PIECES JUSTIFICATIVES

LETTRE DU ROI DE SICILE A LOUIS XI (d.).

Marseille, 7 février 1476.

Prière de ne pas mettre les gens du sire de Graon en garnison à Saint -Mihiel et de remettre en liberté ses officiers de Bar détenus à Sainte-Menehould. — (Orig. Bibl. nat., Ms. fr. 15538, fol. 341 vo.)

Mon très redoublé seigneur, si très humblement que je puis, me recommande à vostre bonne \ et vous plaise sçavoir, Monseigneur, que j'ay présentement sceu que les gens d'armes de la compaignie du s' de Graon veuUent eulx logier et mettre en garnison en ma ville de Sainct MichieP, estant du tout hors vostre royaume et en ma souveraineté, dont j'ay esté et suis fort esmerveillié, et ne puis croire qu'il procède de vostre sceu et commandement, vous supplient, Monseigneur, avoir consideracion à ce que dit est, et mander faire desporter lesdiz gens d'armes d'aller oudit S' Michiel, et au surplus mande»- faire mectre au délivre mes officiers de Bar détenus à Saincte Menehoud, lesquelz, comme je croy, trouverez qu'ilz n'ont point failly. Et sur ce vous plaise me faire responce telle que par effect je treuve la bonne esperence que j'ay continuelement eue et ay en vous, priant à Dieu, Monseigneur, qu'il vous doint très bonne vie et longue. Escript à Marseille le vn^ jour de février.

Vostre très humble et très obéissant,

Le koy de Cecille, duc d'Anjou.

A mon très redoublé seigneur, Monseigneur le roy.