Consulta

et bien servie de corps qu'elle est, à l'eaîge de seize ans, puissant d'avoir génération, se Dieu le permect. Et, après plusieurs langaiges, le roy l'interroga s'il y avoit lien de mariaige entre elle et le roy des Rommains, laquelle luy respondit qu'elle n'y en sçavoit point, sinon par parolles à futur. Depuis, le conseil de ladicte ducesse a exhibé au roy la copie autenticque de la procuration dudict roy des Rommains, laquelle l'en trouve nulle, comme vous polvez veoir.

Le roy venu à Paris, est vray. Messieurs, que aucuns seigneurs d'Allemaigne , secretz amis du roy, ont rescript au roy que, après que les nouvelles vindrent en Allemaigne que ledict roy des Rommains avoit espousè ladicte ducesse, plusieurs commencherent h murmurer, disant que ce n'estoit point ce qu'il failloit au roy des Rommains : alors, l'Empereur, son père, pour apaisier le bruit, déclara par plusieurs fois que ce que son filz en avoit faict n'avoit jamais esté faict h l'intention de ce qu'il le prinst h mariaige, mais affin de le (la) baillier à Philippes son filz soubz ceste couleur. Et ainsy. Messieurs, pour ces causes, pour (par) le conseil des princes de son sang, ledict roy de France a prins à femme et espouzé ladicte ducesse, et fut consommé le mariaige il y eut hier huyt jours, ce fut le jour Sainct Nicollas^. Duquel mariaige s'ensieult grant utilité pour le royaulme : premièrement, le peuple sera soulaigié de l'entretenement de mil lances qu'il failloit pour garder les frontières de Bretaigne et de viii" mortes paies pour garder les chasteaulx et forteresses. Et, quy plus est, la puissance du roy est fortiffyè de xii" combatans pour aller où sera le bon plaisir du roy, et sur la mer de six cens

1. La fête de saint Nicolas tombant le 6 décembre, la présente pièce doit être datée du 13, jour de la signature du contrat de mariage.

navires fournies d'autant de mariniers aussy bons et railleurs ne sont qu'iiz soient en chrestienneté, et a vallu la revenue de la duché au duc trespassé, officiers et souldoiers paies, de viii à xn* mil. Finablement, par ce mariaige, il semble au roy qu'il ait satisfaict et prinse bonne alliance au roy d'Espaigne en tant qu'il a prins sa nieche au mariage, et ne luy a pas seullement rendn ses pays comme demandoit son ambassade, mais luy a donné la moictié de son lict et une grande partie des biens de son royaulme. Et, touchant le différent quy est entre eulx deux pour la conté de Roussillon, le roy est déterminé, luy venu à Paris, d'assembler son conseil et d'envoyer une bonne ambassade par devers luy pour en disposer selon le conseil qui en deliber(er)a : car la vollunté du roy est de vivre et de mectre son peuple en paix. Touchant le roy des Rommains, le roy se mectera en son debvoir de le contenter, car il luy renvoiera sa fille, laquelle est sur le chemvn, quy estoit la fin pourquoy il disoit mener guerre à luy et à son royaulme et a faict courir la voix que le roy luy tenoit et detenoit sa fille contre sa vollunté, ce que jamais ne vouldroit faire ; et ne semble point qu'il doibt procéder par voie de faict contre le roy, car il est assez occupé ou royaulme de Hongrie et à penser à l'empire où il prétend de brief, et se aucun différent (est) entre le roy et Philippes, son filz, le roy est délibéré d'appoinctier avec luy, selon ce que le conseil en ordonnera, et vivre en paix et luy tenir l'amour qu'il doibt avoir à son cousin et de luy estre bon souverain, mais qu'il luy soit leal subgect. Et s'il advenoit, que Dieu ne veulle, après que le roy se sera mis en son debvoir, qu'y ne vousist entendre à nouvel appoinctement et qu'il veult procéder par voie de fait, il semble au roy, à l'ayde de Dieu, que s'il a résisté à eulx à deux costez, qu'il résistera bien à ung. Touchant les Anglois, anciens ennemis de

France, le roy est délibéré en cest yver de mectre sur la mer et partout sy bonne provision que au printemps ilz ne nous polront au plaisir de Dieu faire mal et, qui plus est, je croy que on leur baillera tant aflfere qu'ilz seront content(s) et prieront de laissier le royaume en paix et que on ne leur demande riens. Vêla la charge, Messieurs, que j'avois de par le roy de vous dire.

Instruction à Gilles Rivault, conseillier et maistre cThosiel du roy, de ce quil aura à dire à Monseigneur le mareschal d'Esquerdes, devers lequel ledict seigneur Venvoye. — (Bibl. nat., Nouv. acq. fr. 1001, fol. 137. Copie du XVI* siècle.)

Melun, 18 août 1492.

Primierement, luy dira qu'il a oy le seigneur du Bouchaige touchant les devises que luy et monseigneur d'Aubenay ont eues ensemble et la somme en quoy ledict d'Aubenay s'est arresté, qui est à un milion d'escuz.

Sur quoy le roy a assemblé monseigneur le duc de Bourbon, monseigneur de Vendosme et aultres seigneurs et chambellans estans icy avecques luy, aussy les presidans Baillet et Thiboust, ses advocat et procureur gênerai, et aultres robes longues en Parlement de Paris, lesquels ont trouvé ceste somme très grande et excessive, et que le roy d'Angleterre se devroit bien contenter que on luy paiast ce qu'il dit luy estre deu h cause de Bretaigne.

