Perriers ou pierriers

Item y sept cens quatre vingtz dix huit pierres de grez servans ausdicts cannons.

Item, cent quinze pelles ferrées, dont il y en a quatre de rompues par le menche.

Item, quarante huit hoyaulx sans menches.

Item, quarante picqs sans menches.

Item, douze pintes et pieds de chievre.

Item, ung crochet de fer.

Item, quatre mosles de fonte, dont les trois servent ausdictes coulevrignes et faulcons, et l'autre d'une autre sorte dont on ne se peult aider s'il n'est reffondu.

Item, ung vérin à une visse garny d'escroc et teste.

Item, une eschiellette, tresteau et ung levier.

Item, ung gros cable de corde et ung moyen.

Item, ung cinge avec son treuil.

Item, un aulge fermant à clef à mettre lesdicts mosles, hoyaulx et picqs.

Toutes lesquelles pièces et matières d'artillerie cy dessus declerées et speciffîées ont esté par lesdicts commissaires baillées et délivrées es mains desdicls bourgois, manans et habitans de ladicte ville de Chaalons, selon le contenu des lettres du roy nostredict seigneur, en présence de Jehan Daoust, juré du roi nostre sire ou bailliage de Vermandois et secrétaire du conseil de ladicte ville de Chaalons, le vu® jour du mois de décembre, l'an mil IIIP IIII" et dix.

G. Haye, Musnier, Daoust.

Mandement du roi au comte de Nevers, gouverneur de Champagne, et à Guillaume de Corguilleray, prévôt des maréchaux de France, d'avoir à se transporter sans délai es villes de Reims, Châlons, Vitry, Sainte-Menehould, Vertus, Epernay, Commercy et Rethel et d'y enjoindre aux habitants de prépa-

rer les vivres nécessaires au ravitaillement de la cité de Liège. — (Copie. Arch. mun. de Reims, Registre des conclusions, BB (1486-1494), fol. 164.)

Montilz-lez-Tours, 3 juin 1491.

Charles, par la grâce de Dieu roy de France, à nostre cher et amé cousin le conte de Nevers, seigneur d'Orval, gouverneur de noz païs et conté de Champaigne, ou à son lieutenant, et à nostre amé et féal conseiller et maistre d'ostel Guillaume de Courguilleray, prevost des marescheaulx de France, salut et dilection. Comme nostre amé et féal cousin, conseiller et chambellan, Robert de la Marche, chevalier, seigneur de Sedan, nous ait escript et fait remonslrer que en la cité de Liège, où il est à présent, y a très grant nécessité et faulte de vivres, mesmement de blez, vins, chairs et autres choses, et que, sans en avoir, luy et les gens d'armes qui y sont, ensemble les gens d'église, bourgois, manans et habitans, n'y pourroient vivre et résister aux grans entreprises que de jour en jour on y veuU faire, en nous humblement requérant sur ce leur y aider et donner prompte provision. Pour quoy nous, ce considéré et pour autres causes et raisons à ce nous mouvans, nous vous mandons et très expressément enjoignons, et h chacun de vous, que incontinent et sans delav vous envoiez, vous gouverneur; et vous Courguilleray, transportez vous es villes de Reims, Chaalons, Victry, Saincte Menehoult, Vertuz, Espemay, Cormycy et Rethel, et vous illecques faictes et faictes faire exprés commandement de par nous sur certaines et grosses peines à vous à applicquer aux manans et habitans desdictes villes, que incontinent et sans delay ilz aient (à) amener et envoler par marchans et gens souffîsans desdicts vivres nécessaires pour ravitaillement de ladicte cité de Liège jusques es villes de Mouzon et Maiziers {»îc)y ausquelz lieux nostredict cousin de la Marche, lesdicts gens de guerre et habitans de Liège les viendront ou

