lequel prions, sire, qu'il vous doint très bonne vie et longue et l'acomplissement de vos très haultz et très honourables désirs. Escript de Moncalieri, le xxiiii® d'avril.
Vos très humbles serviteurs les sindiques, conseil et comunilé du lieu de Moncalier.
Inventaire des pièces ^artillerie amenées d^ Angers à Châlons en 1^90. — (Arch. mun. de Châlons, EE 13.)
Montils-lez-Tours, 3 juin 1491.
Inventoire des pièces et matières d'artillerie amenées à Chaalons par Tordonnance du roy nostre sire par Gilles Haye et Michel Musnier, commissaires dudict seigneur pour la conduicte d'icelle, laquelle artillerie et suictes d'icelle a esté baillée, délivrée et mise en garde es mains des bourgois, manans et habitans dudict Chaalons, en ensuivant les' lettres dudict seigneur qu'i luy en a pieu escripre ausdicts habitans, dont la declaracion desdictes pièces, matières et suictes s'ensuit.
Et premiers :
Six cannons des vielz pers*, nommez l'un Langres, Touraine, Chaalons, Reims, Bourgongne et Champaigne.
Item, deux grosses coulevrignes de Bretaigne, l'une nommée La Terrible, l'autre Deseurée.
Item, deux autres coulevrignes moyennes, l'une nommée La Mure, l'autre pareille sans nom.
Item, six faulcons d'une sorte, tous semez de fleurs de lys.
Item, six vingtz seze pièces, tant caques que demy caques de pouidres, servant tant à canon comme à coulevrigne.
Item, neuf saulmons et demy de plomb, tant grans que petis, qui sont marquez sur le plat d'un chacun saulmon à deux fleurs de lys.
