DLIX

Ordre de vaquer en diligence à l'expédition du procès d'Antoine, Jacques et Gilles de Belleville. — (Orig. Arch. nat., X'» 9320, n" 125.)

De par le roy.

Noz amez et feaulx, par plusieurs foiz et encores

depuis n'a gueres* vous avons escript touchant l'expedicion de certain procès que noz chiers et amez cousins Ànthoine, Jacques et Gilles de Belleville ont en estât de juger en nostre court de Parlement, à la poursuite duquel nostredict cousin Gilles de Belleville a esté long temps et est encores en nostre ville de Paris. Et pour ce que la fin de ce Parlement s'aprouche fort et que ce dedans icelluy il n'est jugé et déterminé, ainsi qu'ilz dient, ce leur tourneroit à grant interest et dommage, aussi que avons à besongner d'icelluy nostredict cousin Gilles de Belleville pour l'employer en noz affaires de par deçà, nous vous mandons bien acertes que vous vacquez et entendez à l'expedicion d'icelluy procès le plus diligemment que faire se pourra et y faictes en façon que n'ayons plus cause de vous en escripre. Donné aux Montilz prés Tours, le xxvi* jour de juillet.

Charles.

D AMONT

A noz amez et feaulx conseillers les gens de nostre court de Parlement à Paris.

Recepte tertia augusti M° CCCC nouages''.