envoyront quérir, achapter et paier à taux et pris raisonnable, en leur permettant et souffrant iceulx vivres emmener et faire mener et conduire en ladicte cité, non obstant quelzconques deffenses par nous faicles ou à faire sur lesdicts vivres; et à ce faire et souffrir obéir, à fournir et mener d'iceulx vivres esdicts lieux de Mouson et Maizieres contraingnez ou faictes contraindre royaulment et de fait les habitans des villes ci dessus escriptes et tous aultres qu'il appartiendra et qui auront desdicts vivres par toutes voyes et manières deues, en telz cas requises et comme il est acoustumé de faire pour noz propres besongnes et affaires. Car ainsi nous plaist il estre fait, non obstant comme dessus oppositions ou appellacions quelconques, pour lesquelles ne volans estre différé de ce faire, à vous et ung chacun de vous, voz commis et députez avons donné et douons plain povoir, auctorité, commission et mandement especial, mandons et commandons à touz noz justiciers, officiers et subgetz, que à vous et chacun de vous, vosdictz commis et députez en ce faisant soit obey et entendu dilegemment, prestent et donnent conseil, confort, aide et prisons, se mestier en avez. Donné aux Montilz lez Tours, le m® jour de juing, l'an de grâce mil IIIPIIIP" unze, et de nostre règne le viii®. Par le roy les contes de Montpencier, d'Elbret, le marquis de Rothelin, mareschal de Bourgongne, les sires du Bouchege, de

risle et aultres presens.

Instruction et advertissement touchant le mariage du roy et de la royne qui est à présent, dont le roy veult que ses subgectz soient bien au long advertiz. — (Copie. Arch. de l'Isère, B2995.)

Montils-lez-Tours, 8 décembre 1491.

Premièrement est à entendre que le roy estant au xii' an

de son aage, feu le roy Loys son père, que Dieu absoille, fui content, à la persuasion des pays de Flandres, Brabant et Haynau, entendre à certaines convenances d'un futur mariaige et fiençailles de lui et de madame Marguerite d'Autriche, fille du roy des Rommains, laquelle vcnoit lors à quatre ans et à présent n'a pas encore douze ans acompliz.

Item y que ledict feu roy Loys fut à ce meu pour raison et à cause principallement de faire du tout cesser la guerre et mectre paix perpétuelle en son royaume; et autrement n'eust point fait lesdictes convenances, lesquelles, sans ladicte paix, ne seroient de riens, veu mesmement le bas aage du roy et de ladicte dame Marguerite d'Autriche.

Item, que ladicte cause cessa incontinent après le trèspas dudict feu roy Loys, car ledict roy des Rommains dès lors a fait et pourchassé guerre et dommaige continuellement au roy et au royaume de France, jaçoit ce que le roy eust bien voulu son amictyé et n'a pas tenu au roy qu'il n'ait eu la sienne.

Qui plus est, ledict roy des Rommains s'est manifestement déclaré en tous lieux qu'il n'ayoit point consenty ne agréé le iraictié dudict futur mariaige et qu'il ne le tiendroit point, disant que maugré soy et à force le roy lui retenoit sadicte fille, ce que touteffoiz il ne vouldroit point faire, car il n'est riens moins convenable à sa nature que de vouloir ung mariaige de telle sorte.

Itenty dira que, si le roy eust cuidé l'entencion dudict roy des Rommains estre telle, il y eust pieça pourveu, mais il lui sembloit qu'il estoit induict et mené par gens qui le voulloient garder d'avoir grant amytié à luy. Et esperoit que finablement, la vérité congneue, il changeroit propoz sur l'entretenement des amictiez. Et neantmoins ne pour la raison ne pour longueur de temps il ne s'est délaissé de faire en tous lieux tout ce qu'il a estimé

4i6 LETTRES MISSIVES

estre contraire et préjudiciable au roy, et s'est allyé aux Angloix, anciens ennemys du roy et du royaume, et a prins le lyen de la Jarretière, qui est chose répugnante à l'affinité et aliance du roy, si avoir la voulloit.

Item, que pour nuyre au roy et en intencion de troubler son royaume, il a envoyé en Bretaigne par mer grant nombre d'AUemans et estrangers qui lui ont fait la guerre. Et, en autre part, du cousté de Bourgoigne, il s'est parforcé de invader ses pays, duché et conté de Bourgoigne à grant ost et armée, combien que, grâces à Dieu, le roy y ait tellement résisté que tous les gens d'icellui roy des Rommains en ont esté chassez et déboutez.

