Aujourd'hui Mézières, chef-lieu du départ, des Ardenaes
et que aussi ledit evesque et ceulx des Estatz desdiz pays y envoyeroient gens de leur part, pour sur tout besoigner, appoincter et conclurre avecques eulx ; et par leur advis mesmes a esté prins le premier jour de mars prouchainement venant pour estre audit lieu de Masieres; et à ceste cause vous envoyé vostre povoir bien ample et voz instructions, par lesquelles verrez ce qu'ilz ont dit par deçà, ce qui leur a esté respondu, et mon entencion sur ce que j'entens besoigner avecques eulx.
Et pour ce je vous prye qu'il n'y ait pas faulte, toutes autres choses arriéres mises, que ne vous rendez à Masieres audit premier jour de mars prouchain venant; et prenez par delà deux ou trois gens clercs ou autres, telx que adviserez, et les menez avecques vous audit lieu de Masieres pour vous aider à dresser les lettres et ce qui sera nécessaire pour la conclusion d'icelle. Et ceulx que mènerez avecques vous telzet en tel nombre que adviserez, faites escripre et nommer audit povoir en l'espace qui a esté laissée en blanc pour ce faire. Et afin que ceulx que adviserez y aillent plus voulentiers, je vous envoyé quatre ou cinq lettres closes signées de moy, dont le dessus est délaissé en blanc pour les adresser à qui vous adviserez.
Et pour vous declairer mon entencion, se vous povez besoigner selon le contenu desdictes instructions, je le vouldroye bien; et se vous ne le povez faire, il me souffira qu'ils facent avecques moy telles alliances qu'ilz ont eu le temps passé avecques le feu roy mon père, que Dieux absoille, et depuis avecques moy, pourveu que dès à présent ilz promectent
de eulx declairer contre la fille du feu duc de Bourgoigne et son mary et leur commancer la guerre dès si tost que mon armée sera vers les marches de Picardie et de Flandres.
En besoignant avecques ceulx de Liège, l'on me peut ligierement gaigner ceulx de Gueldres qui tousjours, et mesmement le peuple, ont hay le feu duc de Bourgoigne. Si vous pry, monsieur le bailli, mon amy, que en ceste matière mectez paine de me servir, comme je y ay la confiance, et sentez et enquerez de tout, et le plus tost que possible vous sera, advertissez me des termes que vous trouverez.
Et combien que je vous aye escript aller à Langres pour le fait des contez de Victemberg ' et de Montbelyart et du duc Sigismond d'Autriche, se ne povez fournir à tous les deux, je vous prye que laissez cellui de Langres pour aller à Masieres, et qu'il n'y ait point de faulte que n'y soyez audit premier jour de mars. Et en vostre lieu envoyez à Langres quelque homme bien entendu pour besoigner avecques lesdiz gens du duc Sigismond et desdiz contes de Victemberg et de Montbelyart, et l'instruez bien du tout. Et afin que cellui que ad viserez y aille plus volontiers, je vous envoyé unes lettres closes signées de moy pour les addresser à cellui que vouldrez y envoyer.
Comme autresfoiz vous ay escript en tant que touche le conte de Montbelyart, j'entens et désire qu'il viegne devers moy, et que j'aye seurté et scellé de luy d'estre
1, Eberhard "V, dit le Barbu, comte de Wurtemberg, second fils de Louis I", né le 11 décembre 1445, comte en 1457, duc en 1495, mort le 24 février 1496. {Art de vérifier les dates, III, 389.)
pour moy et me aider et servir de ses places, et mesmement de Montbelyart ; car c'est celle dont je désire estre le plus seur. Et en ce faisant, j'entens qu'on lui baille ses lettres de pension que je vous ay envoyées. Et quant au conte de Wirtennberg, son père, il n'est point besoing de le faire venir ; et entens qu'on lui baille ces lettres de pension, en faisant serementet en baillant son scellé de tenir mon parti.
En tant que touche le duc Sigismond, s'il veult se declerer pour moy et tenir mon parti, je le feray paier de ce qui lui est deu de reste de sa pension, et la lui feray continuer d'ores en avant, et de ce le peut-on asseurer qu'il n'y aura point de faulte; mais avant que mectre le myen, je vueil bien savoir s'il sera mon amy et tiendra mon parti ou non.
Et pour ce vous pry. Monseigneur le bailli, que instruez bien cellui qui yra, et que que ce soit, s'il est possible, qu'on face tant que le conte de Montbelyart* viegne devers moy, et aussi que le duc Sigismond demore mon amy et de mon parti.
Escript à... le... jour de janvier.
Au dos, de la main de Pierre d'Oriolle :
« Escriptiz (51c) par le roy à Thierry de Lenoncourt, bailli de Vilry, pour aler à Mazieres besongner aveques les Liegeoys, expédiées ou moys de janvier MGGCGLXXVII. »
1, Henri de Wurtemberg, fils du comte Ulric le Bienaimé, comte de Montbéiiard, de 1473 à 1482. (Duvernois, Éphcmérides du comté de Monthéliard (Besançon, 1832, in-S"), p. xxxiv.)
