DV

AU PARLEMENT DE PARIS

Moulins, 30 janvier 1490.

Ordre d'expédier à bref délai les procès du sire de Châteauvillain, notamment celui qu'il a avec le sire de Commercy. — (Orig. Arch. nat., X*' 9320, fol. 55.)

De par le roy.

Noz amés et feaulx, nostre amé et féal conseillier et chambellan le seigneur de Chastelvillain en Champaigne* nous a fait dire et remonstrer qu'il a de grans procès pendant par devant vous en nostre court de Parlement, dont il y en a aucuns, lesquelz sont dès longtemps assouppez, pour ce que, à cause des guerres et divisions qui ont eu par cy devant cours, il ne les a peu bonnement poursuyvre. Et pour ce que desirons ledict seigneur de Chastelvillain estre favorablement traicté en ses faiz et affaires pour consideracion

1. Châteauvillain, arr, de Chaumont, ch.-l. de cant., Haute- Marne. — Jean V de Châteauvillain, seigneur dudit lieu, de Grancey, Pierrepont, Thil, Marigny et Neuilly, mort le 16 avril 1497. (A. Duchesne, Histoire généalogique de la maison de Broyés et de Châteauvillain ^ 1631, in-fol., p. 78-79.)

des bons et aggreables services qu'il nous a faiz et fait chacun jour, tant à la garde et deffense dudict pays de Ghampaigne que autrement, nous vous mandons très expressément que les procès que iceliui seigneur de Chastelvillain de présent a intencion de poursuivre, mesmement celluy qu'il a à l'encontre du seigneur de Commercy, vous vuydiez et expédiez en la meilleur et plus briefve expedicion de justice que faire pourrez, en y gardant le droit des parties, ainsi que bien faire le saurez. Donné à Molins en Bourbonnois, le xxx® jour de janvier.

Charles.

Parent.

A noz amez et feaulx les gens de nostre court de Parlement à Paris.

Recepte xv* februarii M" CCCC° oct" IX° (v. st.).