Item, que ledict roy des Rommains, pour cuider plus infester le roy, il envoya audict pays de Bretaigne deux qui se vantoient estre ses ambassadeurs et procureurs et leur donna charge, comme ilz disoient, de publier et mectre en bruyt qu'il vouloit avoir en mariaige la royne qui est à présent, et toutesvoyes il n'estoit pas vraysemblable, attendu la très longue distance de son pays d'Autriche. Et, pour autres considérations, il savoit bien estre impossible de conduire telle matière, mais il le faisoit à l'appétit d'aultruy pour veoir si par ce le roy se desisteroit de son emprinse oudict pays de Bretaigne, comme depuis il en a esté certainement adverty. Et aussi il le faisoit pour ce que ledict bruit servoit à sa guerre et esperoit par telles inventions donner au roy entendement de luy renvoyer sadicte fille, laquelle il a tousjours désiré recouvrer, doublant que, au moien d'elle, le roy n'eust les pays desquelz elle est cappable pour y succéder, quant le cas si offreroit. Et croyt le roy que, si ledict roy des Rommains n'eust eu ceste craintive ymaginacion, il ne se feust ja meslé dudict pays de Bretaigne ne des guerres qu'il a faictes au roy.

Item, dira que, nonobstant l'apparence et demonstrance faicte audict pays de Bretaigne par lesdicts, eulx disans

ambassadeurs et procureurs d'icellui roy des Rommains, le roy trouve que lesdicts procureurs n'eurent oneques commission souffisante pour iraicter effecluellement ou nom de lui aucun mariaigc oudict pais de Bretaigne; mais bien a entendu qu'iiz en avoient aucune charge pour l'archiduc Philippe d'Autriche, son filz, et en a esté deuement certifiié le roy par la royne qui est à présent et par ceulx de son conseil qu'elle ne fut oneques lyée par mariaige audict roy des Rommains. Et aussi l'en peut veoir par la teneur de la procuracion desdicts ambassadeurs et procureurs que c'estoit une chose forgée plus par ostentacion que autrement. Car, si ledict roy des Rommains et ceulx qui se mesloient des affaires de la royne qui est à présent eussent voulu besongner par effect en la matière d'icellui mariaige, ilz se feussent pourveuz d'avoir procuracion en meilleure et plus expresse forme, et si eussent fait venir d'autres personnaiges que n'estoient lesdicts procureurs, lesquelz depuis n'ont jamaiz esté advouez de leur maistre, combien qu'ilz aient souvent envoyé devers lui. Et, à la vérité, le roy est bien acertené de ce que l'Empereur en a dit, c'est assavoir que ledict roy des Rommains son filz n'estoit en riens astrainctne obligé par mariaige à la royne qui est à présent, ne elle h luy.

Toutes lesquelles choses dessusdictes ont esté remons- Irées au roy par les prouchains parens de luy et de la royne qui est à présent, et mesmement qu'il estoit expédient de faire cesser les occasions de guerre que le roy des Rommains prenoit à l'encontre de luy, tant à cause de sadicte fille que dudict pays de Bretaigne. Et, pour ce, il a délibéré de lui renvoyer en brief honnorablement sadicte fille, afin qu'il ne puisse plus dire que le roy la tiengne par force, ne que il prétende au moyen d'elle avoir nouvelles successions ne nouveau pays.

Et, au regart dudict pais de Bretaigne, ledict roy des Rommains n'aura plus couleur de s'en mesler, comme il III 27

faisoit soubz umbre de la royne qui est à présent, car, pour le bien dé paix et autres grandes consideracions, le roy a esté meu de entendre au mariaige de lui et d'elle.

Item, dira que, se le roy n'eust fait ledict mariaige et qu'il ne se feust disposé à remectre audict roy des Rommains sadicte fille, il veoit et voit clerement que ses royaume, pays, seigneuries et subgectz estoient et seroient tousjours en guerre de tous coustez et à trop de gens, laquelle maintenant porra cesser au plaisir de Dieu, ou du moins, si avoir la convenoit, il la portera tant mieulx et plus aiseement que par avant. Mais, sans point de faulte, il est en espérance, à l'aide de Dieu, que grant paix s'en ensuivra et que ledict roy des Rommains, considéré mesmement les affaires qu'il a, sera bien content d'estre deschargé des matières dudict pais de Bretaigne, et fort joyeulx de recouvrer sadicte fille pour evicter à la craincte et suspicion des successions nouvelles dont dessus est faicte mencion. Et, en tant que touche le roy d'Espaigne, il a tousjours requis au roy qu'il voulsist appoincter le cas de la royne qui est de présent comme de sa prouchaine parente, ce que le roy a fait en la prenant pour sa femme et espouse. Par quoy, avec ce qu'il y envoyé grande et notable ambassade, il n'en a de ce cousté que bonne oppinion. Et, quant aux Angloiz, il ne povoit mectre en meilleure seureté le fait de son royaume à l'encontre d'eulx que par ledict mariaige de Bretaigne, au moien duquel ilz seront contraincls à vivre en paix envers luy, ou que que soit, à l'aide de Dieu, il les gardera facillement de porter dommaige à son royaume, lequel il désire solager et relever des grans fraiz, despens et travaulx qu'il a soustenu en plusieurs manières, à cause desdictes guerres. Fait aux Montiz, le vin® jour de décembre, l'an mil CCCC IIII" et unze.

