A BLANCHE DE MONTFERRAT

Amboise, 10 avril 1490.

Accusé de réception des lettres qu'elle lui a envoyées. Assurance de sa protection pour elle et son fils, le duc de Savoie. — (Copie. Arch. comm. de Moncalieri, Ordin., vol. 1487- 1491. Publ. par Ferdinand Gabotto, lo Stato sabaudo, t. II, p. 427, n. 3.)

Très chiere et très amée cousine, nous avons receu les lettres que vous avez escriptes par Imbaut de Romagnan et par luy sceu de vostre bon estât et de celluy de nostre cousin et cousine, vos enfans*, dont avons esté et sommes très joyeulx, et aussy de ce que ceulx du pays sont bien disposez de vous servir et obeyr, et que avez bonne espérance, moyennant nostre ayde et conseyl, d'entretenir Testât desdicts pays en bonne pays avec nos cousins. Et povez estre sceure que de nostre part nous nous employrons pour le bien, prouffyt et utilité de nostre cousin vostre filz et desdicts pays, (ainsi que) vouldrions fayre pour nos propres affayres. Nous escripvons à nostre oncle l'arcevesque d'Aux qu'il veuille continuer et s'employer à conduyre vos affaires, ceulx de nostredict cousin et dudict pays, combien que soions assez asseurez qu'il est bien délibéré de ce faire. Nous avons veu les mémoires et instructions que ledict Ymbault nous a apportés, sur quoy luy avons fayte

1. Charles II, duc de Savoie, et Yolande-Louise. — Sur la mission d'Imbaut de Romagnieu, cf. Usseglio, ouv. cit., p. 172.

responsede bouche, ainsy que par luy pourrez savoyr ; si vous prions le croyre de ce qu*il vous en dira de par nous. Et souvenez vous fayre savoyr de vos nouvelles el de tout ce qu'il vous surviendra, et vous nous fayrez playsir très agréable. Donné à Amboyse, le x' jour d'avril ' .

Charles.