Le mot omis est probablement Jarretière

goingne, ce qu'il eust fîuct, n'eust esté la bonne resistence que feist ung chevalier, gouverneur de Bourgoingne, lequel leur présenta la bataille, mais ilz ne l'osèrent accepter. Depuis, voianl qu'il ne povoit venir à sa fin par faiz, a vollu venir par cautelles, principallment en faindant de voUoir espouser et prendre en mariaige la ducesse de Bretaigne, de quoy faire jamais n'eust intention, mais faisoit ce bruit courir afllîn d'espoventer le roy et de la fere avoir à son filz Philippes,conte de Flandres, soubz ceste couleur, comme je vous declareray cy après plus à plain. Et, ceste cautelle faicte par deux, eulx disans ses procureurs, l'ung nommé Poullaine* et l'aultre maistre Jacques Gondebaut, or est il advenu que, àl'ayde de Dieu, le roy a conquis Bretaigne jusques h Rennes, laquelle a esté par appoincteraent mise es mains des seigneurs d'Orléans, Bourbon et prince d'Orenges en neutralité. Et ont remonstré les Bretons au roy la grant utilité qui viendroit au royaulme s'il prenoit leur ducesse en mariaige. Semblablement le roy d'Espaigne avoit envoie une ambassade devers le roy, laquelle prioit au roy continuelement que son bon plaisir fust de non priver sa niepce de son pays. Pour lesquelles causes le roy conseilla* les princes de son sang, mais il ne veult déclarer son volloir jusques h ce qu'il fust asseuré de trois choses : la première, s'il n'y avoit point de lien de mariaige entre le roy des Rommains et ladicte ducesse; la seconde, tant qu'il eust veu le personnaige de ladicte ducesse; la tierche, si l'utilité estoit telle que les Bretons luy disoient. Et, pour sçavoir la vérité des choses predictes, le roy se transporta à Rennes soubz umbre et couleur de volloir confirmer les sermens de neutralité des seigneurs d'Orliens et Bourbon, là où il veit la ducesse tant belle, gratieuse, bénigne et humaine