L. TiNDO
A noz amez et feaulx conseillers les gens tenans nostre Parlement à Paris.
Recepte xij januarii M° CGCC° LXXV1I°.
MLVIIL
AU PARLEMENT (v.).
Plessis-du-Parc, 23 décembre 1477.
Ordre de vider rapidement le procès pendant entre le sire
d'Alègre et le seigneur de Montgascon. — (Orig. Arch. nat., X1A9317, fol. 47.)
De par le roy.
Noz amez et feaulx, le sire d'Alegre est venu devers nous disant qu'il a ung procès par devant vous en nostre court de Parlement entre luy, comme défendeur, à rencontre du seigneur de Montgascon, demandeur; lequel procès est pieçà appoincté en droit et ne reste que le juger. Et autrefoiz, vous avons escript que le voulsissiez vuyder, ce que n'avez encores fait. Et pour ce que desirons l'abreviacion dudit procès en faveur dudit s'^ d'Alegre, pour les agréables services qu'il nous a faiz et fait de jour en jour, nous vous mandons que vous faictes vuyder ledit procès et faire aux parties briefve expedicion, comme verrez estre à faire par raison, sur tant que nous desirez faire plaisir. Et en ce ne faictes faulte, et y faictes en façon que ledit s*" d'Alegre n'ait plus cause d'en retourner devers nous. Donné au Plesseys du Parc, le XXIII® jour de décembre. y
J. Mesme.
A noz amez et feaulx conseilliers les gens tenans nostre court de Parlement.
Recepte tercia januarii M» CCCG° LXXVII""> (v. st.).
MLIX.
AU SIRE DE CHAUMONT (d.).
Plessis-du-Parc, ... décembre 1477.
Notification faite îiux Suisses du pouvoir donné audit sire de Ghaumont de négocier une trêve pour la Franche-Comté seulement; ordre à celui-ci de « tenir la matière en suspens; » de
tenir le roi au courant de tout, mais de n'avoir l'air de soulever des dillicultés qu'en son propre nom. — (Orig. Bibl. nat., Ms. fr. 5041, fol. 49.)
Monseigneur le conte', j'ay escript à ceulx des Ligues, comme je vous envoyé le povoir de besongner ou fait de la trêve pour le conté de Bourgongne seulement, dont ilz m'ont fait parler. Sur quoy j'entens que vous praticquez avecques ceulx qui auront charge de besongner en ladicte trêve la forme et condicion commant ilz entendent la faire, et que soubz couleur de celle praticque, de vous mesmes et sans faire semblant que vous en aye escript, tenez la matière en suspens le plus que vous pourrez, et avant que quelque chose conclurre que me advertissez de tout, et faictes par manière qu'ilz ne apparçoyent que le vous aye mandé ; mais faictes comme se les difficultez venoient de vous mesmes, et adieu. Escript au Plesseys du Parc les Tours, le... jour de décembre.
Au dos : « Lettres particulières à Mons"" de Ghaumont. » MLX.
AU PARLEMENT (v.).
Plessis-du-Parc, 30 décembre 1477.
Ordre d'entériner les lettres du don fait à Ymbert de Batarnay, seigneur du Bouchage, des terres de Bouzols, Fay, Servissas et autres confisquées sur le duc de Nemours. — (Orig. Arch. nat., XiA 9317, fol. 49.)
De par le roy.
Noz amez et feaulx, puis aucun temps en ça, en
1. Charles d'Amboise, sire de Ghaumont, comte de Brienne, qui avait remplacé le seigneur de Graon comme gouverneur de Bourgogne.
faveur des bons, grans, agréables et continuelz services, que nous a par cy devant et^..., faiz nostre amé et féal conseillier et chambellan Ymbert de Batarnay, escuier, s'^ du Bouchage, nous lui avons données les terres et seigneuries de Bouzols^, Fay^, Servissas*, et autres terres et seignouries qui furent et appartindrent au feu duc de Nemours^, et lui en avons octroyé ses lectres, ainsi qu'il appartient, lesquelles il vous a fait présenter, pour d'icelles avoir l'entérinement. Mais à ce que avons peu entendre, vous avez différé et différez encores les luy expédier et entériner, dont ne sommes pas contens. Et pour ce que nostre plaisir est que nostredit conseillier et chambellan joisse entièrement de sondit don et de l'effect et contenu en icelles ses lectres, nous voulons, vous mandons, commandons et expressément enjoingnons que lui entérinez sesdites lectres de point en point, selon leur forme et teneur, sans plus y délayer ne faire difficulté quelzconques. Si n'y faictes faulte, car tel est nostre plaisir. Donné au Plessis du Parc, le penultime jour de décembre.
LOYS
J. Mesme.
Recepte viij januarii M° CCCC" LXXVIΰ.