Petit.

DK CHARLES VIII. 419

Double de la proposition faicte et proposée par le grant escuier de France^ devant le(s) recteur, docteur(s) et

maistres de Paris, faicte ou mois d (en blanc)

mil II II' III I^^ et XI. — (Arch. dép. du Nord, Documents diplomatiques, 1477-1495.)

13 décembre 1491,

Mons"" le recteur et mess" les docteurs et maistres de ceste noble Université de Paris, j'ay charge de par le roy de vous advertir et remonslrer aucunes choses pour vous donner à entendre le mariaige faict entre le roy et la ducesse de Bretaigne.

Et premiers, il vous est assez notoire comme le roy Loys, que Dieu pardoint, et les pays de Flandres, Brabant et Hayunau feirent ung appoinctement de mariaige d'entre le roy, qui lors estoit daulphin, eagié de xii ans, et madame Marguerite d'Austrice, eagié de quatre ans ou environ, ce que fist le roy deffunct pour deux causes : la première pour ce qu'il se veoit sur son eaige agravé fort de diverses maladies; la seconde cuidant appaisier les guerres et rancunes, lesquelles avoient esté nouries de long temps en la maison de Bourgoingne contre le roy et son royaulme. Or, est il ainsy que, après la mort du roy Loys, que Dieu pardoint, non obstant que le roy garda de son coslé l'appoinctement, le roy des Rommains cautuleusement contre l'appoinctement s'efforcha de furtivement reprendre les villes de Therouenne, Saint Quintin et Arras, de quoy les nouvelles vindrent au roy à Troyes, ainsy comme il s'en alloit visiter sa conté et duché de Bour-

1. Cf. ci-dessus lettre du 5 décembre 1491, n" DCXXXVIII, p. 214.

goingne, par quoy fut constrainct de retourner pour obvier aux cauteles et emprinses dudict roy des Rommains, lequel, Dieu aydant le roy et sa juste querelle, ne puelt alors prendre que Therouanne, et alors déclara que le roy tenoit sa fille contre sa voUunté et que jamais n'avoit consenty audict appoinctement et que son intention estoit de la ravoir. Depuis, pour parvenir à ceste fin de ravoir sa fille, s'est efForchié de mectre le royaulme en division et sollicité et prins alliance au roy d'Espaigne et au duc de Bretaigne trespassé et aux Anglois, anchiens ennemis de

France, jusques à prendre la ^, quy est signe de

merveilleuse alliance. Non obstant ce, le roy l'a plusieurs fois sollicité de paix et amitié, mais a tousjours persévéré, disant qu'il raroit sa fille ou qu'il la viendroit quérir jusques au chasteau d'Amboise et qu'il estoit fort assez de cecy. Messieurs, j'en polroie tesmoingner autant comme homme de la court quy soit de mon estât, car je fus envoie de par le roy devant le roy des Rommains, auquel voiaige je fus constitué prisonnier de par le conte de Nassau et aucuns de Haynault, ausquelz je declaray que j'estois ambassadeur du roy, mais ilz ne me laissèrent oncques plus avant passer et commencherent à crier que ce n'estoit point son beau père, ne en quelque proposition que je feist ilz ne me voudrent ouyr beau père. En après, pour parvenir à la fin dessusdicte, continua guerre en Picardie, tellement que s'en ensievit la journée de Therouenne et autres. Et depuis après, par ce moien, les Bretons fisrent guerre contre le roy et son royaulme à l'ayde des gens du roy d'Espaigne et d'Engleterre, ses alliez, par quoy le roy fut contrainct de faire et entretenir deux armées à la grant charge de son poure peuple. Et quy plus est que derrenierement a envoie à grant puissance d'Allemans en Bourgoingne pour oster au roy sa duché et conté de Bour-