MLXXVIIl.
AU PARLEMENT (v.).
Plessis-du-Parc, 31 janvier 1478.
Ordre de faire révoquer l'interdit jeté par l'évêque de Chartres sur l'abbaye de la Trinité de Vendôme. — (Orig. Arch. nat., X1A9317, fol. 51.)
De par le roy.
Noz amez et feaulx, nous avons esté advertiz que
ou content des procès et debatz survenuz entre nostre
amé et féal conseillier l'abbé de l'abbaye de Ven-
dosme et l'evesque de Chartres, ledit evesque a
inhibé et défendu au peuple de son diocèse de non
aler en ladicte église faire leurs devocions, oyr le
divin service et faire autres choses salutaires, pour
rompre le grant apport de ladicte église, qui est ung
grant abbuz de justice ; au moien desquelles defences
et interditz le voiage, tant à la Saincte Lerme de Nostre
Sauveur, que aux corps sains qui reposent en ladicte
abbaye, et le grant apport d'icelles sont rompuz. Et
pour ce que desirons ledit voiage estre entretenu
pour l'onneur, révérence et devocion que avons à
ladicte Saincte Lerme, que aussi pour la devocion du
peuple dudit diocèse, vous mandons et expressément
enjoingnons que lesdiz interditz et defences vous fa-
ciez révoquer et mectre au néant, et y donner telle
provision que ledit voiage soit entretenu, ainsi qu'il
estoit auparavant lesdictes inhibicions faictes par ledit
evesque. Sy gardez qu'il n'y ait faulte, car tel est
nostre plaisir. Donné au Plessis du Parc lez Tours, le
derrain jour de janvier ^
LOYS
Berziau.
A noz amez et feaulx conseilliers les gens de nostre court de Parlement à Paris.
Receple xiiij^^ februarii M° CCCC° LXXVII°.
MLXXIX.
AU PARLEMENT (v.).
Plessis-du-Parc, 3 février 1478.
Ordre de procéder sans délai à l'enregistrement des lettres de création de deux nouveaux offices d'examinateurs au Ghàtelet de Paris. — (Orig. Arch. nat., XIa 9317, fol. 67.)
De par le roy.
Noz amez et feaulx, nous vous avons puis nagueres fait présenter par le greffier des requestes de nostre
1. Nous trouvons dans les registres du Parlement la décision suivante prise pour obéir aux volontés du roi :
« Mercredi xxv« jour de février [1478] au Conseil en la Grant Chambre...
« Veu par la Court le plaidoyé fait en ladicte court entre l'evesque de Chartres.
« Ladicte court a ordonné et ordonne que, en baillant par lesdiz evesque et abbé hincinde lettres de revocacion des interditz, censures et excommuniemens faiz et promulgez par lesdictes parties, lesquelles lettres seront accordées en la présence de M« Jehan de Gourcelles, Jehan Avril et Guillaume de Paris, conseillers en la court de céans, lesdiz evesque, abbé et ses religieux seront elargiz et les elargist ladicte court et reçoit par procureur. » (Arch. nat., XiA 1488, fol. 43 v».)
Palais noz leclres de chartre, par lesquelles avons de nouvel créé en nostre Ghastellet de Paris deux offices d'examinateurs ordinaires oultre le nombre accoustumé*, affin que les feissiez publier et enregistrer en nostre court de Parlement, et que ceulx ausquelz avons fait don desdiz deux offices en peussent joyr paisiblement, mais nous avons entendu que de ce faire avez différé ou mis la chose en delay, dont ne sommes pas contens. Et pour ce que nostre plaisir est que nosdites lectres de chartre et creacion sortissent leur plain effect sans y faire quelque delay ou forme de procès, nous vous mandons et bien expressément enjoingnons que, incontinent et sans plus de delay, vous faciez publier et enregistrer nosdictes lectres de chartre, en façon que ceulx ausquelz avons fait don desdiz deux offices en puissent joir paisiblement, sans y faire ne souffrir estre mis quelque empeschement ou difficulté, ne forme de procès. Et qu'il n'y ait point de faulte ; car autrement ne serions pas contens de vous. Donné au Plessis du Parc, le tiers jour de février.
LOYS
J. Mesme.
A noz amez et feaulx conseilliers les gens tenans nostre court de Parlement à Paris.
Recepte xj februarii M" CCCC° LXIVII°.
1. Cette création avait fait l'objet de lettres du mois de décembre 1477. (Ordonnances des rois de France, XVIIl, 16.)
MLXXX.
AU BAILLI DE CAEN (v.).
Plessis-du-Parc, 3 février 1478.
Convocation du ban et de l'arrière-l^an du bailliage de Caen. — (Copie du temps. Bibl. nat., Ms. fr. 26096, n» 1661.)
De par le roy.
