Un blanc

tumée entretenir, comme de nostre cousté se fera à vo2 subgetz, quant le cas adviendra, comme plus applain serez certifié par les galeaces et autres navires nostres, lesquelx brefvement iront de par delà, et que esforceront de vous faire chose qui vous soit aggreable. Et si par deçà avoit aucune chose qui vous feust à plesir, en le nous signifiant, nous efforcerons de vous en complaire sans l'offence de nostre foy.

MDCLXVIII.

AU ROI DE RONE (v.).

Fin 1481.

Prière de faire restituer à Jean de Vaux un navire naufragé lui appartenant, commandé par Claude Martinet. — (Minute. Bibl. nat., Ms. fr. 15540, fol. 22. Publ. par M. de Mas Latrie dans la Bibliothèque de l'École des chartes, t. II (1840-1841), p. 396.)

Loys, par la grâce de Dieu roy de France, conte de Prouvence et seigneur de Marceille, à le illustrissime roy de Bonne, nostre chier amy, salut et congnoissance de nostre foy catholique. Pour ce que nous avons délibéré, à l'aide de Dieu omnipotent élever en nostre paiz de Prouvence la navigation et fréquenter la marchandise de noz subgectz avecques les vostres, par manière qu'i s'en ensuive utilité et proffit d'une partie et d'autre, et la benivolance acoustumée entre la Majesté du roy de Thunye, vostre père, auquel présentement escrivons, et la vostre, et celle de bonne mémoire du roy de Sicille, nostre oncle, non pas seullement soit conservée, maiz accroisse, dont vous avons bien voulu advertir, en vous priant

bien affectueusement qu'il vous plaise à noz subgetz, lesquelx viendront pratiquer et troquer de par delà, les traicter favorablement, tout ainsi que fesiez par le temps que nostredit oncle vivoit, car aussi ferons nous aux vostres subgets, quant le cas adviendra. Et pour ce que nostrefeal conseiller et trésorier en nostre paiz du Daulphiné, Jehan de Vaulx, lequel nous avons retenu à nostre service pour ses vertus, congnoist mieulx la manière de trafiquer les ungs avecquez les autres, depuis le temps qu'il estoit gênerai dudit paiz de Prouvence, nous avons par lui esté advertiz, que sa navire, de laquelle estoit patron Glaude Martinet, par fortune de mer, est tumbée à naufrage, dont et de tout autre inconvénient que advenir luy pourroit, avons esté desplaisans et serions, pour les mérites et services faiz par luy envers nous ; pour laquelle chose on envoyé devers vous ^ . . , avecques toute puissance de recouvrer tous et chacuns biens et marchandises, lesquelles appartiennent à nostredit trésorier, lesquelles estoient es mains de Pierre Blondel, facteur dudit Martinet, lesquelles depuis par vous ont esté prinses avecquez promesse par vous faicte de les rendre. Si vous prions très chierement que, tant pour satisfaire à l'office de vray prince, que aussi pour contemplation de nous, vous plaise faire rendre ausdietz messagiers tous et chacuns iceulx biens et marchandises par vous prinses ou leur juste valleur et estimation, par manière qu'il ne demeure endommaigié. Et ja soit que la requeste soit juste, neantmoins nous ferez vous ung singulier plaisir. Et si par deçà avoit aucune