Item, luy dira que mondict seigneur le mareschal Desquerdes fera grand service au roy d'entretenir ceste matière tellement qu'elle ne vienne point en rompture; et tousjours affin de l'entretenir, pourra faire sçavoir audict seigneur d'Aubenay quelle somme il entend tous

les ans estre payée et le lieu où iadicte somme devra eslre rendue.

Item, sçavoir quelle obligation le roy d'Angleterre demanderoil, aussy quelle seurelé il bailleroit au roy de tenir ce qui seroil acordé, tant de luy que des Estaz du royaulme d'Angleterre, aussy de ne luy faire point la guerre, et quelz contrepleges il baileroit au roy pour luy restituer son argent ou cas qu'i luy voudroit faire la guerre et ne tenir tout ce qui auroit esté appoincté et acordé entre eulx.

Item, sçavoir quels aliez y vouldront comprendre et s'il y vouloit comprendre le roy des Romains et l'archiduc son fils, en cas qu'ils voulsissent mener la guerre au roy, coment il entendroit en faire et s'il aideroit au roy ou s'il vouldroit demourer sans s'en mesler d'un costé ne d'aultre.

Item, du faict de monseigneur Phelipe de Cleves, lequel, pour aider à faire tenir la paix de l'an CCCC IIII"II, ses ennemys et envyeulx ont tasché à le destruire d'honneur, de corps et de biens, par quoy il se retira devers le roy, luy remonstrant qu'il n'avoit jamais faict chose à mons. l'archiduc qui ne fust bonne et honeste, et s'en vouloit justifier par tous les lieux où il pourroit avoir seur accez de s'en défendre, requérant le roy que sy à ceste cause lesdicts hayneux luy vouloient courrir sus, ledict seigneur le voulsist secourir et ayder. Et pour ce est besoing d'actendre sur ce la volonté du roy d'Angleterre, et s'il ne vouldroit pas faire partir et lever ses gens qui sont devant l'Escluse, tant par mer que par terre, et ne donner doresnavant secours, confort ne aide audict roy des Romains et archiduc à l'encontre du roy ne de mondict seigneur Phelippe.

Item, que, si ainsy esloit que ledict seigneur d'Aubenay continuast à sa première demande, mondict seigneur le

mareschal mettra en avant de prendre une trêve de troys ou quatre ans, ou d'aultre plus longtemps qu'i pourra : car par ce moyen le roy sera content de donner une legiere somme, comme de quatre vingtz ou cent mille francs pour une foys payée. Et sur le tout ledict mareschal mettra peyne par tous les bons moyens qu'il sçaura bien adviser de conduyre et entretenir cestedicte matière en manière qu'elle ne tombe en rompture, car c'est un des plus grands services que pour ceste heure il sçauroit faire au roy.

Item, dira à mondict seigneur le mareschal que s'i voit qu'ils ne voulsissent estre contans du contenu ez articles cy dessus ne de la somme que monte le fait de Bretaigne, il sçaura le fonds de ce à quoy ilz veulent venir une foys pour toutes, et de quelle somme ils se vouldroient contenter, en dyminuant de celle qu'ils ont demendée, pour en advenir le roy afin de luy en mander son bon plaisir, car il entend besongner en ceste matière sans la tenir en longueur ne dissimulation ne qu'elle puisse tourner en rompture.

Item, que en ensuyvant ce que le roy a escript à mondict seigneurie mareschal, il luy prie que, tant par courses dedans le pays que par tous moyens qu'i pourra adviser, il aide et secoure à mondict seigneur Phelippe par la terre touchant son affaire du siège qu'il a devant luy à l'Escluse, car le roy a envoyé partout en Normandie et en Bretaigne faire aprester tout le navire de guerre que l'on pourra trouver affin d'aller secourir à mondict seigneur Philipes par la mer.

Faict à Melun, le 18" jour d'aoust, l'an 1492.

Charles.

Parent.

Le duc de Ferrare au roi.

Ferrare, 16 octobre 1493.

Il le remercie d'avoir bien voulu prendre son fils dom Ferrand à son service. — (Minute. Arch. de Modène, Cancellcria Estense. — Comni. par M. le comte Delaborde.)

Ad Christ"""" D. Carolum Regem Francorum.

Sacra et Christianissima R. Majestas, pater et domine mi colendissime. Essendosi dig^naia la M** Vostra de acceptare a li suoiservitii lo Ill^donFerrando mio figliolo, ho recevuto de taie cosa summo contente et piacere, per che si corne sempre io sum stato afiectionatissimo et deditissimo servitore et figliolo de la M'* Vostra et de suoi Ser"' et Christ™' predecessori, cussi mio desiderio è che persigno de questa mia inconcussa fede la habia il figliolo mio apresso lei per suo servitore. Mandole al présente a quella, et prego la M'* Vostra che lo voglia havere ricommandato come sum certo che la haverà et lui, et per li racordi che gli ho dati et per ogni altro rispetto spero se deba portare verso la M** Vostra cum quella fede cum la quale è nasciuto servitore de la predetta V. M**, a la quale de continuo me offero et racommando*.

Ferrariae, xvi octobris 1493.