Nostre amé et féal, nostre entencion est, moiennant l'aide de Dieu et de Nostre Dame, dedens bref temps faire mectre sur les champs, pour le renforcissement de nostre armée, tous ceulx qui sont subgectz à noz ban et arriere-ban, en entencion d'estre acompaigné d'une partie d'eulx et nous en servir où le besoing sera. Sy voulions et vous mandons que, en la plus grant dilligence que faire se pourra, vous faictes cryer et publier es lieux acoustumés à ce faire, que tous les demourans en vostre bailliage, qui sont subgectz à nosdiz ban et arriere-ban, se mectent sus et en armez, acompaignés de tel nombre de gens et en tel habillement de guerre, qu'il leur a esté ou sera ordonné et enjoinct, et se tiennent prestz pour partir et eulx trouver entour nostre ville d'Abeville le premier jour d'avril prouchain venant, et ce, sur paine à vous d'encourir nostre indignacion, et à ceulx qui de ce faire seront reffusans ou deloians, de confiscacion de leurs fiefz et arriere-fîefz , et d'estre corporellement ou autrement pugnis comme rebelles et desobeissans. Donné au Plessis du Parc, le m® jour de février.
YSOME.
Au bailli de Gaen ou à son lieutenant gênerais MLXXXI.
AU PARLEMENT (v.).
Plessis-du-Parc, 3 février 1478.
Ordre d'expédier rapidement le procès des Chartreux de Paris avec les héritiers de Guillaume Colombel. — (Orig. Arch. nat., XiA 9317, fol. 67.)
De par le roy.
Noz amez et feaulx, les povres religieux Chartreux
lez nostre ville de Paris nous ont remonstré comment
ilz ont ung procès en nostre court de Parlement à
rencontre des héritiers de Guillaume ColombeF, qui
1. La présente missive est transcrite dans un mandement adressé de Caen le 12 février 1478 par « May de HouUefort, escuier, seigneur de Hamars et de Vienne, conseiller, chambellan du Roy, son bailly de Gaen, au viconte de Faloize ou à son lieutenant, » en exécution de ladite missive.
2. Guillaume Colombel, « receveur de l'émolument de certains greniers à sel sur et deçà les rivières de Seine et d'Yonne, baillez par le Roy à messeigneurs les presidens, coaseillers et autres officiers de la court de Parlement, sur leurs gaiges, » donne quittance, le 9 janvier 1447, à Thomas Le Forestier, grenetier du grenier à sel de Pontoise, de la somme de 80 1. t. « sur ce qu'il peut et pourra devoir à cause de la revenue dudict grenier » pour l'année commencée le l»"" octobre précédent. (Bibl. nat., Pièces orig., vol. 822, doss. 18472, Colombel, n° 2.) Par lettres données à Paris, le 16 septembre 1461, Louis XI le confirma dans son office de « commis à recevoir les deniers pour Te payement des gens de ladicte court (de Parlement) et à faire le paiement aux particulliers d'icelle, tant du paiement ordinaire que des vaccacions d'après disner. » (Ibid., n" 3.) Le 6 novembre 1463, Guillaume Colombel adressait un mandement au « grenetier et contreroUeur du grenier à sel d'Honnefleu, » lui ordonnant « pour subvenir à la grant finance qu'il convient au roi de présent avoir
de pieça a esté appoincté en droit, et ne reste que à pronuncer l'arrest; pour quoy, et que desirons les affaires des povres églises estre abrégez, et aussi pour la singulière devocion que avons audit ordre, nous vous nnandons et très accertes et aussi especiailement que povons, commandons et enjoignons que, sans plus delaier, vous veez et visitez diligemment et sans interruption ledict procès, et le décidés et jugiés ainsi que en tous termes de raison et de bonne justice trouverez et sans faveur que faire ce doit^. Et vous y conduisez si diligemment et vertueusement qu'il ne soit besoing de vous plus en escripre. Donné au Plesseis du Parc lez Tours, le tiers jour de février.
LOYS
Bernard.
A noz amez et feaulx conseilliers les gens tenans nostre Parlement à Paris.
Recepte ix februarii M° CCCC° LXXVII°.
et faire pour le recouvrement de ses terres de Picardie engagées par le traicté d'Arras à Monseigneur le duc de Bourgoigne, et pourveoir au pris excessif du sel qui se vent et distribue es greniers de ce royaume hors le pays de Languedoc, » de vendre à l'avenir, pendant deux ans, à partir de la Saint-Remy précédente, chaque muid de sel, « pour le droit du marchant, » 26 1., sur lesquelles il y aura 4 1. t., à partir du 1" octobre précédent, à remettre au « commis pour le Roy à en faire la recepte... » (Ibid., n» 4.) Il adresse des mandements analogues, le 20 décembre 1463, au « grenetier et contrerolleur du grenier de Gaen » et, le 15 septembre 1464, au « grenetier et contrerolleur du grenier de Rouen. » (Ibid., n» 6.)
1. Voy. sur ce procès aux Pièces justificatives, n^VI, un arrêt du Parlement du 23 juin 1478, qui, sans être définitif et sans prononcer en faveur de l'une des parties, explique clairement de quoi il s'agissait.
MLXXXII.
