Saissac, anr. de Carcassonne, ch.-l. de cant., Aude
2. Gresses ou Grayssas, arr. d'Agen, cant. de Puyrairol, Lot-et-Garonne.
rest de ladicte court, et aussi assigné jour audict Arnault de Landore, pour ce que encores n'a baillé ses diminucions (?) sur la declaracion desdicts fruiz levez de produire tout ce que bon lui semblera, pour le tout veu en fere sondict rapport. Dont et de quoy sans grief, pour foyr et délayer et pour empescher par ledict Arnault que raison et justice ne soit fête audict vicomte, s'est formellement porté pour appelant, et icellui relevé en nostredicte court de Parlement à Tholose en forme de pays coustumier, afin qu'il ne declerast la vérité de ceste matière, car, comme sçavez, s'il eust donné entendre telle que dessus est dit, jamais ne lui eust esté baillé et octroyé ledict relief. En laquelle court de Parlement de Tholose a tellement esté procédé que les parties ont esté renvoyées en nostredicte court par devant vous et condempné ledict Arnault aux despens. Et pour ce qu'il, ensemble lesdicts Galand et sa femme, ne font que foyr et délayer et serchent tous moyens possibles pour mectres lesdictes matières et procès sur l'execucion desdicts arrestz en longueur, à ceste cause et que voulons et entendons lesdicts arrestz sortir leur plain effect et que nostredict conseiller et chambellan soit en tous ses faiz et affaires favorablement traicté pour les bons et grans services qu'il nous a par cidevant faiz, fait et continue chacun jour, nous vous mandons que ledict procès vous widdez et jugez à la meilleur et plus briefve expedicion de justice que faire ce pourra, en oyant le rapport de nostredict conseiller, W Charles du Haullbois, et pour ce faire lui donnez et baillez audience en manière qu'il ne tiengne à luy, car nous avons entencion de brief employer ledict vicomte et
renvoyer en aucuns noz affaires qui fort nous touchent, par quoy luy est besoing d'avoir briefve fin desdicts procès. Donné à Lyon sur le Rosne, le xxi" jour de mars.
l^ARENT.
A noz amez et feaulx conseillers, les gens de nostre court de Parlement à Paris.
Recepte ultima marcii AP CCCC octo^ /Jf* ante Pascha.
