DXLVIII

Montilz-lez-Tours, 8 juillet 1490.

Le seigneur de Maulevrier a été cité en cour au sujet du procès qu'il soutient avec M" Aicasse Dalbiat; mais la commission qui lui a été expédiée pour lever 500 hommes de guerre et les amener à Saumur ne lui permet pas de comparaître en personne; ordre de le recevoir à procureur. — (Orig. Arch. nat., X»* 9320, n» 114.)

De par le roy.

Noz amez et feaulx, puis n'a gueres nous avons octroyé noz lettres patentes à nostre amé et féal conseiller et chambellan le seigneur de Maulevrier, par lesquelles et pour les causes contenues en icelles vous

estoit mandé le recevoir par procureur en certaine cause et matière qu'il a par devant vous en nostre court de Parlement à l'encontre de nostre amé et féal conseiller en icelle maistre Acasse Dalbiat* ; ausquelles noz lettres n'avez voulu obtempérer, ains avez donné deffault à l'encontre dudict de Maulevrier. Et à ceste cause, voulant obéir à nostredicte court et à justice, estoit party de sa maison pour soy aller présenter en nostredicte court : mais, pour ce que nous avons eu à besongner de luy pour l'affaire nécessaire de nostre guerre, nous lui avons adrecé noz lettres de commission et lettres missives pour lever, cuillir, amasser et mettre sus le nombre de cinq cens hommes de guerre et iceulx amener et rendre à Saumur en telle dilligence qu'ilz y soient le premier jour d'aoust prouchain venant, au moien de quoy a convenu audict de Maulevrier soy transporter es pais d'Auvergne, Lyonnoys, Bourbonnois et Bourgoigne, où il est de présent, pour acomplir à son povoir sadicte charge. Et pour ce que, actendu icelle charge, entendons qu'il soit favorablement traicté et le garder de dommaige, comme raison est, à ceste cause nous luy avons octroyé noz lettres patentes pour estre receu en la matière par procureur pour les causes dessusdictes et autres, ainsi que pourrez veoir par icelles. Si vous mandons et enjoignons que, en ayant regard et consideracion audict affaire qui est nécessaire et autres causes déclarées en nosdictes lettres, vous procédez à l'enterine-

1. Accace d'Albiac, reçu au Parlement vers 1469, décédé le 15 novembre 1512. (G. Picot, le Parlement de Paris sous Charles VIII, p. 87.)

ment d'icelles selon leur forme et teneur, sans y faire

difficulté. Donné aux Montilz lez Tours, le vm* jour

de juillet.

Charles.

BomER.

A noz amez et feaulx conseillers les gens de nostre court de Parlement.

Recepte xvij*julu M" CCCO nonages^.