AUX ÉCHEVINS DE CHALONS

Nantes, 30 mars 1491.

Le roi a besoin d'argent pour terminer la giierre de Bretagne; demande d'emprunt. — (Orig. Arch. mun. de Châlons. Lettres missives, AA 4. Impr. dans le Bull, du Comité de la langue et de fhist. de France, t. III, p. 600.)

De par le roy.

Ghers et bien amez, nous croyons que avez bien

sceu le très grant et singulier désir que tousjours

avons eu et monstre par efifect avoir au bien et traicté

de paix, tant envers les roys des Romains, d'Es-

paigne et d'Eiigleterre que aussi envers noz parens consanguins et subgectz des maisons de Bretaigne et de Flandres, devers lesquelz avons par plusieurs et diverses fois envoie grant nombre de notables prelatz, seigneurs et conseillers et autres de grant valeur et reputacion et prudence en ambassade pour traicter et parvenir audict bien de paix à ce que nous, noz subgectz et toute la chose publicque de nostre royaume puissent dés lors et de là en avant vivre en seureté et transquillité. Et combien que pour y parvenir nous soyons mis en tel et si grant devoir que possible nous a esté et que plusieurs traictez en aient esté passez et accordez, néanmoins les dessusdicts roys, princes, seigneurs, leurs adherens, alliez et consors, noz adversaires, nous ont suscité et suscitent chacun jour nouvelles traffiques, traisohs, invasions, guerres et divisions, sans garder leurs promesses ne tenir leur foy et loiaulté selon et ainsi qu'ilz et la pluspart d'eulx l'ont juré et promis. Et qu'il soit ainsi depuis peu de temps en çà par traisons subtilz, moiens indeuz, à nostre desceu et de noz cappitaines, officiers et gens de guerre estant en plusieurs noz villes et places, nosdicts adversaires ont cuidé surprendre les aucunes, et mesmement le chastel de la Rochegoyon, où il estoit entré de nuyt par emblée ung grant nombre d'Engloiz et Bretons qui y ont esté tuez, aussi sur noz villes de Saint Malo, de la Rochelle, de Harfleur, Rayonne, Ayre', Bethune^, Thoufbu^ et