Béthune, ch.-l. d'arr. du Pas-de-Calais

3. Peut-être Torfou, cant. de Montfaucon, arr. de Cholet, Maine-et-Loire.

autres sur lesquelz ils avoient entreprinses qui ont esté découvertes et les aucuns des coulpables prins et exécutez pour leurs desmeritez. Et voyant par nous que nosdicts adversaires estoient ainsi affectez à nous courir sus, procurer et faire dommages inestimables, avons trouvé moien par l'aide et conduicte d'aucuns grans, puissans et notables personnages, noz bons et loiaulx parens, subgectz et serviteurs, que nostre bonne ville et cité de Nantes s'est sans quelconque effusion de sanz reduicte et mise en nostre obéissance comme de son souverain roy et naturel seigneur^. Pour laquelle garder et y mectre en nostre obéissance le seurplus du pais et duché de Bretaigne, qui estoit le recueil et reffuge des malveillans de nostre royaume et l'espérance de noz ennemys, moiennant laquelle chose noz autres pays et subgectz pourront vivre dores en avant en paix et transquillité, soit besoing mectre sus ung bien grant nombre de gens d'armes, de nobles, Souyces, gens de pié, pionniers, artillerie et autres choses, et aussi soit requis pourveoir à la seureté et défense de tous les quartiers du royaume et aux surprinses que lesdicts roys, princes et autres noz adversaires se vouldroient efforcer faire. Pour ausquelles choses avoir par cy devant fournies, frayées et despendues à la charge de nous et de nostre poure peuple, nous a convenu despendre tel et si grant nombre de finances que chacun a peu congnoistre et savoir, et tellement que nous en som-

1. Au mois de février 1491, Alain d'Albret avait vendu aux Français le château de Nantes. Le roi, qui se tenait sur les bords de la Loire, s'embarqua aussitôt et arriva à Nantes à la fin de mars. (Péiicier, Essai, cité p. 176.)

mez demourez et nosdictes Qnances en merveilleux et grant arriéré à nostre très grande desplaisance. Mais ce non obstant, encores de présent nous est force et nécessité urgente pour la conduicte de nostredicte armée et recouvrement du reste de la duché de Bretaigne et autres affaires, de recouvrer promptement par emprunct de noz bons et loiaulx subgeclz grans sommes de deniers, à quoy nostre peuple pour cause de son excessive poureté et les charges qu'il a par cy devant portées, tant par tailles, creues que pour le passage et foulle des gens d'armes ne nous sauroit en ce secourir et aider quant à présent. Pour laquelle cause et pour subvenir à icelui nostre très grant et prompt affaire qui touche tant et si avant que dire se peult le bien de nous et de toute la chose publique de noz royaume, pais et segneuries, vous prions et neantmoins mandons induire et conseiller tant et si vertueusement que bien faire les saurez les grans et notables personnes de tous estatz, selon leur povoir et faculté, estans et demeurans en nostre ville et cité de Chaalons en Ghampaigne, dont avez la principalle charge et gouvernement quant à l'utilité de la communauté d'icelle, à nous prester et bailler content pour icelui nostre affaire telles sommes de deniers qu'ilz et chacun d'eulx nous pourront prester et bailler promptement pour nous aider à frayer et fournir la despense dessusdicte, et sur ce croire noz amez et feaulx conseillers que pour ceste cause avons ordonnez aller devers vous, pour leur faire en nostre faveur et aide tout le secours et advertissement que cognoistrez nous eslre en cest affaire utile et prouflfitabie. £t lesquelles sommes que chacun de noz bons

et loyaulx subgectz de nostredicte ville et cité de Chaalons presteront et bailleront content pour nous à nostre amé et féal conseiller et receveur gênerai de noz finances en la généralité d'oultre Seine, Jaques Le Roy', qui leur en baillera son récépissé, nous promectons à vous, pour tout le corps de nostredicte ville et cité de Chaalons et à chacun particulièrement en paroile de roy, les en faire paier et appoincter bien et loiaulment sur noz finances de la charge et généralité d'oultre Seyne de l'année prochaine, sans ce qu'ilz ne aucuns d'eulx y ait aucune perte ou dommage. Car ainsi faire l'avons ordonné à nostre amé et féal conseiller de ladicte généralité et audict receveur gênerai, sans ce qu'il soit besoing à nulz ou nul en gênerai ou en particulier en avoir ne recouvrer aucunes lettres, provisions ou descharges que le récépissé dudict receveur gênerai tant seulement. Si vous prions et néanmoins mandons de rechef en ce vous emploier si avant et amplement que soyons servy et secouru en cestuy nostredicl urgent et présent affaire, en quoy nous ferez très agréable service et plaisir que grandement recognoistrons envers la communaulté de nostredicte ville et cité de Chaalons et vous en particulier quant d'aucune chose nous requerrez. Donné à Nantes, le penultiesme jour de mars, l'an mil lUPIIII" et dix avant Pasques^.

Charles.

robineau.

1. Jacques Le Roy, fils de Martin Le Roy, receveur général d'outre-Seine de 1488 à 1504, puis du 26 avril au 6 octobre 1505. (Jacqueton, Documents relatifs à C administration financière en France, p. 294.)